1 Baami 18:5 - Kifuliiru

⁵ Kwokwo, Ahabu anabwira Hobadiya: «Tugende tugalenga-lenga mu kihugo, tutanduule ishyoko zooshi, neꞌnyiiji zooshi. Hali ikyanya twangakengeera twalonga ubwasi, gira tukize ifwarasi ziitu, neꞌbiiza bya bapunda biitu. Kwokwo, lyo tutagaki bayita.»

1 Baami 18:5 ပူးပေါင်းရင်းမြစ်များ

1 Baami 18:4

Kiri neꞌkyanya umugoli Yezebeeri âli kizi yitiisa abaleevi ba Nahano, Hobadiya anayabiira abaleevi igana, anakizi babisha mu lwala, makumi gataanu-gataanu, anakizi basheegula ibyokulya naꞌmiiji.)

1 Baami 18:6

Kwokwo, mu kutanduula-tanduula, banagabaana ikihugo. Ahabu anahona uluhande luguma. Hobadiya naye, anahona ulundi.

Zaburi 104:14

Ikyanya uli mu tanduula ibitugwa, uli mu kizi bimegeza ubwasi. Kiri naꞌbandu, uli mu kizi bamegeza imbuto kwiꞌdaho, halinde bakizi longa byo bagaalya.

Yeremiya 14:3

Ikyanya abakulu bali mu tuma abakozi baabo, kwo bagendi vwoma amiiji, bali mu gwana ibirigo bikamiri ngenene. Kinatume bagagalukana ibirugu bimaata, bakoli yinamiri. Ee! Ishoni zinabagwate, banagire mbu bayibishe amalanga.

Yuheeri 1:18

Yuvwirizi ngiisi kweꞌbitugwa bigweti bigaborooga. Ingaavu, zigweti zigayifuka iyo munda neꞌyo munda, hiꞌgulu lyoꞌkubula indagiriro. Kiri neꞌbibuzi neꞌmbene, bigweti bigalibuuka!

Yuheeri 1:20

Kiri inyamiishwa, zigweti zigakutabaaza, bweꞌnyiiji zikoli kamiri lwoshi! Kiri na mu kishuka, umuliro gwayami singoola ibyasi.

Yuheeri 2:22

Emwe nyamiishwa, mutaki yobohe. Mukuba, mu kishuka, umuyonga gugaki mera. Kiri neꞌbiti, bigatongeka kweꞌbitumbwe. Imizabibu neꞌmitiini, keera byajoojeka ku bwingi.

Hamoosi 4:8

Kyanatuma, abandu bagakizi genda mu ngiisi kaaya, gira balooze byo bagaanywa. Yohoo! Galya miiji ga hala, gatatwa inyoota. Kundu kwokwo, mutakangalukira. Kwokwo, kwo nie Nahano ndesiri.

Habakuki 3:17

Ibiti byeꞌmitiini kundu bitahembiri, neꞌmizabibu inabe ndaabyo bitumbwe byo itongesiri, neꞌmizehituuni inabe ndaago mavuta ágayezirwi mwo, neꞌndalo, imimbu yazo inabe ndaayo, neꞌbibuzi binabe bikakumbululwa mu lugo, neꞌngaavu mwiꞌruli, banabe bazipiisa!