Yoosuwa 22:5 - Dewtere Laamɗo Fulfulde Burkina Faso

⁵ Ammaa kakkilee wooɗa, njokkon Tawreeta mo Muusaa maccuɗo Joomiraaɗo hokki on oon faa laaɓa. Njiɗee Joomiraaɗo, Laamɗo mooɗon, njokkee laabi makko fuu, ɗowtanee jamirooje makko, tiigonduree e makko, ngollanee mo e ɓerɗe mooɗon fuu e yonkiiji mon fuu.

Yoosuwa 22:5 ပူးပေါင်းရင်းမြစ်များ

Wurtagol 15:26

O wi'i ɓe: Si on kettindanake daande am e goonga, on ngaɗii ko wooɗi yeeso am, on ɗowtanake jamirooje am fuu, miin Joomiraaɗo, Laamɗo mooɗon, mi fiirataa on masiibaaji ɗi piirunoomi Misirankooɓe ɗiin. Sabo wo miin woni Joomiraaɗo dannoowo on.

Wurtagol 20:6

Ammaa yiɗuɓe kam de na ɗowtanoo jamirooje am ɓeen kaa, mi hinnoto ɗum'en faa hewta jamaanuuji ujunere.

Wurtagol 23:13

Ngaɗon ko mbi'umi on ɗuum wooɗi du, taa noddon allaaji feere, taa fay inɗe majji nanee e kunnduɗe mooɗon.

Wurtagol 23:25

Ɗowtanoɗon Laamɗo, Joomiraaɗo mooɗon, ndeen o barkinan ko nyaamoton e ko njaroton, wooɗi du, o riiwan nyawu ley ɓalli mooɗon.

Banndi 4:23

Reenu ɓernde maa faa ɓura huunde fuu, sabo ley mayre laabi nguurndam ƴuurata.

Matta 22:37

Iisaa jaabii mo, wi'i: — Yiɗir Laamɗo Joomiraaɗo maa e ɓernde maa fuu e yonki maa fuu e hakkillo maa fuu.

Matta 4:10

Iisaa wi'i mo: — Woɗɗam Seyɗaani! Sabo ina winndaa: «Wo Laamɗo Joomiraaɗo maa kaanɗaa sujidande, kam tan kaanɗaa rewude.»

Matta 6:24

— Fay gooto waawaa gollande joomiraaɓe ɗiɗo, sabo joomum wanyan gooto, de yiɗa keddiiɗo oon, maa du nanngunduran e gooto, de yawa keddiiɗo oon. On mbaawaa gollande Laamɗo e jawdi fuu nde wootere.

Luuka 1:74

danneede e juuɗe wayɓe en faa ngolliranen mo rafi kulol,

Yuhanna 12:26

Si neɗɗo ina yiɗi gollande kam fuu, jokka kam. Ɗo ngonumi fuu, ɗoon golloowo am du wonata. Baabiiwo teddinan gollanoowo kam.

Yuhanna 14:15

— Si oɗon njiɗi kam, on njokkan jamirooje am.

Golle Nelaaɓe 11:23

Nde oon yottinoo de yi'i e maɓɓe moƴƴere Laamɗo fu, seyii, tindini ɓe fuu ɓe tinnoo, ɓe tabita e Joomiraaɗo e ɓerɗe laaɓuɗe.

Golle Nelaaɓe 27:23

Jemma hankin, Laamɗo jeyɗo kam mo ndewammi oon nuli maleyka to am.

Romankooɓe 1:9

Laamɗo mo ndewammi e ɓernde am fuu e ko ngollanammi Kabaaru Lobbo haala Ɓiyum ɗuum, wo seedee miɗo miccoo on wakkati fuu

Romankooɓe 12:9

Njinngu mooɗon laatoo ngu waldaa e naafikaaku. Mbanyee ko boni, kaɓɓee e ko wooɗi.

Romankooɓe 8:28

Eɗen anndi Laamɗo ina gollira huunde fuu faa laatanoo yiɗuɓe ɗum ko wooɗi, ɓe o noddi fodde anniya makko.

Fillitagol 10:20

Wo Joomiraaɗo, Laamɗo mooɗon haani kulon. Wo oon haani ɗowtanoɗon de kaɓɓondiron e muuɗum. Wo e innde makko kunortoɗon.

Fillitagol 11:1

Njiɗon Joomiraaɗo, Laamɗo mooɗo n de njogitoɗon jamirooje e kiite e sariyaaji muuɗum fuu faa abada.

Fillitagol 11:13

Si on kakkilanii jamirooje ɗe kokkammi on hannden, on njiɗii Joomiraaɗo, Laamɗo mooɗon, on ɗowtanake mo e ɓerɗe mon e yonkiiji mon fuu,

Fillitagol 11:22

Sabo si on njogitake jamirooje ɗe ekintinammi on, on ngaɗii ko ɗe mbi'i, on njiɗii Joomiraaɗo, Laamɗo mooɗon, on ndewii laabi muuɗum, on kaɓɓondirii e muuɗum fu,

Fillitagol 13:4

taa kettindanee annabaajo naa piirtoowo koyɗi oon sabo wo Joomiraaɗo, Laamɗo mooɗon oon ndaartintoo on faa faama yalla oɗon njiɗiri ɗum e ɓerɗe mon e yonkiiji mon fuu.

Fillitagol 4:29

Ndeen on piloto Joomiraaɗo, Laamɗo mooɗon de njiiton ɗum, si on tewtirii ɗum e ɓerɗe mon fuu e yonkiiji mon fuu.

Fillitagol 4:4

Ammaa onon jokkuɓe Joomiraaɗo, Laamɗo mooɗon ɓeen kaa, inan on fuu oɗon mbuuri hannden.

Fillitagol 4:6

Ɗowtanoɗon ɗe de ngaɗon ko ɗe mbi'i. Ɗuum seedantoo lenyi nanooji haala jamirooje ɗeen hakkillo mon e anndal mon, faa ɓe mbi'a: — Sikke walaa, lenyol ngol na woodi hakkillo e anndal. Wo ngol lenyol manngol!

Fillitagol 4:9

Ammaa ndeentee, kakkilee faa wooɗa taa njeggiton ko njiiruɗon gite mon ɗuum. Taa ɗum wurtoo e ɓerɗe mooɗon haddi nguurndam mooɗon fuu. Ekintinon ɗe ɓiɓɓe mooɗon e taaniraaɓe mooɗon.

Fillitagol 5:10

Ammaa yiɗuɓe kam de na ɗowtanoo jamirooje am ɓeen kaa, mi hinnoto ɗum'en faa hewta jamaanuuji ujunere.

Fillitagol 6:17

Tinnoɗon e ɗowtanaade jamirooje makko, kakkilanon kiite makko e sariyaaji makko fodde no o yamiri on noon.

Ibraninkooɓe 12:15

Kilnee taa fay gooto yeccoo gaɗa de hunngoo moƴƴere Laamɗo ndeen. Kilnee taa neɗɗo mooɗon laatoo hono ɗaɗol kaaɗungol. Sabo si yaltii fu, na raaɓira yimɓe heewɓe tooke muuɗum.

Yaakuuba 1:12

Barke woodanii neɗɗo fuu munyuɗo ley tiiɗallaaji ndaartindotooɗi ɗum. Sabo nde o ndaardaa o jarraaɗo ndeen, o teddinirte kufune mo Laamɗo aadii hokkude yiɗuɓe ɗum, ɗum woni nguurndam nduumiiɗam.

Yaakuuba 2:5

Sakiraaɓe am horsuɓe, kettindee! Talkaaɓe adunaaru ndu ɓeen, wanaa Laamɗo suɓake ɓe faa ɓe laatoo danyuɓe goonɗinal, ɓe naata e laamu Laamɗo mo Laamɗo aadii hokkude yiɗuɓe ɗum naa?

Yoosuwa 23:8

Ammaa kawtee e Joomiraaɗo, Laamɗo mon hono no njokkirɗon mo faa warde hannden ni.

Holleede 15:3

Iɓe njima jimol Muusaa maccuɗo Laamɗo oon e jimol Jawgel ngeel, iɓe mbi'a: «Laamɗo Joomiraaɗo jom baawɗe fuu, golleeji maa wo mawɗi, wo kaayniiɗi! Laabi maa wo ponnditiiɗi, goongaaji, aan laamiiɗo laamorɗe fuu!

1 Samuwiila 12:20

Samuwiila wi'i yimɓe ɓeen: — Taa kulee. On ngaɗii bonanda o fuu, ammaa taa mbosee Joomiraaɗo, ndewee Joomiraaɗo e ɓerɗe mon fuu.

1 Samuwiila 12:24

Ndelle kulee Joomiraaɗo tan, ɗowtanee ɗum ley laaɓal e ɓerɗe mon fuu, de miiloɗon kulle mawɗe ɗe o waɗani on.

1 Samuwiila 7:3

Ndeen Samuwiila wi'i yimɓe Israa'iila fuu: — Si on ngartii to Joomiraaɗo e ɓerɗe mooɗon fuu, sanaa mboɗɗoɗon alla'en woɓɓe e tooru wi'eteendu Astarta hakkunde mooɗon. Sanaa ponndinon ɓerɗe mooɗon to Joomiraaɗo, ɗowtanoɗon ɗum kam tan. Ndeen o dannan on e juuɗe Filistiyankooɓe.