Yoosuwa 13:3 - Dewtere Laamɗo Fulfulde Burkina Faso

³ gilla maayo Sihor wonngo dow keerol Misira faa yottoo keerol leydi Ekoron faro soɓɓirre. Leyɗe ɗeen fuu wo leyɗe Kanaaninkooɓe e leyɗe kaanankooɓe Filistiyankooɓe njoyo. Kamɓe ngoni mo Gaaja e Asdod e Askalon e Gaat e Ekoron. Ina woodi du leydi Awinkooɓe ngonndi horɗoore keddiindi ndi jaalaaka tafon.

Yoosuwa 13:3 ပူးပေါင်းရင်းမြစ်များ

Fuɗɗoode 10:6

Ɓiɓɓe Haam wo: Kuus e Misira e Put e Kanaana.

Fuɗɗoode 15:18

Nyannde ndeen, Joomiraaɗo waddi amaana e Abram, wi'i ɗum: — Wo ƴuwdi maaɗa kokkammi leydi ndii, gilla maayo Misira faa yottoo Efrat, maayo manngo ngoon.

1 Kaanankooɓe 8:65

Wakkati oon Suleymaana waɗi juulɗe, kanko e Israa'iila'en fuu. Jamaare mawnde ƴuuri gilla naatirde Lebo-Hamat faa yottii pogowol Misira. Ɓe ngaɗi juulɗe ɗeen yeeso Laamɗo Joomiraaɗo faa waɗi balɗe jeɗɗi. Ɓe ɓeydi katin balɗe jeɗɗi.

1 Kabaaruuji Laamiiɓe 13:5

Ndeen Daawda e yimɓe Israa'iila fuu kawriti gilla pogowol Si'or keerol leydi Misira faa hewti Lebo-Hamat faa ngadda keesuwal Laamɗo ngaal ley wuro Kiriyat-Yarim.

Fillitagol 2:23

Awinkooɓe jooɗinooɓe ley gure faa hewti Gaaja du, Kaftorinkooɓe ƴuuruɓe Kaftor kalki ɗum'en de njooɗii nokkuuje muɓɓen.

Yoosuwa 13:13

Ammaa yimɓe Israa'iila kaa ndiiwaay Gesurinkooɓe e Makatinkooɓe. Ɓeen ina keddii hakkunde maɓɓe faa warde hannden.

Ardiiɓe 16:5

Mawɓe Filistiyankooɓe ngari to Deliila, mbi'i ɗum: — Eytu Samson faa holle to semmbe muuɗum mawɗo oon ƴuurata, e no min mbaawi jaaloraade ɗum, faa min kaɓɓa ɗum, min ndawrana ɗum. Ndeen mono e amin fuu hokkete buuɗi cardi 1.100.

Ardiiɓe 3:3

Lenyi accaaɗi ɗiin wo laamiiɓe Filistiyankooɓe njoyo, wooɗi du Kanaaniyankooɓe fuu, e Sidoninkooɓe, e Hiwiyankooɓe jooɗiiɓe dow baamle Liban, gilla waamnde Ba'al-Hermon faa yottoo ngalluure Hamat.

1 Samuwiila 5:1

Filistiya'en kooƴi keesuwal Laamɗo, ndilli nokkuure Ebeneser, njaari ngal nokkuure Asdod.

1 Samuwiila 5:10

Ndelle, ɓe nuldi keesuwal Laamɗo ngaal to wuro Ekoron. Wakkati mo ngal yottinoo wuro Ekoron ndeen, yimɓe Ekoron mbulli, mbi'i: — Ɓe ngaddii keesuwal Laamɗo Israa'iila to meeɗen faa wara en, enen e yimɓe men fuu!

1 Samuwiila 5:8

Ndeen ɓe nulani mawɓe Filistiya'en, ɓe kawriti e muɓɓen, ɓe ƴami: — Noy ngatten keesuwal Laamɗo Israa'iila? Ndeen ɓe mbi'i: — Accee keesuwal Laamɗo Israa'iila waddee to wuro Gaat. Ndelle ɓe adi keesuwal Laamɗo Israa'iila.

1 Samuwiila 6:4

Ndeen ɓe ƴami: — Ɗume woni dokkal njobdi hakke ngal min njaarata to makko? Ɓeen mbi'i: — Ngaɗon bannjaale kaŋŋe joy, ngaɗon doombi kaŋŋe joy, faa fota e limoore amiiru'en leydi Filistiya, sabo nyawu bannjaale ngootu ina wonnoo dow mooɗon e dow amiiru'en mooɗon fuu.