Yoosuwa 11:23 - Dewtere Laamɗo Fulfulde Burkina Faso

²³ Yoosuwa jaalii leydi ndiin fuu, hono no Joomiraaɗo yamirnoo Muusaa. Yoosuwa hokki ndi Israa'iila'en ndi laatanoo ɗum'en ndongu. O fecci ndi fodde lenyi maɓɓe. Konu timmi, leydi ndiin heɓi jam.

Yoosuwa 11:23 ပူးပေါင်းရင်းမြစ်များ

Nehemiya 9:24

Ɓiɓɓe maɓɓe naati, teeti leydi ndiin, ndi laatii dongu muɓɓen. Leeƴinɗaa Kanaaninkooɓe yeeso maɓɓe, ngattuɗaa ɓe, kamɓe e kaanankooɓe maɓɓe e leydi maɓɓe fuu e juuɗe ɓiɓɓe Israa'iila, faa ngaɗa ɓe ko kaajaa.

Wurtagol 34:11

Kakkilaa e ko njamiranmaami hannden ɗuum. Mi riiwan Amorinkooɓe e Kanaaninkooɓe e Hittiyankooɓe e Perisinkooɓe e Hewinkooɓe e Yebusinkooɓe yeeso maaɗa.

Fillitagol 1:38

Ammaa Yoosuwa ɓii Nuun, golloowo maaɗa oon kaa, cemmbinɗinaa ɗum sabo wo kam ronnata Israa'iila leydi ndiin.

Fillitagol 25:19

Nde Joomiraaɗo, Laamɗo mooɗon hokkowi on powtiri tawi riiwii lenyi piiliiɗi on ley leydi ndi hokkata on faa laatoo ndongu mon ndiin fu, ngaɗon innde Amalek lalla ley adunaaru. Taa njeggiton.

Yoosuwa 11:18

Yoosuwa honi laamiiɓe gure ɗeen fuu faa waɗi duuɓi keewɗi. O nanngi ɓe, o wari ɓe, ɓe fuu.

Yoosuwa 12:7

Inan kaanankooɓe ɓe Yoosuwa e yimɓe Israa'iila njaalii gorgal gooruwol Urdun. Ɓe njaalii ɓeen gilla Ba'al-Gada, faro gorgal, nder naɗɗol Liban faa yottii waamnde Halak horɗoore Seyir (to leydi Edom). Yoosuwa hokki leydi ndiin yimɓe Israa'iila, senndi ndi fodde e lenyi maɓɓe.

Yoosuwa 18:10

Wo ɗoon Yoosuwa waɗani ɓe cumnal yeeso Joomiraaɗo. Noon o yeɗiri lenyi Israa'iila keddiiɗi ɗiin ngeɗuuji muɓɓen, lenyol fuu e nokkuure muuɗum.

Yoosuwa 22:4

Joonin du, Joomiraaɗo hokkii sakiraaɓe mon ɓeen jam, hono no aadiraninoo ɓe. Ndelle, coƴƴee, njehee ley cuuɗi mon nder leydi laatiindi ndongu mon ndi Muusaa maccuɗo Joomiraaɗo hokki on caggal Urdun.

Yoosuwa 23:1

Joonin waɗii duuɓi keewɗi caggal ko Joomiraaɗo hokki Israa'iila'en powtiri dow wayɓe muɓɓen fuu. Yoosuwa du naywii sanne.