Yoosuwa 6:23 - Dewtere Laamɗo Fulfulde Burkina Faso

²³ Ɓe njehi, ɓe mburtini Rahabu e baaba muuɗum e inna muuɗum e sakiraaɓe muuɗum e jeydaaɓe muuɗum fuu. Ɓe njoƴƴini ɗum'en sera hoɗorde Israa'iila'en.

Yoosuwa 6:23 ပူးပေါင်းရင်းမြစ်များ

Fuɗɗoode 12:2

Mi waɗete lenyol manngol, mi barkinte, mi mawninan innde maa. Yimɓe fuu keɓan barke saabe maaɗa.

Fuɗɗoode 18:24

Na waawi tawee fonnditiiɓe 50 na ngoni ley huɓeere Sodoma ndeen. Ndelle a yaafataako saabe 50 fonnditiiɓe wonɓe e mayre ɓeen?

Fuɗɗoode 19:29

Nde Laamɗo halkannoo gure gonɗe ley naɗɗol ngool ndeen, miccitii Ibrahiima de danni Luudu. O itti ɗum e halkere ndeen. Nii o halkiri gure ɗo Luudu hoɗunoo ɗoon.

Limle 31:19

Wooɗi du onon ɓeen, keddoɗon yaasin hoɗorde faa waala balɗe jeɗɗi. Onon warɓe woɓɓe e meemuɓe maayɓe, sey laaɓinon ko'e mooɗon nyalaande tataɓerde e jeɗɗaɓerde. Yamiroore ndeen na woodani fay kasunkooɓe mooɗon ɓeen.

Golle Nelaaɓe 10:28

O wi'i ɓe: — Oɗon anndi daganaaki Alhuudiyanke jokkundura e mo wanaa Alhuudiyanke, naa weerande ɗum. Ammaa Laamɗo hollii kam taa mi ndaarda fay gooto karmuɗo naa tuunɗo.

Golle Nelaaɓe 27:24

Maleyka oon wi'i kam: «Pool, taa hulu, tilay a daroto yeeso kaananke Roma mawɗo oon. Laamɗo reenete, aan e yaadiraaɓe maa ɓeen fuu.»

1 Korintunkooɓe 5:12

Sabo mi sarataako yimɓe ɓe ngalaa ley kawrital goonɗinɓe ɓeen. Wo Laamɗo sarotoo ɓe. De oɗon njeyi saraade wonɓe ley kawrital. Wo hono noon winndiraa: «Ittee neɗɗo bonɗo oon e ley mooɗon.»

Efeesunkooɓe 2:12

Miccitee, wakkati oon, on ngalaano Almasiihu, wo on jananɓe woɗɗiiɓe lenyol Israa'iila ngol Laamɗo suɓii ngool, on ngaldaano e amaanaaji ɗi Laamɗo aadorinoo e haala muuɗum ɗiin. On mbuurdiino e rafi jikke, on ngaldaano e Laamɗo ley adunaaru ndu.

Ibraninkooɓe 11:31

Saabe goonɗinal, Rahabu debbo woykuuru oon daɗiri halkideede e luttuɓe Laamɗo ɓeen, sabo o jaɓɓake Israa'iilankooɓe horooɓe leydi makko ɓeen e dow jam.

Ibraninkooɓe 11:7

Saabe goonɗinal, Nuuhu sehiri laana faa danna koreeji muuɗum. O ɗowtanii Laamɗo cappanɗo mo ko warata, ko yi'aaka tafon ɗuum. Noon o sarorii adunaaru ndu fuu. Laamɗo du hiisorii mo o ponnditiiɗo saabe goonɗinal makko ngaal.

Yoosuwa 2:13

accan baaba am e inna am e sakiraaɓe am worɓe e rewɓe e sakiraaɓe muɓɓen fuu mbuura, ndannon yonkiiji amin e maayde.

Yoosuwa 2:16

O wi'i ɓe: — Ndewee dow baamle heɓa taa filotooɓe on ɓeen kawra e mooɗon. Cuuɗee toon balɗe tati faa nde ɓe ngarti, de njokkon laawol mooɗon.

Yoosuwa 2:18

Aan du, inan ko ngaɗataa. Nde min naatoyta e leydi mon ndi fu, kaɓɓaa ɓoggol boɗewol faro wudde nde njippinirɗaa min ndeen. Adaa baaba maa e inna maa e sakiraaɓe maa e yimɓe saare baaba maa fuu, ngaddaa nder suudu maa.

Ardiiɓe 1:25

Oon holli ɓe, de ɓe naati ley mayre. Ɓe mbardi yimɓe huɓeere ndeen fuu kaafaaje. Ammaa gorko oon e suudu muuɗum fuu, ɓe acci ɗum'en ndilli e jam.