Yoosuwa 21:1 - Dewtere Laamɗo Fulfulde Burkina Faso

¹ Mawɓe lenyol Lewinkooɓe ngari to almaami Eliyasar e to Yoosuwa ɓii Nuun e to mawɓe lenyi Israa'iila'en.

Yoosuwa 21:1 ပူးပေါင်းရင်းမြစ်များ

Fuɗɗoode 49:7

Tikkere maɓɓe nyanngunde ndeen huɗaama Kuddi ndiin saama dow dukkuru maɓɓe bonndu nduun. Mi senndan ɓe hakkunde ɓiɓɓe Yaakuuba, de mi sankita ɓe ley Israa'iila.

Wurtagol 6:14

Inan hooreeɓe cuuɗi Israa'iila: Ɓiɓɓe Ruben afo Israa'iila ɓeen wo Henok e Pallu e Hesron e Karmi. Ɓeen ngoni ƴuwdi Ruben.

Wurtagol 6:25

Eliyajar ɓii Haaruuna ɓaŋi ɓii Putiyel debbo. Oon rimani ɗum Pinehas. Yimɓe limtaaɓe ɓeen ngoni ƴuwdi Lewi fodde cuuɗi muɓɓen.

Limle 35:1

Joomiraaɗo haaldi e Muusaa ley njaayri Mo'ab, daande Urdun to ƴeenyirde Yeriko, wi'i ɗum: —

Limle 35:8

Hakkunde lenyi Israa'iila 12 ɗiin, lenyol fuu ittana Lewinkooɓe ngeɗu leydi fodde no yimɓe muuɗum poti. Si wo lenyol manngol, ittana ɓe galluuje ɗuuɗɗe; si wo lenyol pamarol du, itta ko famɗi.

Yoosuwa 14:1

Inan no leydi Kanaana senndiraa hakkunde yimɓe Israa'iila. Eliyasar, Almaami oon e Yoosuwa ɓii Nuun e mawɓe lenyi Israa'iila peccani yimɓe Israa'iila leydi ndiin.

Yoosuwa 17:4

Ɓiɓɓe makko rewɓe ɓeen ngari yeeso Eliyasar almaami oon, e yeeso Yoosuwa ɓii Nuun e yeeso mawɓe fuu, mbi'i ɗum'en: — Joomiraaɗo yamiriino Muusaa hokka min ndongu ley leydi ndi hakkunde sakiraaɓe amin worɓe. Ndeen ɓe kokkaa ndongu nder leydi ndiin hakkunde sakiraaɓe maɓɓe worɓe hono no Joomiraaɗo yamirnoo.

Yoosuwa 19:51

Almaami bi'eteeɗo Eliyasar e Yoosuwa ɓii Nuun e mawɓe lenyi Israa'iila'en, kamɓe ngoni senndirɓe leydi ndiin e cumnal. Ɓe ngaɗi ɗum fuu yeeso Joomiraaɗo, to dammbugal hukum hawrugol e Joomiraaɗo gonɗo wuro Silo. Noon ɓe tilorii e senndude leydi ndiin.