Yoosuwa 6:4 - Dewtere Laamɗo Fulfulde Burkina Faso

⁴ Almaami'en njeɗɗo ada luwe jawɗi, mono fuu luwal gootal. Ɓe ardoo keesuwal Amaana ngaal. Nyannde jeɗɗaɓerde piiltoɗon huɓeere ndeen kile jeɗɗi, almaami'en ɓeen du puufa luwe muɓɓen.

Yoosuwa 6:4 ပူးပေါင်းရင်းမြစ်များ

Fuɗɗoode 2:3

Laamɗo barkini nyalaande jeɗɗaɓerde ndeen, senini nde, sabo e mayre o fowtinii nde o timminnoo tagugol tageefo fuu ndeen.

1 Kaanankooɓe 18:43

O wi'i golloowo makko: — Ƴeenyu faa dow de ndaaraa faro maayo manngo. Golloowo oon yehi ndaarowi, warti, wi'i mo: — Mi yi'aay faa'e. Kile jeɗɗi Iliyaasa wi'i golloowo oon yaha ndaarowa faro maayo toon.

2 Kaanankooɓe 5:10

Elisey neli o wi'ee o yaha maayo Urdun o lootowo kile jeɗɗi de ɓanndu makko laaɓa, wooɗi du o daɗa.

2 Kaanankooɓe 5:14

Ndeen o yehi maayo Urdun, o muti kile jeɗɗi hono no neɗɗo Laamɗo oon wiirunoo mo noon. Wakkati oon pay o daɗi nyawu makko nguun. Ɓanndu makko heyɗiti faa nanndi e ɓanndu suka pamaro.

Ayuuba 42:8

Joonin, sanaa kooƴon ga'i jeɗɗi e jawɗi jeɗɗi, de njahon to maccuɗo am Ayuuba, cakkon ɗi, ɗi laatanoo on sadaka buleteeɗo. Ayuuba maccuɗo am waɗana on du'aare, miin du mi jaabanto mo du'aare makko taa mi jukkoroo on fodde puuyndam mon, sabo on kaalaay goonga dow am, hono no maccuɗo am Ayuuba noon.

Lewinkooɓe 14:16

Ndeen suuwa sappordu muuɗum nyaamru ley nebbam ngonɗam nder junngo muuɗum nano ɗaam de misa kile jeɗɗi yeeso Joomiraaɗo.

Lewinkooɓe 4:6

O suuwa honndu makko nder ƴiiƴam ɗaam de o misa dow ridoo hukum oon kile jeɗɗi yeeso Joomiraaɗo.

Limle 23:1

Balaama wi'i Balak: — Nyiɓanaa kam kirsirɗe jeɗɗi, wooɗi du, cegilanoɗaa kam ga'i jeɗɗi e jawɗi jeɗɗi.

Yoosuwa 6:13

Almaami'en fuufooɓe luwe jeɗɗi ɓeen ardii almaami'en wakkiiɓe keesuwal Joomiraaɗo ngaal. Ɓe keddii iɓe puufa luwe maɓɓe. Feccere konunkooɓe ina ardii ɓe. Feccere wonde du ina jokki keesuwal Joomiraaɗo ngaal.

Yoosuwa 6:3

Aan e waawɓe konu fuu piiloɗon huɓeere ndeen nde wootere nyannde fuu faa balɗe jeegom.

Yoosuwa 6:5

Si ɓe puufii luwe maɓɓe, ɓe ngaɗii olko faa ɓooyti fu, yimɓe fuu ƴeewnoo daaɗe muɓɓen e semmbe. Ndeen kokuwol huɓeere ndeen saaman. Mono fuu naatira yeeso muuɗum, hippoo nde.

Holleede 1:20

Inan maanaa sirri koode jeɗɗi ɗe nji'uɗaa e junngo am nyaamo ɗe, kam e fitillaaji kaŋŋe jeɗɗi: koode jeɗɗi ɗeen wo maleyka'en kawrite goonɗinɓe jeɗɗi ɗeen. Fitillaaji kaŋŋe jeɗɗi ɗiin wo kawrite goonɗinɓe jeɗɗi ɗeen.

Holleede 1:4

Miin Yuhanna, miɗo winndana kawrite goonɗinɓe jeɗɗi gonɗe e leydi Aasiya. Wo on keɓu moƴƴere e jam ƴuuruɗe to Laamɗo gonɗo, gonnooɗo, gonoowo oon, e ƴuuruɗe to ruuhuuji jeɗɗi gonɗi yeeso jooɗorgal laamu makko ɗiin.

Holleede 10:3

O ƴeewnii daande toownde hono no laddeeru ubbirta ni. Nde o ƴeewninoo ndeen, diggaali jeɗɗi njaaborii mo e hoolo muɓɓen, kam'en du.

Holleede 15:1

Caggal ɗuum, nji'umi dow kammu maande wonnde mawnde haayniinde. Nji'umi maleyka'en njeɗɗo ina njogii masiibaaji jeɗɗi. Wo ɗi masiibaaji cakitotooɗi. E majji tikkere Laamɗo timmata.

Holleede 15:7

E kulle nay buurɗe ɗeen, wootere hokki maleyka'en njeɗɗo ɓeen kaake kaŋŋeeje jeɗɗi keewɗe tikkere Laamɗo Buurɗo faa abada oon.

Holleede 16:1

Ndeen nanumi daande toownde ƴuuri to suudu seniindu toon, ina wi'a maleyka'en njeɗɗo ɓeen: — Njehee, njuppowee dow adunaaru kaake tikkere Laamɗo jeɗɗi ɗeen!

Holleede 5:1

Caggal ɗuum, nji'umi e junngo nyaamo jooɗiiɗo dow jooɗorgal laamu oon dewtere taggaande. Gereeji mayre ɗiɗi fuu ina mbinndaa. Inde ommbiraa takkanɗe maandinaaɗe jeɗɗi.

Holleede 5:6

Ndeen nji'umi Jawgel ina darii hakkunde jooɗorgal ngaal. Kulle nay buurɗe ɗeen e mawɓe ɓeen ina piilii ngel. Ingel nanndi e kirsanoongel. Ingel woodi luwe jeɗɗi e gite jeɗɗi. Ɗeen ngoni ruuhuuji Laamɗo jeɗɗi nuleteeɗi e adunaaru ndu fuu.

Holleede 8:2

Ndeen nji'umi maleyka'en njeɗɗo dariiɓe yeeso Laamɗo. Ɓe kokkaa buutute jeɗɗi.

Holleede 8:6

Caggal ɗuum, maleyka'en njeɗɗo jogiiɓe buutute jeɗɗi ɓeen cegilanii fuufude ɗe.