Yoosuwa 11:6 - Dewtere Laamɗo Fulfulde Burkina Faso

⁶ Joomiraaɗo wi'i Yoosuwa: — Taa hulu ɓe! Jaango hono wakkati oo ɓe fuu mi wattan ɓe e juuɗe Israa'iila'en tawee wo ɓe barminaaɓe faa iɓe nesa maayde. Taƴaa codduli pucci maɓɓe, mbulaa torkooji pucci maɓɓe.

Yoosuwa 11:6 ပူးပေါင်းရင်းမြစ်များ

2 Samuwiila 8:4

Daawda nanngi dorbotooɓe pucci makko 1.700 e sordaasiiɓe 20.000. O taƴi codduli pucci ɗiin, ammaa o heddanii hoore makko 100 majji.

2 Kaanankooɓe 6:16

Elisey jaabii mo wi'i: — Taa hulu. Wallooɓe en ɓeen na ɓuri ɓe ɗuuɗude.

Banndi 20:7

Dartiiɗo ina njokka laawol hoolaare, ɓiɓɓe muuɗum mbeltoto caggal muuɗum.

Fillitagol 7:16

Kalkon lenyi ɗi Joomiraaɗo, Laamɗo mooɗon watti e juuɗe mon ɗiin fuu. Taa njurmoɗon ɓe, taa ɗowtanoɗon allaaji maɓɓe sabo ɗuum laatanto on tuugol.

Yoosuwa 10:8

Joomiraaɗo wi'i Yoosuwa: — Taa hulu ɓe, sabo mi wattii ɓe e junngo maa. Fay gooto maɓɓe walaa darotooɗo yeeso maa.

Yoosuwa 11:5

Laamiiɓe ɓeen fuu ndewri. Ɓe njehi, ɓe koɗi ɗakkol diyeele Meerom faa ɓe kona Israa'iila'en.

Yoosuwa 11:7

Yoosuwa e yimɓe muuɗum fuu njani e maɓɓe, njuhi ɓe ɗakkol diyeele Meerom.

Yoosuwa 11:9

Yoosuwa waɗi ɓe hono no Joomiraaɗo wiirunoo ɗum noon: O taƴi codduli pucci maɓɓe de o wuli torkooji maɓɓe du.

Yoosuwa 3:5

Caggal ɗuum Yoosuwa wi'i yimɓe ɓeen: — Laaɓinee ko'e mon, sabo jaango Joomiraaɗo waɗan golleeji kaayniiɗi hakkunde mooɗon.

Ardiiɓe 7:9

Ley jemma oon, Joomiraaɗo wi'i Gedeyon: — Umma, njippoɗon kaɓdon e Madiyankooɓe, sabo mi wattii ɓe e junngo maaɗa.

1 Samuwiila 11:9

Ɓe mbi'i nulanooɓe ɓeen: — Mbi'on worɓe wuro Yabes-Galaad, «Jaango wakkati nyawlal naange fu, on kisinte.» Nde nelaaɓe ɓeen njahunoo kolli worɓe wuro Yabes kabaaru oon ndeen, ɓe kuyii.