Yuunusa 1:4 - Dewtere Laamɗo Fulfulde Burkina Faso

⁴ Ammaa Joomiraaɗo neli henndu semmbiɗindu sanne dow maayo ngoon. Bempeƴƴe mawɗe ngaɗi dow maggo, henndu fiyi ndiyam ɗaam ummini ɗam faa laana kaan ɓadi helude.

Yuunusa 1:4 ပူးပေါင်းရင်းမြစ်များ

Wurtagol 10:13

Muusaa foorti sawru muuɗum dow leydi Misira. Joomiraaɗo waɗi henndu lettugal wifi nyalooma oon e jemma oon fuu. Nde weetunoo fu, tawi henndu lettugal nduun waddii baɓɓatti.

Wurtagol 10:19

Joomiraaɗo waɗi henndu mawndu ƴuuri gorgal, wifi de hooƴi baɓɓatti ɗiin. Ndu faɗɗi ɗi ley maayo wi'eteengo maayo Maaliya. Fay baɓɓattu ngootu heddaaki ley leydi Misira.

Wurtagol 14:21

Muusaa foorti junngo muuɗum dow maayo ngoon. Joomiraaɗo waɗi henndu mawndu ƴuurundu lettugal wifi ley jemma oon fuu faa ndu foottina ndiyam ɗaam, yoppa leydi njoorndi. Ndiyam ɗaam feccii.

Wurtagol 15:10

Puufuɗaa de ndiyam maayo moɗi ɓe. Ɓe ndiƴƴowi hono njamndi ɓaleeri faa ley diyeele cemmbiɗinɗe ɗeen.

Amos 4:13

Sabo taguɗo baamle, gaɗuɗo henndu, kaaltanoowo ɓiɓɓe-Aadama miilooji muɓɓen, battitiroowo pooyngol fajiri e nimre tekkunde, jaaɓoowo dow toowdiije leydi oon, innde muuɗum wo Joomiraaɗo, wo Laamɗo Jom Kammu e Leydi.

Limle 11:31

Caggal ɗuum Joomiraaɗo waɗi henndu ruuyni gerre piirooje dow maayooji, waddi dow hoɗorde ɗoon e piilol muuɗum fuu. Iɗe keewi nokku oon fuu, iɗe piilii hoɗorde ndeen tatteeji fuu. Nyallahiirawol hewtata to ɗe kaaɗi. Iɗe njowondiri faa tooweefi majje na waɗa piyanɗe ɗiɗi.