Yoosuwa 11:14 - Dewtere Laamɗo Fulfulde Burkina Faso

¹⁴ Yimɓe Israa'iila kooƴani ko'e muɓɓen daabaaji e sii jawdi keddiindi fuu, ammaa ɓe mbari yimɓe jooɗiiɓe ley kuɓeeje ɗeen fuu, ɓe kalki ɗum'en.

Yoosuwa 11:14 ပူးပေါင်းရင်းမြစ်များ

Limle 31:9

Israa'iila'en ngaɗi rewɓe Madiyankooɓe e ɓiɓɓe muɓɓen fuu kasunkooɓe. Ɓe kooƴi cogge daabaaji muɓɓen e jawdi muɓɓen fuu.

Fillitagol 20:14

Rewɓe e sukaaɓe e daabaaji e ko woni ley galluure ndeen fuu, njeyton ɗum. Nawtoroɗon jawdi ndi teetuɗon e juuɗe wayɓe mon ndi Joomiraaɗo, Laamɗo mooɗon hokki on ndiin.

Fillitagol 20:16

Ammaa galluuje gonɗe ley leydi ndi Joomiraaɗo, Laamɗo mooɗon hokkata on laatoo ndonngu mooɗon ɗeen kaa, taa accidon fay gooto e yonki.

Yoosuwa 10:40

Ndelle, Yoosuwa jaalii leydi ndiin fuu. O jaalii gure gonɗe dow baamle e gonɗe horɗoore, e ley baamle e nder naɗɗi fuu, kanje e kaanankooɓe majje. O accidaay fay gooto e yonki. O halki ko foofata fuu, hono no Joomiraaɗo, Laamɗo Israa'iila yamirnoo mo noon.

Yoosuwa 11:11

Ɓe mbari neɗɗo fuu tawaaɗo nder huɓeere ndeen, walaa fuu mo ɓe keddi. Ɓe mbuli huɓeere ndeen.

Yoosuwa 11:13

Ammaa Israa'iila'en mbulaay gure nyiɓaaɗe dow nokkuuje toowɗe ɗeen, wo Hasor tan Yoosuwa wuli.

Yoosuwa 11:15

Ko Joomiraaɗo yamirnoo Muusaa, maccuɗo muuɗum, Muusaa du yamiri ɗum Yoosuwa. Noon du Yoosuwa waɗiri, ɗum fuu. O heddaay huunde fuu ko Joomiraaɗo yamirnoo Muusaa.

Yoosuwa 8:2

Waɗu Ayi e kaananke mum hono no ngaɗirɗaa Yeriko e kaananke muuɗum noon. Ammaa kooƴanon ko'e mooɗon daabaaji maɓɓe e jawdi keddiindi. Kawriton, konon huɓeere ndeen e cuncukka. Ƴuuron caggal mayre.

Yoosuwa 8:27

Ammaa dammucce e jawdi konaandi fuu, Israa'iila'en kooƴani ko'e muɓɓen, hono no Joomiraaɗo wiirunoo Yoosuwa ni.