Yoosuwa 7:15 - Dewtere Laamɗo Fulfulde Burkina Faso

¹⁵ Cappaaɗo saabe kujje cakkanteeɗe Joomiraaɗo oon faɗɗete ley yiite, kanko e ko o jeyi fuu, sabo o luttii amaana Joomiraaɗo, o semtinii leydi Israa'iila.»

Yoosuwa 7:15 ပူးပေါင်းရင်းမြစ်များ

Fuɗɗoode 34:7

Nde ɓiɓɓe Yaakuuba njaanyunoo fu, nani haala kaan. Ɗum metti ɓe, ɗum haɓɓi ɓe ko'e sanne. Sabo Sikem fukkodake e ɓii Yaakuuba debbo, waɗii ko semtinii Israa'iila, ko haanaa waɗeede.

2 Samuwiila 13:13

Miin le, toy njaadammi e semteende am? Aan du, a laatoto meereejo ley Israa'iila. Joonin le, miɗo ŋaare, kaaldaa e kaananke. O haɗataa ma ɓaŋude kam.

Yoosuwa 7:11

Israa'iila'en ngaɗi hakke. Ɓe luttii amaana mo kaɓɓidimmi e maɓɓe dow yamiroore am. Ɓe kooƴii kujje goɗɗe hakkunde kujje ɗe karminmi ɗeen, ɓe mbujjii ɗe, ɓe ngattii ley gineeji maɓɓe, ɓe cuuɗi.

Yoosuwa 7:16

Jaango majjum, gilla beetee law Yoosuwa ummii. O hawrunduri Israa'iila'en mono fuu e lenyol mum, de lenyol Yahuuda sappaa.

Ardiiɓe 20:10

Caggal ɗuum, ley lenyi Israa'iila fuu en ittan worɓe sappo ley yimɓe 100, de itten 100 ley yimɓe 1.000, wooɗi itten du 1.000 ley yimɓe 10.000, laatoo waddanooɓe konunkooɓe ɓeen nyaamdu. Wooɗi heddiiɓe ɓeen du, njaha Gibeya ley leydi Benyamin faa njomnitoo ngalluure ndeen saabe puuyndam ɗam nde waɗi ley Israa'iila ɗaam.

Ardiiɓe 20:5

Yimɓe ngalluure ndeen ummanii kam ley jemma oon, ngari piilii suudu ndu njippiimi nduun. Wakkati oon wo miin ɓe njiɗunoo warude, de ɓe nanngi deekam, ɓe njani ɗum faa maayi.

Ardiiɓe 20:6

Caggal ɗuum, kooƴumi ɓanndu makko, taƴumi ndu, ngaɗumi pecce, neldumi ɗe nokku fuu to lenyol Israa'iila woni, sabo ɓe ngaɗii huunde bonde harmunde ley leydi Israa'iila.

1 Samuwiila 26:21

Ndeen Sawulu wi'i: — Mi waɗii ko boni. Wartu ɓiyam Daawda. Mi waɗataa ma ko boni saabe ko korsinɗaa nguurndam am ley gite maaɗa hannden ɗuum. Goonga, mi laatake hono puuyɗo, mi woofii sanne.