Yoosuwa 17:1 - Dewtere Laamɗo Fulfulde Burkina Faso

¹ Lenyol Manasa, afo Yuusufi hokkaa leydi ngonndi lettugal Urdun laatoo ndongu muuɗum. Makir, afo Manasa, baaba Galaad, kam heɓi leydi Galaad e Baasan sabo wo sordasiijo mawɗo, baawɗo konu sanne.

Yoosuwa 17:1 ပူးပေါင်းရင်းမြစ်များ

Fuɗɗoode 41:51

O inndiri afo oon Manasa (ɗum na fiirta «imo waɗa faa mi yeggita»). O wi'i: — Laamɗo yeggintinii kam tampiri kewtiindi kam ley suudu baaba am ndiin fuu.

Fuɗɗoode 41:52

Minyiiwo oon, o inndiri ɗum Efrayim (ɗum na fiirta «ɓeyngu»). O wi'i: — Laamɗo hokkii kam ɓeyngu ley leydi ndi torraami e muuɗum.

Fuɗɗoode 46:20

Ɓiɓɓe Yuusufi worɓe rimaaɓe leydi Misira ɓeen wo: Manasa e Efrayim. Wo Asanata, ɓii Potifera almaami wuro Ona oon rimani ɓe Yuusufi.

Fuɗɗoode 48:17

Nde Yuusufi yiinoo bammum yowii junngo mum nyaamo dow hoore Efrayim fu, mettaa. O nanngi ngo faa o itta dow hoore Efrayim, o yowa ngo dow hoore Manasa.

Fuɗɗoode 48:18

Yuusufi wi'i bammum: — Wanaa noon baaba, sabo o woni afo. Yowu nyaamo maa dow hoore makko.

Fuɗɗoode 50:23

Yuusufi yi'i ɓiɓɓe Efrayim e taaniraaɓe muuɗum. Ɓiɓɓe Makir, ɓii Manasa oon du, ndimaama dow koyɗe Yuusufi.

2 Samuwiila 2:9

O waɗi ɗum kaananke dow Galaad e Asuri e Yesre'el e Efrayim e Benjamin, e dow Israa'iila fuu.

1 Kabaaruuji Laamiiɓe 2:23

Ammaa Gesurinkooɓe e Siiriyankooɓe teeti ɓe gure Ya'iir e galluure Kenat e gure piiliiɗe nde. Ɗe fuu wo ɗe gure 60. Ɓeen fuu wo ɓiɓɓe Makir, baaba Galaad.

Limle 26:29

Ɓiɓɓe Manasa: Makirinkooɓe ƴuuri e Makir. Wo Makir oon rimi Galaad maama Galaadinkooɓe.

Limle 27:1

Manasinke bi'eteeɗo Selofehad rimi ɓiɓɓe rewɓe tan. Selofehad oon wo ɓii Hefer, Hefer ɓii Galaad, Galaad ɓii Makir, Makir ɓii Manasa, Manasa ɓii Yuusufi. Ɓiɓɓe makko rewɓe ɓeen wo Mahala e No'a e Hogila e Milka e Tirsa. Ɓe ngari ɓe kolliti ko'e maɓɓe to Muusaa.

Limle 32:33

Muusaa hokki ɓe kamɓe e feccere lenyol Manasa ɓii Yuusufi leydi Sihon kaananke Amorinkooɓe e leydi Oga kaananke Basan, leyɗe ɗeen e kuɓeeje muɓɓen e leyɗe piiliiɗe ɗoon fuu.

Fillitagol 21:17

Na tilsi o jaɓa ɓii debbo mo o yiɗaa oon laatoo hammadiijo makko sabo wo kam artii rimeede. Saabe ɗuum de tilay o hokka ɗum ngeɗu muuɗum nguun kile ɗiɗi sabo wo oon woni puɗɗam ɓeyngu makko, oon jeyi ngeɗu hammadiijo.

Yoosuwa 17:2

Ɓiɓɓe Manasa heddiiɓe keɓi ndongu muɓɓen faro lettugal Urdun. Ɗum woni cuuɗi Abiyejer e Helek e Asriyel e Sikem e Hefer e Semida. Ɓe fuu wo ɓe ƴuwdi Manasa ɓii Yuusufi.

Yoosuwa 22:7

Wooɗi, Muusaa hokkiino feccere lenyol Manasa ndongu muɓɓen nder leydi Baasan. Ammaa feccere wonnde ndeen, wo Yoosuwa kam hokki ɗum'en leydi ngonndi gorgal Urdun, ɗakkol sakiraaɓe maɓɓe. Yoosuwa waynii ɓe, barkini ɓe,

Ardiiɓe 5:14

Efrayimankooɓe jooɗiiɓe ley leydi Amelek, seeɗa muɓɓen du njippake. Benyaminkooɓe du njokki naati konunkooɓe maaɗa. Makirankooɓe ardiiɓe du ngari, kamɓe e Jaabulankooɓe tiigiiɓe sawru hooreejo konunkooɓe.