Yoosuwa 12:6 - Dewtere Laamɗo Fulfulde Burkina Faso

⁶ Muusaa maccuɗo Joomiraaɗo e yimɓe Israa'iila njaalake kaanankooɓe ɗiɗo ɓeen. Muusaa maccuɗo Joomiraaɗo hokki gure maɓɓe ɗeen lenyol Ruben e Gad e feccere lenyol Manasa, ɗe laatoo ndongu muɓɓen.

Yoosuwa 12:6 ပူးပေါင်းရင်းမြစ်များ

1 Kaanankooɓe 4:19

Geber ɓii Uri mo leydi Galaad dawranta leydi kaananke Amorinkooɓe bi'etenooɗo Sihon tawti ndi Oga laaminooɗo leydi Basan. Kanko tan dawranta leyɗe ɗeen fuu.

Limle 32:29

O wi'i ɓe: — Si nii ɓiɓɓe Ruben e Gad peƴƴitidii e mooɗon maayo Urdun, ɓe fuu iɓe tiigii kaafaaje maɓɓe faa ɓe kona yeeso Joomiraaɗo, wakkati njeytoyɗon leydi ndiin fu, kokkon ɓe leydi Galaad.

Limle 32:32

Min kooƴan kaɓitirɗe amin de min naata leydi Kanaana yeeso Joomiraaɗo ammaa ngeɗu amin leydi wo lettugal Urdun hetti.

Limle 32:33

Muusaa hokki ɓe kamɓe e feccere lenyol Manasa ɓii Yuusufi leydi Sihon kaananke Amorinkooɓe e leydi Oga kaananke Basan, leyɗe ɗeen e kuɓeeje muɓɓen e leyɗe piiliiɗe ɗoon fuu.

Yoosuwa 14:3

Tawi Muusaa artiino hokkii lenyi ɗiɗi e feccere lenyol wootere keddiingol ngool ndongu muɓɓen nder leydi ngonndi caggal Urdun toon.

Yoosuwa 18:7

Lewinkooɓe kaa keɓataa ndongu nder leydi ndiin hakkunde mooɗon, sabo laataade almaami'en gollanooɓe Joomiraaɗo woni ndongu muɓɓen. Gad e Ruben e feccere lenyol Manasa kaa keɓiino ndongu muɓɓen lettugal Urdun. Wo Muusaa maccuɗo Joomiraaɗo, kam yeɗi ɓe.

Yoosuwa 22:4

Joonin du, Joomiraaɗo hokkii sakiraaɓe mon ɓeen jam, hono no aadiraninoo ɓe. Ndelle, coƴƴee, njehee ley cuuɗi mon nder leydi laatiindi ndongu mon ndi Muusaa maccuɗo Joomiraaɗo hokki on caggal Urdun.