Yoosuwa 23:3 - Dewtere Laamɗo Fulfulde Burkina Faso

³ Onon e ko'e mooɗon on nji'ii huunde fuu ko Joomiraaɗo, Laamɗo mon waɗi yimɓe leyɗe ɗeen fuu saabe mooɗon. Joomiraaɗo, Laamɗo kam e hoore muuɗum honani on ɓe.

Yoosuwa 23:3 ပူးပေါင်းရင်းမြစ်များ

Wurtagol 14:14

Joomiraaɗo e hoorem honanta on. Onon kaa ndeƴƴinee tan.

Wurtagol 19:4

Onon e ko'e mon, on nji'ii ko ngaɗumi Misirankooɓe. Mi yowii on hono dow bippeele ciilal de ngaddumi on to am.

Fillitagol 1:30

Joomiraaɗo, Laamɗo mooɗon ardoto on, kam e hoorem haɓanan on hono no waɗirnoo e gite mon leydi Misira noon.

Fillitagol 20:4

Joomiraaɗo, Laamɗo mooɗon na yaada e mooɗon faa haɓda e wayɓe mon de hisina on.

Fillitagol 4:9

Ammaa ndeentee, kakkilee faa wooɗa taa njeggiton ko njiiruɗon gite mon ɗuum. Taa ɗum wurtoo e ɓerɗe mooɗon haddi nguurndam mooɗon fuu. Ekintinon ɗe ɓiɓɓe mooɗon e taaniraaɓe mooɗon.

Fillitagol 7:17

Si on mbi'ii e ɓerɗe mooɗon: — Lenyi ɗii na ɓuri en ɗuuɗude. Noy mbaawirten teetude leydi maɓɓe?

Fillitagol 7:24

O wattan kaanankooɓe maɓɓe e juuɗe mooɗon de kalkon ɗum'en faa inɗe muɓɓen lalla lay. Fay gooto waawataa daraade yeeso mooɗon faa ɓe fuu ɓe timma.

Yoosuwa 10:14

Nyalaande hono mayre waɗaayno abada, waɗata katin du, nde Joomiraaɗo hettindorii haala neɗɗo hono nii. Si goonga, Joomiraaɗo honani yimɓe Israa'iila ley wolde ndeen fuu.

Yoosuwa 10:42

Yoosuwa jaalii laamiiɓe ɓeen e leyɗe muɓɓen fuu, ley orngal konu gootal. Ɗuum fuu waɗii sabo Joomiraaɗo, Laamɗo Israa'iila honani yimɓe muuɗum ley wolde ndeen.

Yoosuwa 23:10

Neɗɗo mooɗon gooto tan ina waawi riiwude wayɓe ujunere, sabo Joomiraaɗo, Laamɗo mon ina honida e mooɗon, hono no o aadoraninoo on noon.