Yoosuwa 18:1 - Dewtere Laamɗo Fulfulde Burkina Faso

¹ Nde yimɓe Israa'iila njaalinoo leydi ndiin fuu ndeen, ɓe fuu ɓe kawriti ley Silo. Ɓe ndarni ɗoon hukum Joomiraaɗo.

Yoosuwa 18:1 ပူးပေါင်းရင်းမြစ်များ

2 Samuwiila 7:6

Wo goonga, mi jooɗaaki ley suudu illa nyannde nde njaarunoomi yimɓe Israa'iila leydi Misira faa warde hannden. Miɗo yuusoo ley hukum laatiiɗo joonnde am.

1 Kaanankooɓe 14:2

Yerobo'am wi'i deekum: — Umma, uddu hoore maaɗa taa fay gooto annditaa wo a deekam, de njaha wuro Silo. A tawan toon annabaajo bi'eteeɗo Ahiya. Wo kanko wi'i mi laatoo kaananke yimɓe ɓe.

1 Kaanankooɓe 14:4

Dey Yerobo'am waɗi ko wi'a ɗuum. O yehi to Ahiya, wuro Silo. Tawi Ahiya naywi sanne faa yi'ataa.

1 Kaanankooɓe 2:27

Noon Suleymaana wurtiniri Abiyatar e golle almaamaaku Joomiraaɗo. Ko o wurtini Abiyatar ɗuum tabintinii konngol Joomiraaɗo ngol haalunoo dow kiita lenyol Eli, almaami mawɗo mo wuro Silo.

Nehemiya 9:24

Ɓiɓɓe maɓɓe naati, teeti leydi ndiin, ndi laatii dongu muɓɓen. Leeƴinɗaa Kanaaninkooɓe yeeso maɓɓe, ngattuɗaa ɓe, kamɓe e kaanankooɓe maɓɓe e leydi maɓɓe fuu e juuɗe ɓiɓɓe Israa'iila, faa ngaɗa ɓe ko kaajaa.

Limle 32:22

tawi on njeccaaki faa nde leydi ndiin laatanii Joomiraaɗo fu, hakke walaa dow mooɗon yeeso Joomiraaɗo e yeeso Israa'iila'en fuu. Wooɗi du, leydi ndii laatoto jeyal mooɗon yeeso Joomiraaɗo.

Golle Nelaaɓe 7:45

Maamiraaɓe meeɗen ndoni hukum oon. Ɓe eggidi e makko wakkati mo Yoosuwa ardinoo ɓe. Ɓe nanni ɗum leydi ndi ɓe teeti e lenyi ɗi Laamɗo riiwi ɗiin. Ɗum worri noon faa jamaanu Daawda.

Yoosuwa 18:2

Wooɗi, ina woodunoo lenyi jeɗɗi hakkunde lenyi Israa'iila ɗi keɓaay ndongu muɓɓen nder leydi ndiin tafon.

Yoosuwa 18:8

Nde worɓe suɓaaɓe ɓeen umminoo faa njaha ndeen, Yoosuwa yamiri ɓe, wi'i: — Njehee, ndaarowee leydi ndiin fuu, de mbinndon ndi, caggal ɗuum ngarton to am. Miin du ley Silo ɗo, mi ŋaariranto on Joomiraaɗo e cumnal.

Yoosuwa 19:51

Almaami bi'eteeɗo Eliyasar e Yoosuwa ɓii Nuun e mawɓe lenyi Israa'iila'en, kamɓe ngoni senndirɓe leydi ndiin e cumnal. Ɓe ngaɗi ɗum fuu yeeso Joomiraaɗo, to dammbugal hukum hawrugol e Joomiraaɗo gonɗo wuro Silo. Noon ɓe tilorii e senndude leydi ndiin.

Yoosuwa 21:2

Ɓe ngari ɓe kaaldi e maɓɓe ley Silo nder leydi Kanaana, ɓe mbi'i: — Joomiraaɗo yamiriino e hunnduko Muusaa, min kokkee kuɓeeje ɗo min njooɗotoo e to daabaaji amin ndurata.

Yoosuwa 22:12

Nde yimɓe Israa'iila nannoo ɗum fu, jamaa muɓɓen fuu kawriti Silo faa kona ɓe.

Yoosuwa 22:19

Ammaa si leydi mooɗon ndiin wanaa laaɓundi yeeso Joomiraaɗo fu, ngaree to leydi ndi Joomiraaɗo dawrani, ɗo jooɗorgal muuɗum ceniingal woni. Si oɗon njiɗi, ngaree koɗee hakkunde amin. Ammaa taa muurtanee Joomiraaɗo e nyiɓugol hirsirde feereere ɗakkol hirsirde Joomiraaɗo, Laamɗo men. Taa muurtanee min minen du.

Yoosuwa 22:9

Hono nii yimɓe lenyi Ruben e Gad e feccere lenyol Manasa kootiri to cuuɗi muɓɓen. Ɓe ndilli, ɓe njoppi yimɓe Israa'iila heddiiɓe ɓeen ley Silo nder leydi Kanaana. Ɓe ndilliri leydi Galaad, ndi Joomiraaɗo yamirnoo e hunnduko Muusaa ɓe keɓan ndiin.

Ardiiɓe 18:31

Ɓe keddii iɓe ndewa tooru ndu Mika sehunoo nduun haddi duuɓi ɗi suudu dewal Laamɗo wonnoo nder wuro Silo fuu.

Ardiiɓe 21:12

Nde ɓe njottinoo Yaabas-Gileyat fu, ɓe ngaɗiri noon. Ɓe tawi surbaaɓe 400 ngoni ɓe anndaa worɓe. Ɓe kooƴi ɗum'en, ɓe ngaddi to hoɗorde maɓɓe wonnde Silo nder leydi Kanaana.

Ardiiɓe 21:19

Ndeen ɓe mbi'i: — Wooɗi, hitaande fuu ina woodi iidi Joomiraaɗo gaɗoowo ley wuro Silo faro soɓɓirre Baytila, lettugal laawol ƴuuroowol Baytila yaade Sikem, horɗoore Lebona.

1 Samuwiila 1:24

Nde suka oon entanoo fu o yaari ɗum faa to suudu Joomiraaɗo wonndu wuro Siilo, kam e ngaari tatiiri e feccere bootooru conndi alkama e sumalle cabijam. Samuwiila wo cukalel pamarel tafon.

1 Samuwiila 1:3

Hitaande fuu gorko oon na dillannoo wuro muuɗum faa yaha wuro Siilo, faa sujidana Joomiraaɗo Jom Kammu e Leydi de hirsana ɗum kirsamaaji. Ina woodunoo almaami'en Joomiraaɗo toon, Hofni e Pinahas, ɓiɓɓe Eli.