Yoosuwa 18:10 - Dewtere Laamɗo Fulfulde Burkina Faso

¹⁰ Wo ɗoon Yoosuwa waɗani ɓe cumnal yeeso Joomiraaɗo. Noon o yeɗiri lenyi Israa'iila keddiiɗi ɗiin ngeɗuuji muɓɓen, lenyol fuu e nokkuure muuɗum.

Yoosuwa 18:10 ပူးပေါင်းရင်းမြစ်များ

1 Kabaaruuji Laamiiɓe 24:5

Ɓe cenndiraa golle ɗeen cumnal sabo ardiiɓe gollal nokkuure seniinde e ardiiɓe golle Laamɗo fuu wo ittaaɓe e ɓiɓɓe Eliyajar e ɓe Itamar.

Nehemiya 11:1

Mawɓe ardiiɓe yimɓe njooɗake ley Urusaliima. Heddiiɓe du ngaɗi cumnal faa ley cuuɗi sappo fuu, suudu wooturu jooɗoo nder huɓeere Urusaliima seniinde. Jeenay keddiiɗi ɗiin du, njooɗoo ley kuɓeeje feere feere.

Banndi 18:18

Cumnal na sennda hamre, na timmini haala hakkunde jom'en semmbe.

Limle 34:16

Joomiraaɗo wi'i Muusaa: —

Matta 27:35

Nde ɓe tontunoo mo e leggal palaangal ndeen, ɓe pecciri kaddule makko cumnal.

Yuhanna 17:2

Sabo a hokkii mo baawɗe dow neɗɗo fuu, faa o hokka ɓe kokkuɗaa mo ɓeen fuu nguurndam nduumiiɗam.

Golle Nelaaɓe 13:19

Caggal ko o halki lenyi jeɗɗi e ley leydi Kanaana, o hokki ndi yimɓe makko ndona ndi.

Golle Nelaaɓe 26:18

Mi nulete faa peertaa gite maɓɓe, ɓe ƴuwa e nimre, ɓe ngarta e annoora, ɓe ƴuwa e baawɗe Seyɗaani, ɓe ngarta e Laamɗo, ɓe keɓa yaafeede hakkeeji maɓɓe, ɓe ndonida e seniiɓe saabe ko ɓe goonɗini kam ɗuum.»

Koloosiyankooɓe 1:12

Njettiree Baabiiwo oon seyo, sabo o waɗii on fotuɓe heɓude ngeɗu e moƴƴereeji desanaaɗi seniiɓe gonɗi e annoora ɗiin.

Yoosuwa 14:2

Lenyi jeenay e feccere lenyol wootere ndeen keɓirii ndongu muɓɓen e cumnal hono no Joomiraaɗo yamirnoo Muusaa.

Yoosuwa 14:5

Israa'iila'en ngaɗirii hono no Joomiraaɗo yamirnoo Muusaa noon. Ɓe cenndii leydi ndiin hakkunde maɓɓe.

Yoosuwa 18:11

Arande fu wo lenyol Benjamin artii heɓirde ndongu muuɗum e cumnal, fodde cuuɗi muuɗum. Ɓe keɓi ngeɗuuji maɓɓe nder leydi ndiin hakkunde yimɓe Yahuuda e yimɓe Yuusufi.

Yoosuwa 18:6

Wooɗi mbinndon leydi ndiin, ngaɗon ndi pecce jeɗɗi. Caggal ɗuum ngaddanon kam ɗum. Mi waɗanan on cumnal yeeso Joomiraaɗo, Laamɗo men, faa holla lenyol fuu ndongu muuɗum.

Yoosuwa 18:8

Nde worɓe suɓaaɓe ɓeen umminoo faa njaha ndeen, Yoosuwa yamiri ɓe, wi'i: — Njehee, ndaarowee leydi ndiin fuu, de mbinndon ndi, caggal ɗuum ngarton to am. Miin du ley Silo ɗo, mi ŋaariranto on Joomiraaɗo e cumnal.

Yoosuwa 18:9

Ɓe njehi, ɓe njiiltowii nder leydi ndiin fuu, ɓe mbinndi nder dewtere ɓe kolli no ɓe cenndiri ndi pecce jeɗɗi. Ɓe mbinndi inɗe kuɓeeje mayri fuu. Ndeen ɓe ngarti to Yoosuwa, to hoɗorde maɓɓe ley Silo.

Yoosuwa 19:51

Almaami bi'eteeɗo Eliyasar e Yoosuwa ɓii Nuun e mawɓe lenyi Israa'iila'en, kamɓe ngoni senndirɓe leydi ndiin e cumnal. Ɓe ngaɗi ɗum fuu yeeso Joomiraaɗo, to dammbugal hukum hawrugol e Joomiraaɗo gonɗo wuro Silo. Noon ɓe tilorii e senndude leydi ndiin.

Yoosuwa 23:4

Miccitee no kokkirmi on ndawranon yimɓe leydi ndiin e cumnal fodde lenyi mooɗon. Mi hokkii on du lenyi leyɗe keddiiɗe ɗe teetaaka tafon ɗeen, e lenyi leyɗe ɗe kalkumi fuu, gilla gooruwol Urdun faa yottii maayo Manngo faro gorgal.