1 Baami 20:7 - Kifuliiru

⁷ Ahabu, mbu ayuvwe kwokwo, anakuumania abashaaja booshi ba mu kihugo kyage, anababwira: «Uyu mundu, lolagi ngiisi kwo aloziizi ukutuleetera ubuhanya. Ikyanya akalungika indumwa kwo aloziizi bakaanie, naꞌbaana baani, kiri neꞌnooro, neꞌharija zaani, ndakamúlahirira.»

1 Baami 20:7 ပူးပေါင်းရင်းမြစ်များ

1 Baami 20:6

Kusheezi ku kyanya íkiri nga kyekino, ngakutumira abakozi baani. Bagayiji shakula-shakula mu mwawe, kiri neꞌmwa bakulu baawe. Ngiisi byo bagaabona kwo biri naꞌkamaro, bagabiyabiira, banabindeetere.”»

1 Baami 20:8

Balya bashaaja kuguma naꞌbandu booshi, banamúshuvya: «Utakolwe mbu umútwaze, utanamúyemeerere.»

1 Baami 21:8

Uyo Yezebeeri anayandika amaruba kwiꞌziina lya Ahabu, anagabiika kwaꞌkamangu ka mwami. Yago maruba, anagatumira abashaaja ba mu kaaya ka Nabooti, kuguma naꞌbanalushaagwa ábâli tuuziri mwo.

1 Baami 8:1

Ha nyuma, mwami Sulumaani anatumira abashaaja booshi baꞌBahisiraheeri, naꞌbakulu beꞌmilala yabo, naꞌbeꞌmbaga zaabo. Âli loziizi kwo bamúyijire i Yerusaleemu, gira balyose Akajumba Kataluule ngiisi ho kâli ki riiri mu Kaaya ka Dahudi (kuli kudeta: i Sayuni), banakatwale mu nyumba ya Rurema.

2 Baami 5:7

Yago maruba, mwami waꞌBahisiraheeri mbu agasome, anayami daatula ibyambalwa byage, anadeta kwokuno: «Yayewe! Ka nie Rurema? Ka mwami weꞌHaraamu atoniri kwo mbiiti ubushobozi bwoꞌkuyita umundu, na njubi múkiza? Kituma kikagi andumira uyu mundu wage, mbu nimúkirize ye umubembe? Mumenye buno kwoꞌyu mundu aloziizi naaho ukundeetera imbamba.»

1 Kutondobola 13:1

Mwami Dahudi anahanuusa ngiisi birongoozi byaꞌbasirikaani baage kihumbi, kiri neꞌbyaꞌmagana.

1 Kutondobola 28:1

Mwami Dahudi anatumira abakulu booshi baꞌBahisiraheeri, gira bakuumane i Yerusaleemu. Mu kati kaabo, mwâli riiri abimangizi beꞌmilala, naꞌbakulu baꞌbasirikaani, baba baꞌbasirikaani bihumbi, kandi iri magana, kuguma naꞌbimangizi beꞌbindu byoshi bya mwami, naꞌbeꞌbitugwa byage byoshi, kiri na bagala baage, kuguma naꞌbakulu baꞌkajumiro, neꞌbikalage byaꞌbasirikaani, naꞌbanalushaagwa.

Hayubu 15:35

Bagweti bagashungika amakuba naaho, naꞌmabi. Bali mu yitoneesa naaho, ngiisi kwo bagalyalyania abaabo.»

Zaburi 140:2

E Nahano, ungize mu banangora-mabi. Si bagweti bagakomeresania! Aaho! Ukizi ndanga, maashi!

Zaburi 36:4

Byo bali mu deta, gali mabi naaho, gira bakizi henderezania. Keera bakajandirira ubwitegeereze, batanali mu gira amiija.

Zaburi 62:3

Yenyene naaho ye lwala lwani, ye nali mu ngiza. Ye siribo yani, ndanâye ki hubagale.

Zaburi 7:14

Ee! Agalingikania ibyugi byoꞌkuyitana. Imyambi yage, igweti igagulumira, gira igendi yasania.

Migani 11:14

Ikyanya ikihugo kiri mu bula uburongoozi, kiri mu shaabuka. Si ikyanya abahanuuzi bali bingi, lyoki kiri mu kizibwa.

Migani 11:27

Ikyanya abandu bali mu looza ukugirirana amiija, nabo bali mu gagirirwa. Si ngiisi úli mu looza ukugira amabi, galya mabi gali mu múgalukira.

Migani 24:2

Si mu mitima yabo, bali mu shungika ubwitani naaho! Neꞌkyanya bali mu deta, kuli mu ba naaho ku milongwe.

Migani 6:14

Mu mutima gwage, ali mu shungika amabi, mu kati koꞌbulyalya. Kyo kitumiri ayamiri ali mu longoozania.

Danyeri 11:27

Yabo baami bombi, ngiisi muguma agalooza kwoꞌwabo alonge uruhombo. Kwokwo, ikyanya bagaaba baki bwatiiri kuguma ha kashasha, ngiisi muguma agakizi tonera uwabo buligo, halinde banakizi tebana. Kundu kwokwo, bagaaba ndaabyo baagira. Mukuba, ibyeꞌmbeka keera bikashungikwa, bigaanaba.