Yoosuwa 13:14 - Dewtere Laamɗo Fulfulde Burkina Faso

¹⁴ Wooɗi lenyol Lewi woni lenyol ngol Muusaa hokkaayno ndongu nder leydi ndiin. Sabo Joomiraaɗo wi'iino Lewinkooɓe ɓeen keɓan ndongu muɓɓen e dammucce bulanteeɗe Joomiraaɗo, Laamɗo Israa'iila. Kanjum laatotoo ndongu maɓɓe.

Yoosuwa 13:14 ပူးပေါင်းရင်းမြစ်များ

Fillitagol 10:9

Wo saabe ɗuum de Lewinkooɓe ngalaa ndongu hakkunde sakiraaɓe muɓɓen Israa'iila'en. Wo Joomiraaɗo kam e hoorem woni ndongu maɓɓe fodde no wiirunoo o noon.

Fillitagol 12:12

Ceyoɗon yeeso Joomiraaɗo, Laamɗo mooɗon, onon e ɓiɓɓe mon rewɓe e worɓe, e maccuɓe mon e horɓe mon e Lewinkooɓe tawaaɓe ley galluuje mon, sabo Lewinkooɓe ngalaa ngeɗu hakkunde mooɗon.

Fillitagol 12:19

Tinnoɗon taa njeeboɗon Lewinkooɓe ɓeen haddi nguurndam mooɗon ley leydi mon ndiin fuu.

Yoosuwa 13:13

Ammaa yimɓe Israa'iila kaa ndiiwaay Gesurinkooɓe e Makatinkooɓe. Ɓeen ina keddii hakkunde maɓɓe faa warde hannden.

Yoosuwa 13:15

Muusaa hokkiino yimɓe lenyol Ruben ndongu muɓɓen nder leydi ndiin fodde e cuuɗi muɓɓen.

Yoosuwa 13:33

Ammaa Muusaa hokkaay yimɓe lenyol Lewi kaa ndongu nder leydi ndiin. Joomiraaɗo, Laamɗo Israa'iila laatii ndongu maɓɓe hono no yamirnoo.

Yoosuwa 18:7

Lewinkooɓe kaa keɓataa ndongu nder leydi ndiin hakkunde mooɗon, sabo laataade almaami'en gollanooɓe Joomiraaɗo woni ndongu muɓɓen. Gad e Ruben e feccere lenyol Manasa kaa keɓiino ndongu muɓɓen lettugal Urdun. Wo Muusaa maccuɗo Joomiraaɗo, kam yeɗi ɓe.