Yoosuwa 7:26 - Dewtere Laamɗo Fulfulde Burkina Faso

²⁶ Ɓe ndeki joorde kaaƴe mawnde dow muɓɓen. Joorde ndeen na heddii faa warde hannden. Saabe majjum ɓe inndiri nokkuure ndeen naɗɗol Akor (ɗum woni «bonanda»), noon woni innde mayre faa joonin. Caggal ɗuum Joomiraaɗo itti tikkere muuɗum nyaaɗunde ndeen dow Israa'iila.

Yoosuwa 7:26 ပူးပေါင်းရင်းမြစ်များ

2 Samuwiila 18:17

Ɓe kooƴi ɓanndu Absalom, ɓe paɗɗi ndu ley ngayka mawka ley cukkuri toon, de ɓe teli kaaƴe dow makko faa toowi sanne. Ndeen Israa'iila'en mono fuu doggiri wuro muuɗum.

2 Samuwiila 21:14

Daawda yamiri ƴi'e Sawulu e Yonatan ɗeen njaaree faa wuro Seela ley leydi Benjamin. Ɓe uwi ɗe toon ley saabeere Kis, baaba Sawulu. Ɓe ngaɗi ko Daawda yamiri fuu. Caggal ɗuum Laamɗo jaɓi du'aawuuji, rafo ngoon ƴuwi e leydi Israa'iila.

Isira 10:14

Ndelle accu ardiiɓe min ɓeen ndaranoo min, de yimɓe gure amin ɓaŋuɓe rewɓe ɓeen, ngara to mawɓe e hiitotooɓe kuɓeeje muɓɓen, fodde wakkati mo kokkaa. Min ngaɗiran noon faa Laamɗo meeɗen itta tikkere mawnde nde tikkani min saabe bonanda mo min ngaɗi oon.

Wurtagol 32:12

Ko saabii de accaa Misirankooɓe keɓa mbi'a: «Wo saabe bonde de mburtinɗaa ɓe faa mbaraa ɓe hakkunde baamle, piɗɗaa ɓe e adunaaru?» Yaa Joomiraaɗo, feewnu ɓernde maaɗa, taa halkir yimɓe maaɗa tikkere!

Yuunusa 1:15

Ndeen ɓe kooƴi Yuunusa ɓe paɗɗi ɗum nder maayo ngoon, de ngo deƴƴini siw.

Limle 25:8

riiwi Israa'iilanke oon faa hewti hukum toon de yuwi ɓe ɗiɗo fuu. Debbo oon kaa o yuwi ɗum reedu. Ndeen masiiba caamannooɗo dow Israa'iila'en oon darii.

Fillitagol 13:17

Kawrondinon jawdi maɓɓe fuu hakkunde galluure ndeen de mbulanon nde Joomiraaɗo, Laamɗo mooɗon, kayre e ko woni e mayre fuu. Nde laatoo winnde, wooɗi du nde nyiɓtataake faa abada.

Fillitagol 13:18

Taa kooƴon faa'e e ko halketee ɗuum faa tikkere Joomiraaɗo, Laamɗo mooɗon nyanngunde ndeen tottitoo on de o yurmoo on, o ɗuuɗina on faa keewon fodde no o hunoraninoo maamiraaɓe mon noon.

Yoosuwa 10:27

Nde naange hiirunoo fu, Yoosuwa yamiri ɓalli maɓɓe njippinee dow leɗɗe ɗeen. Ɓe paɗɗi ɗi nder loho to ɓeen cuuɗinoo toon, de ɓe uddi kaaƴe mawɗe e hunnduko loho koon. Toon ɗe keddii faa warde hannden.

Yoosuwa 7:24

Yoosuwa e yimɓe Israa'iila fuu kooƴi Akan ɓii Jerak e cardi ndiin e jawdi keddiindi ndiin e tayre kaŋŋe ndeen, e ɓiɓɓe makko worɓe e rewɓe, e na'i makko e araaji makko e dammucce makko e hukum makko e ko o jeyi fuu, ɓe njaari ɗum ley naɗɗol Akor.

Yoosuwa 8:29

O haɓɓi daande kaananke Ayi, o ɓili ɗum dow lekki faa kiiral naange. Nde naange hiirunoo fu, Yoosuwa yamiri ɓe njippina ɓanndu makko. Ɓe paɗɗi ndu faa to dammbugal huɓeere ndeen, ɓe ndeki dow mayru joorde kaaƴe mawnde. Joorde kaaƴe ndeen ina heddii faa warde hannden.