1 Baami 22:53 - Kifuliiru

⁵³ Uyo Ahaziya, anagira íbitali nga byo mu masu ga Nahano, anakizi kulikira ingesho za yishe Ahabu, neꞌza nyina Yezebeeri. Anakizi kulikira neꞌngesho za Yerobwamu mugala Nebati, mu kukizi hubiisa Abahisiraheeri, halinde bakizi yifunda mu byaha.

1 Baami 22:53 ပူးပေါင်းရင်းမြစ်များ

1 Baami 14:16

Yerobwamu âli kizi yifunda mu byaha, anakizi hubiisa Abahisiraheeri, halinde nabo bakizi bihuuka. Kyo kitumiri Nahano agabajandirira.»

1 Baami 16:7

Iyo ndumwa yoꞌmuleevi Yehu hiꞌgulu lyaꞌBaasha neꞌmbaga yage, Nahano akagituma, mukuba uyo Baasha âli mali yifunda mu byaha mu masu ga Nahano, anakizi mu múraakaza, nga kwo Yerobwamu naye âli kizi gira. Na kwakundi, Baasha akagira ibala mu kuminika imbaga yoshi ya Yerobwamu.

1 Baami 21:25

(Ulya Ahabu akateberezibwa na mukaage Yezebeeri. Kwokwo, hatazindi boneka umundu úkayifunda mu mabi imbere lya Nahano nga ye.

1 Baami 21:29

«Ka ubwini ngiisi kwo Ahabu ayibiika haashi imbere lyani? Aaho! Bwo ayibiika haashi, ndagaki leeta yubwo buhanya mu siku zaage. Si ngabuleeta mu siku za mugala wage.»

2 Baami 1:2

Ahaziya, mwami waꞌBahisiraheeri, ikyanya âli riiri mu kajumiro i Samariya, anashonera mu kisiika íkiri mu nyumba ya hiꞌgulu lyeꞌyabo, anatibuka, anakomeereka bweneene. Kwokwo, anatuma indumwa, igendi buuza umuzimu Baali-Zebubu mu kaaya keꞌHekurooni, ti: «Ka ngaakira?»

2 Baami 3:2

Uyo Yoramu âli kizi gira amabi imbere lya Nahano. Kundu kwokwo, atâli riiri mubi bweneene, nga yishe na nyina. Mukuba, lulya lwingo lwoꞌmuzimu Baali lwo yishe âli yubasiri, akaluhongola.

2 Baami 8:18

Na bwo akayanga munyere Ahabu, anakulikira ingesho zaage, anakizi gira amabi imbere lya Nahano, nga kwaꞌbandi baami baꞌBahisiraheeri bakagagira.

2 Kutondobola 20:35

Ha nyuma, uyo mwami Yehoshafaati weꞌBuyuda, anayibiika ku Ahaziya, mwami waꞌBahisiraheeri. Noꞌyo Ahaziya ye wâli kizi yagaza Nahano.

Zaburi 106:29

Ikyanya bakagiraga kwokwo, kyanatuma Nahano agabarakarira bweneene, anabatibulira mweꞌkiija.

Hisaaya 65:3

Bali mu ngyokola bweneene ubwakya-ubwayira. Bali mu shiiba mu ndalo zaabo bagweti bagayikumba imigisi. Banakizi giyokera umubadu ku tutanda tuyubake naꞌmatafaari.

Hezekyeri 8:3

Anagolola íbiri nga kuboko, anangwatira ku mushaku. Umutima gwa Rurema gwanandengeza hiꞌgulu lyeꞌkihugo, gwanayami ndwala halinde i Yerusaleemu. Nâli ki riiri mu kati kaꞌmabone ga Rurema. Nanahikaga ha mulyango gweꞌmbembe, ho bali mu yingirira mu lubuga lweꞌkati lweꞌnyumba ya Rurema. Na mu yulwo lubuga, mwâli teresirwi umugisi, úgwâli tumiri Rurema agateerwa noꞌluugi.