Yoosuwa 18:6 - Dewtere Laamɗo Fulfulde Burkina Faso

⁶ Wooɗi mbinndon leydi ndiin, ngaɗon ndi pecce jeɗɗi. Caggal ɗuum ngaddanon kam ɗum. Mi waɗanan on cumnal yeeso Joomiraaɗo, Laamɗo men, faa holla lenyol fuu ndongu muuɗum.

Yoosuwa 18:6 ပူးပေါင်းရင်းမြစ်များ

Banndi 16:33

Cumnal waɗaama faa suɓoo, de wo Joomiraaɗo, kam fodotoo ɗum fuu.

Banndi 18:18

Cumnal na sennda hamre, na timmini haala hakkunde jom'en semmbe.

Limle 33:54

Pecciron leydi ndiin cumnal fodde cuuɗi mooɗon. Cuuɗi ɓurɗi yimɓe fuu kokkee ko ɓuri yaajude e mayri. Ɓurɗi famɗude du kokkee ko ɓuri famɗude. Mono fuu heɓa ngeɗu muuɗum fodde no cumnal ngaal hokkiri ɗum. Ndongu nguun hokkiree cuuɗi baaba.

Limle 34:13

Muusaa yottini Israa'iila'en jamirooje ɗeen, wi'i ɗum'en: — Inan leydi ndi peccirton cumnal hakkunde mooɗon. Joomiraaɗo yamirii ndi hokkee lenyi Israa'iila jeenay e feccere ɗiin.

Golle Nelaaɓe 13:19

Caggal ko o halki lenyi jeɗɗi e ley leydi Kanaana, o hokki ndi yimɓe makko ndona ndi.

Yoosuwa 14:2

Lenyi jeenay e feccere lenyol wootere ndeen keɓirii ndongu muɓɓen e cumnal hono no Joomiraaɗo yamirnoo Muusaa.

Yoosuwa 18:10

Wo ɗoon Yoosuwa waɗani ɓe cumnal yeeso Joomiraaɗo. Noon o yeɗiri lenyi Israa'iila keddiiɗi ɗiin ngeɗuuji muɓɓen, lenyol fuu e nokkuure muuɗum.

Yoosuwa 18:7

Lewinkooɓe kaa keɓataa ndongu nder leydi ndiin hakkunde mooɗon, sabo laataade almaami'en gollanooɓe Joomiraaɗo woni ndongu muɓɓen. Gad e Ruben e feccere lenyol Manasa kaa keɓiino ndongu muɓɓen lettugal Urdun. Wo Muusaa maccuɗo Joomiraaɗo, kam yeɗi ɓe.

Yoosuwa 18:8

Nde worɓe suɓaaɓe ɓeen umminoo faa njaha ndeen, Yoosuwa yamiri ɓe, wi'i: — Njehee, ndaarowee leydi ndiin fuu, de mbinndon ndi, caggal ɗuum ngarton to am. Miin du ley Silo ɗo, mi ŋaariranto on Joomiraaɗo e cumnal.