1 Baami 10:7 - Kifuliiru

⁷ Kundu kwokwo, ndashubi gayemiiri, halinde nayihikira nienyene, nanagayibonera. E balya, batakambwira kiri neꞌkitolo kyago. Ubwitegeereze bwawe, noꞌbugale bwawe, bitalusiri bweneene ngiisi kwo nꞌgabwirwa.

1 Baami 10:7 ပူးပေါင်းရင်းမြစ်များ

1 Baami 10:6

Ulya mwami-kazi anabwira mwami kwokuno: «Ikyanya nâli ki riiri mu kihugo kyani, nâli kizi yuvwa amagambo mingi hiꞌgulu lyoꞌbwitegeereze bwawe, na ngiisi kwo uli mu kola. Kiziga yago gooshi, gali goꞌkuli.

1 Baami 10:8

«Yaba bandu, bali bahiirwa bweneene. Kiri na yaba bakulu baawe, bali bahiirwa, bwo bali mu yimanga imbere lyawe ngiisi lusiku, iri banayuvwiriza ubwitegeereze bwawe.

Zaburi 48:9

Ngiisi byo tukayuvwa hiꞌgulu lya Sayuni, tukabiyibonera twenyene. Kali kaaya ka Rurema, Nahano woꞌbushobozi bwoshi. Yenyene agakasikamya imyaka neꞌmyakuula.

Hisaaya 64:4

Ikyanya bali mu ba bafitiirwi ku bikwaniini, uli mu batabaala. Mukuba, bali mu ba bakengiiri ngiisi kwo bangatuula imbere lyawe. Haliko, ikyanya tukakuhubira, wanaturakarira. Buno, keera twamala isiku nyingi, tuli mu huna imbere lyawe. Aaho! Kutagi kwo twangaki kiziibwi?

Zakariya 9:17

Emwe! Bagaaba banonosiri ngana-ngana, banalimbiisibwe bweneene! Imisore yabo mitabana neꞌminyere, igaafiika bweneene, bweꞌngano neꞌdivaayi bigaaba bikoli luguusiri.

Mariko 16:11

Neꞌri bakayuvwa umwazi kwo akola mugumaana, na kwo Maryamu keera amúbona, batanagutwaza.

1 Bakorindo 2:9

Biri nga kwo biyandisirwi kwokuno: «Ibyaꞌbandu batazindi bona, batanazindi biyuvwa, batanazindi bisalira kwo, byebyo byo Rurema keera akagwanwa ateganulira ngiisi ábamúkuuziri.»

1 Yohana 3:2

E bakundwa baani! Buno tukola baana ba Rurema. Haliko, ngiisi kwo twâye be, bitazi menyeekana. Tuyijagi naaho kweꞌkyanya Kirisito agaboneka, tugamúshusha, tunamúbone nga ngiisi kwo ali.