Yoosuwa 9:1 - Dewtere Laamɗo Fulfulde Burkina Faso

¹ Kabaaru jaalagol Israa'iila'en yottii laamiiɓe wonɓe gorgal Urdun fuu, to leyɗe gonɗe dow baamle, e ley baamle e leyɗe ɗakkiiɗe maayo Manngo faa yottii Liban. Ɓeen ngoni laamiiɓe Hittiyankooɓe e Amorinkooɓe e Kanaaninkooɓe e Perisinkooɓe e Hiwinkooɓe e Yebusinkooɓe fuu. Nde ɓe nannoo kabaaru majjum ndeen,

Yoosuwa 9:1 ပူးပေါင်းရင်းမြစ်များ

2 Samuwiila 24:7

Ɓe ndilli toon ɓe njehi ngalluure reenoore wi'eteende Tirus e galluuje Hiwinkooɓe e Kanaani'en fuu. Sakitii ɓe njehi Beerseba ley ladde leydi Yahuuda.

Wurtagol 23:23

Maleyka am ardete faa yaare ley leydi Amorinkooɓe, e Hittiyankooɓe, e Perisinkooɓe, e Kanaaninkooɓe, e Hewinkooɓe, e Yebusinkooɓe. Mi halkan ɓe.

Wurtagol 23:31

Mi hokkan on ndongu gilla maayo Maaliya faa maayo Filistiyankooɓe, gilla ladde yoornde faa maayo Efrat, sabo mi wattan jooɗiiɓe e leydi ndiin fu e juuɗe mooɗon. On ndiiwan ɓe yeeso mooɗon.

Wurtagol 3:17

Ɗum saabii mbi'umi mi wurtinan on e mettorgal mooɗon ley leydi Misira, mi yaara on leydi Kanaaninkooɓe e Hittiyankooɓe e Amorinkooɓe e Perisinkooɓe e Hewinkooɓe e Yebusinkooɓe. Ndiin woni leydi ndi kosam e njuumndi ilata e muuɗum.

Wurtagol 34:11

Kakkilaa e ko njamiranmaami hannden ɗuum. Mi riiwan Amorinkooɓe e Kanaaninkooɓe e Hittiyankooɓe e Perisinkooɓe e Hewinkooɓe e Yebusinkooɓe yeeso maaɗa.

Limle 13:29

Amalekinkooɓe na njooɗii horɗoore, Hittiyankooɓe e Yebusinkooɓe e Amorinkooɓe na njooɗii faro baamle. Kanaaninkooɓe du na njooɗii daande maayo Manngo e daande gooruwol Urdun.

Limle 34:6

Faro gorgal du, maayo Manngo laatoo keerol leydi mooɗon.

Fillitagol 1:7

Ndelle ummee ƴeenyowon baamle Amorinkooɓe, naaton leyɗe piiliiɗe ɗum'en e njaayri Araba e leydi baamle e jaayri sera baamle e Negeb mo horɗoore e daande maayo, leydi Kanaana e Liban faa yottoo maayo Efrat.

Fillitagol 3:25

Accu mi faltoo, mi yi'a leydi lobbiri ngonndi faro gorgal Urdun ndiin. Mi heɓa mi yi'a baamle lobbe e leydi Liban.

Fillitagol 4:49

ley njaayri Araba faro lettugal Urdun faa yottii maayo Lamɗam ley jippitorɗe Pisiga.

Fillitagol 7:1

Joomiraaɗo, Laamɗo mooɗon nannan on leydi ndi kuccuɗon faa laatoo ndongu mooɗon ndiin. Nde ɓattowiɗon ndi fu, o riiwan lenyi keewɗi yeeso mooɗon, ɗum woni Hittiyankooɓe e Girgasinkooɓe e Amorinkooɓe e Kanaaninkooɓe e Perisinkooɓe e Hewinkooɓe e Yebusinkooɓe, lenyi jeɗɗi ɓurɗi on ɗuuɗude e semmbe ɗiin.

Yoosuwa 1:15

faa ɗo Joomiraaɗo hokki ɓe kamɓe du powtiri hono no hokkiri on ni, faa ɗo ɓe teeti leydi ndi o hokkata ɓe ndiin. Caggal majjum coƴƴoɗon onon du, ndawranon leydi ndi Muusaa maccuɗo Joomiraaɗo hokki on lettugal Urdun ndiin.

Yoosuwa 1:4

Gilla ley ladde faa yottowoo dow baamle Liban faro soɓɓirre, gilla maayo wi'eteengo Efrat, e leydi Hittiyankooɓe fuu, faa yottoo maayo Manngo faro gorgal maggo, fuu laatoo leydi mooɗon.

Yoosuwa 10:23

Ɓe ngaɗiri noon, ɓe mburtini laamiiɓe njoyo ɓeen ley loho koon, ɓe ngaddi ɓeen to makko. Kamɓe ngoni kaananke Urusaliima e mo Heberon e mo Yarmut e mo Lakis e mo Egilon.

Yoosuwa 11:17

O heɓi jaalagol gilla waamnde Halak faro Seyir faa yottii Ba'al-Gada ley naɗɗol Liban faa ley waamnde Hermon.

Yoosuwa 13:5

Ina heddii du leydi Gebalankooɓe e Liban fuu faro lettugal, gilla Ba'al-Gada ley Hermon faa yottoo dammbugal wuro Hamat.

Yoosuwa 15:12

Maayo ngoon woni keerol maɓɓe faro gorgal. Ɗum woni keerol leydi lenyol Yahuuda e yimɓe muuɗum.

Yoosuwa 22:4

Joonin du, Joomiraaɗo hokkii sakiraaɓe mon ɓeen jam, hono no aadiraninoo ɓe. Ndelle, coƴƴee, njehee ley cuuɗi mon nder leydi laatiindi ndongu mon ndi Muusaa maccuɗo Joomiraaɗo hokki on caggal Urdun.

Yoosuwa 22:7

Wooɗi, Muusaa hokkiino feccere lenyol Manasa ndongu muɓɓen nder leydi Baasan. Ammaa feccere wonnde ndeen, wo Yoosuwa kam hokki ɗum'en leydi ngonndi gorgal Urdun, ɗakkol sakiraaɓe maɓɓe. Yoosuwa waynii ɓe, barkini ɓe,

Yoosuwa 23:4

Miccitee no kokkirmi on ndawranon yimɓe leydi ndiin e cumnal fodde lenyi mooɗon. Mi hokkii on du lenyi leyɗe keddiiɗe ɗe teetaaka tafon ɗeen, e lenyi leyɗe ɗe kalkumi fuu, gilla gooruwol Urdun faa yottii maayo Manngo faro gorgal.

Yoosuwa 24:11

Caggal majjum, eggirɗon gooruwol Urdun, ngarɗon Yeriko. Yimɓe jooɗinooɓe toon ɓeen kaɓdi e mooɗon, kamɓe e Amorinkooɓe e Perisinkooɓe e Kanaaninkooɓe e Hittiyankooɓe e Girgasinkooɓe e Hiwinkooɓe e Yebusinkooɓe. Ɓeen fuu mi watti ɗum'en e juuɗe mon.

Yoosuwa 3:10

Inan no paamirton Laamɗo Buurɗo oon ina wondi e mooɗon. Kanko e hoore makko riiwata Kanaaninkooɓe e Hittiyankooɓe e Hiwinkooɓe e Perisinkooɓe e Girgasinkooɓe e Amorinkooɓe e Yebusinkooɓe yeeso mooɗon.

Yoosuwa 3:17

Wakkati Israa'iila'en peƴƴitanno dow leydi njoorndi ndeen, almaami'en wakkiiɓe keesuwal Amaana Joomiraaɗo ɓeen keddii ina ndarii dow leydi njoorndi hakkunde Urdun, faa jamaa oon fuu feƴƴitidi.

Yoosuwa 5:1

Laamiiɓe Amorinkooɓe wonɓe gorgal gooruwol Urdun, e laamiiɓe Kanaaninkooɓe wonɓe ɗakkol maayo Manngo ɓeen fuu nani no Joomiraaɗo yoorniri ndiyam Urdun yeeso Israa'iila'en faa ɓe peƴƴita. Ndeen kulol manngol nanngi ɓe faa ɓe mbemmbaa.

Yoosuwa 6:27

Joomiraaɗo ina wondi e Yoosuwa, kabaaru makko sankitii nokku fuu nder leydi ndiin.

Yoosuwa 9:7

Ammaa Israa'iila'en mbi'i ɓe: — Noy min kaɓɓidirta e mooɗon amaana sabo na waawi tawee e leydi amin ndi ngonɗon.