Yoosuwa 4:12 - Dewtere Laamɗo Fulfulde Burkina Faso

¹² Ɓiɓɓe lenyol Ruben e Gad e feccere lenyol Manasa paltorii ori ori e kaɓitirɗe muɓɓen, ardii Israa'iila'en heddiiɓe hono no Muusaa yamirnoo ɓe noon.

Yoosuwa 4:12 ပူးပေါင်းရင်းမြစ်များ

Wurtagol 13:18

Saabe ɗuum Laamɗo ƴuurni ɓe laawol laddewol faro maayo Maaliya. Israa'iila'en mburtii leydi Misira na cegilii hono yahooɓe wolde.

Limle 1:24

Lenyol Gad: Worɓe ɓe duuɓi 20 yaade yeeso, hewtuɓe tiigaade kaɓitirɗe konu ɓe inɗe muɓɓen mbinndaa gooto gooto fodde cuuɗi muɓɓen fuu

Limle 32:17

de min kooƴa kaɓitirɗe amin min ardoo Israa'iila'en faa njottowo leydi muɓɓen. Koreeji amin keddoto ley galluuje deeniraaɗe kokkuuji saabe yimɓe leydi ndi.

Fillitagol 3:18

Ndeen kokkumi on yamiroore ndee, mbiimi on: — Joomiraaɗo, Laamɗo mooɗon wattii leydi ndii e juuɗe mooɗon faa njeyton ndi. Ndelle onon konunkooɓe semmbiɗinɓe ɓeen fuu, sey kooƴon kaɓitirɗe mooɗon de ardoɗon sakiraaɓe mon Israa'iila'en.

Fillitagol 33:21

Gad suɓanake hoore muuɗum to ɓuri wooɗude e leydi ndiin, ɓe ndesanii ko'e maɓɓe ko dawrooɓe kaandi ɗuum. Ɓe kawritowii e mawɓe lenyi. Ɓe ngaɗii muuyɗe Joomiraaɗo dartiiɗe, jamirooje ɗe Israa'iila yamiraa waɗa ɗeen.

Yoosuwa 1:14

Rewɓe mon e ɓiɓɓe mon e kulle mon njooɗotoo nder leydi ndi Muusaa hokki on faro lettugal gooruwol Urdun. Ammaa onon worɓe semmbiɗinɓe, waawɓe konu, jogiiɓe kaɓitirɗe fuu, ardoɗon sakiraaɓe mooɗon peƴƴitiron ngol ori ori. Mballon ɓe,

Yoosuwa 4:11

Nde ɓe fuu ɓe peƴƴitinnoo ndeen, almaami'en wakkiiɓe keesuwal Joomiraaɗo ɓeen du peƴƴiti, ardii jamaa oon fuu.

Yoosuwa 4:13

Konunkooɓe ɓeen wo 40.000. Ɓe peƴƴiti gooruwol Urdun yeeso Joomiraaɗo, ɓe njottii ladde yoornde wonnde ɗakkol Yeriko.