Yoosuwa 7:7 - Dewtere Laamɗo Fulfulde Burkina Faso

⁷ Yoosuwa wi'i: — Yaa Laamɗo Joomiraaɗo, ɗume saabii de peƴƴintinɗaa jamaa o fuu gooruwol Urdun? Yalla faa ngattaa min e juuɗe Amorinkooɓe, de ɓe kalka min naa? Wayyoo! Tawenoo faa joonin caggal Urdun toon min keddinoo!

Yoosuwa 7:7 ပူးပေါင်းရင်းမြစ်များ

2 Kaanankooɓe 3:10

Kaananke Israa'iila wi'i: — Kaari! Sikke walaa Joomiraaɗo waddii en ɗo, enen kaanankooɓe tato ɓee, faa watta en e juuɗe Mo'abinkooɓe!

Wurtagol 16:3

Ɓe mbi'i ɗum'en: — Kay, ko ɓurannoo min fu, tawee Joomiraaɗo wariino min ley leydi Misira! Toon min njooɗinoo ɗakkol payanɗe amin teewu, miɗen nyaama faa miɗen kaara. Yalla wo warude min kaajaɗon de ngadduɗon min ley ladde yoornde ndee faa mbardon kawrital ngaal fuu rafo naa?

Wurtagol 17:3

De saabe ɗomka ina jogii ɓe sanne, ɓe puɗɗi iɓe ŋurŋurtana Muusaa, Iɓe mbi'a: — Ko waɗi mburtinɗaa min Misira? Yalla faa minen e ɓiɓɓe amin e kulle amin fuu min maaya ɗomka naa?

Limle 14:16

«Joomiraaɗo waawaay yottinde yimɓe muuɗum ɓeen leydi ndi huninoo hokkan ɗum'en ndiin. Ɗuum saabi de halki ɓe ley ladde.»

Limle 14:3

Ko saabii de Joomiraaɗo waddi en ley leydi ndi faa mbardeɗen kaafaaje de rewɓe men e ɓiɓɓe meeɗen nanngee? Si en njeccake leydi Misira ɓuranaa en nii naa?

Matta 17:17

Iisaa ɓattitii, wi'i: — Hey yimɓe jamaanu bonɗo mo walaa goonɗinal! Faa ndey ngondammi e mooɗon? Faa ndey keddotoomi munyande on? Ngaddanee kam suka o ɗo!

Matta 17:20

Iisaa jaabii ɓe, wi'i: — Saabe oɗon pamɗi goonɗinal waɗi ɗum. Goonga kaalanammi on: si goonɗinal mooɗon fotii fay no gabbel lekki mutaari ni, si on mbi'ii waamnde nde: «Ƴuw ɗo, njahaa to», nde ƴuwan. Fay huunde on kunngataako waɗude. [

Ibraninkooɓe 12:5

Yalla on njeggitii haala cemmbinooha ka Laamɗo haaldi e mooɗon kaan, onon ɓiɓɓe muuɗum naa? O wi'ii: «Ɓiyam, nde Joomiraaɗo dartini ma fuu, taa yaw ɗum. Taa ɓernde maa metta si o felii ma.

Yoosuwa 7:6

Yoosuwa e mawɓe Israa'iila ceeki kaddule muɓɓen, kippi geese muɓɓen yeeso keesuwal Joomiraaɗo, faa kiiral naange. Ɓe paɗɗi sollaare dow ko'e maɓɓe saabe mettorgal.

Yoosuwa 7:8

Joomiraaɗo, ɗume mbi'ammi joonin? Sabo Israa'iila'en ndoggii yeeso wayɓe muɓɓen.

Ardiiɓe 20:23

Ɓe njehi, ɓe mboyi yeeso Joomiraaɗo faa kiiral naange, ɓe ƴami ɗum, ɓe mbi'i: — Yalla min njaha katin min kaɓda e sakiraaɓe amin Benyaminkooɓe naa? Joomiraaɗo wi'i: — Ayyo, njehee.

1 Samuwiila 4:3

Nde yimɓe Israa'iila ngartunoo ndaaka muɓɓen ndeen, mawɓe Israa'iila'en mbi'i: — Ko waɗi Joomiraaɗo acci Filistiya'en njaalii min hannden? Accee kooƴen keesuwal Amaana Joomiraaɗo gonngal nokkuure Siilo faa ngal wara hakkunde meeɗen, ngal danna en e baawɗe wayɓe en.