Yoosuwa 8:1 - Dewtere Laamɗo Fulfulde Burkina Faso

¹ Joomiraaɗo wi'i Yoosuwa: — Hooƴu konunkooɓe ɓeen fuu, njaadon Ayi. Taa hulu, taa accu cuusal nyake sabo mi wattii kaananke Ayi e yimɓe muuɗum e huɓeere ndeen e leydi ndiin fuu e junngo maa.

Yoosuwa 8:1 ပူးပေါင်းရင်းမြစ်များ

Matta 8:26

O jaabii ɓe, o wi'i: — Ko waɗi de kulɗon? Onon famɗuɓe hoolaare! Wakkati oon, o ummii, o sappani henndu e bempeƴƴe maayo ɗeen e semmbe. Ɗum fuu ɗum deƴƴinii siw!

Fillitagol 1:21

Ndaaree: Joomiraaɗo, Laamɗo mooɗon wattii leydi ndiin e juuɗe mooɗon. Njahon njeytowon ndi hono no Joomiraaɗo, Laamɗo maamiraaɓe mon wi'iri noon. Taa kulon, taa nesi mooɗon taƴa.

Fillitagol 31:8

Joomiraaɗo e hoorem na ardii ma. Kam e hoorem wondan e maaɗa. O yoppataa ma o tottitataako ma. Ndelle taa hulu, taa ɓernde maaɗa diwna.

Fillitagol 7:18

Taa kulon ɓe. Miccitee ko Joomiraaɗo, Laamɗo mooɗon waɗi Fira'awna e leydi Misira fuu.

Fillitagol 7:21

Taa ɓerɗe mon ndiwna saabe maɓɓe, sabo Joomiraaɗo, Laamɗo mon gonɗo hakkunde mooɗon oon, wo Laamɗo mawɗo, kulɓiniiɗo.

Yoosuwa 1:9

Wanaa miin yamiri ma cemmbinɗinaa hoore maa, cemmbinɗinaa ɓernde maa du naa? Taa accu kulol nannge, sabo miin Joomiraaɗo, Laamɗo maaɗa miɗo wondi e maaɗa nokku fuu to njahataa.

Yoosuwa 10:7

Yoosuwa e konunkooɓe muuɗum semmbiɗinɓe e jamaa konunkooɓe keddiiɗo oon fuu ummii Gilgal.

Yoosuwa 10:8

Joomiraaɗo wi'i Yoosuwa: — Taa hulu ɓe, sabo mi wattii ɓe e junngo maa. Fay gooto maɓɓe walaa darotooɗo yeeso maa.

Yoosuwa 2:24

Ɓe mbi'i mo: — Joomiraaɗo watti leydi ndiin fuu e juuɗe men. Yimɓe wonɓe toon fuu kulii en sanne faa iɓe mbemmbaa.

Yoosuwa 6:2

Joomiraaɗo wi'i Yoosuwa: — Ndaar, mi wattii Yeriko e kaananke muuɗum e worɓe mum semmbiɗinɓe fuu e junngo maa.

Yoosuwa 7:9

Si Kanaaninkooɓe e yimɓe wonɓe nder leydi ndi nanii ɗum fu, ɓe tummbiran min, ɓe mooyta inɗe amin nder leydi ndi. De noy ngaɗataa faa innde maa mawnde ndeen anndee?