Yoosuwa 10:40 - Dewtere Laamɗo Fulfulde Burkina Faso

⁴⁰ Ndelle, Yoosuwa jaalii leydi ndiin fuu. O jaalii gure gonɗe dow baamle e gonɗe horɗoore, e ley baamle e nder naɗɗi fuu, kanje e kaanankooɓe majje. O accidaay fay gooto e yonki. O halki ko foofata fuu, hono no Joomiraaɗo, Laamɗo Israa'iila yamirnoo mo noon.

Yoosuwa 10:40 ပူးပေါင်းရင်းမြစ်များ

1 Kaanankooɓe 15:29

Illa puɗɗam laamu makko, o wari yimɓe lenyol Yerobo'am fuu. O heddaay fay gooto. O halki ɓe fuu faa haala ka Joomiraaɗo haalirnoo e hunnduko maccuɗo muuɗum Ahiya mo wuro Silo kaan tabita.

Nehemiya 9:24

Ɓiɓɓe maɓɓe naati, teeti leydi ndiin, ndi laatii dongu muɓɓen. Leeƴinɗaa Kanaaninkooɓe yeeso maɓɓe, ngattuɗaa ɓe, kamɓe e kaanankooɓe maɓɓe e leydi maɓɓe fuu e juuɗe ɓiɓɓe Israa'iila, faa ngaɗa ɓe ko kaajaa.

Wurtagol 34:12

Kakkilaa, taa ngaɗidaa amaana e jooɗiiɓe ley leydi ndi naatoton ndiin, taa ɗum laatanoo on fergorde.

Limle 13:17

Noon Muusaa neliri ɓe, ɓe korowa leydi Kanaana. O wi'i ɓe: — Ƴuuron horɗoore leydi ndiin de ƴeenyon baamle.

Fillitagol 1:7

Ndelle ummee ƴeenyowon baamle Amorinkooɓe, naaton leyɗe piiliiɗe ɗum'en e njaayri Araba e leydi baamle e jaayri sera baamle e Negeb mo horɗoore e daande maayo, leydi Kanaana e Liban faa yottoo maayo Efrat.

Fillitagol 2:34

Wakkati oon teetuɗen galluuje makko fuu, kalkuɗen ko woni e majje fuu, worɓe e rewɓe e sukaaɓe, en njoppaay buurɗo fay gooto.

Fillitagol 7:24

O wattan kaanankooɓe maɓɓe e juuɗe mooɗon de kalkon ɗum'en faa inɗe muɓɓen lalla lay. Fay gooto waawataa daraade yeeso mooɗon faa ɓe fuu ɓe timma.

Yoosuwa 10:35

Wo nyannde ndeen du ɓe njaalii nde. Ɓe mbari neɗɗo fuu tawaaɗo e mayre hono no ɓe ngaɗiri Lakis ni.

Yoosuwa 10:37

ɓe njaalii nde. Ɓe mbari kaananke mayre e neɗɗo fuu tawaaɗo ley huɓeere ndeen e ley gure piiliiɗe nde, ɓe accidaay fay gooto e yonki. Yoosuwa halki nde lay, hono no waɗiri huɓeere Egilon.

Yoosuwa 10:39

Ɓe njaalii nde, kayre e gure mayre fuu, ɓe nanngi kaananke mayre. Ɓe mbari neɗɗo fuu tawaaɗo nder ngalluure ndeen, ɓe accidaay fay gooto e yonki. Yoosuwa waɗi Debir hono no waɗiri Heberon e Libina e kaananke majje noon.

Yoosuwa 11:16

Yoosuwa jaalii leydi ndiin fuu: kuɓeeje gonɗe dow baamle e gonɗe horɗoore e lettugal e gorgal fuu, e leydi Goosan e kuɓeeje gonɗe ley ladde, e nder naɗɗol Urdun.

Yoosuwa 12:8

Ɓe keɓi du leydi ngonndi dow baamle e ley naɗɗi Urdun e dow tile ɗakkol baamle e ley karaaje e ley ladde yoornde wonde horɗoore. Wo ɗum leyɗe ɗe Hittiyankooɓe e Amorinkooɓe e Kanaanankooɓe e Perisinkooɓe e Hiwinkooɓe e Yebusinkooɓe njooɗinoo ɗeen.

Yoosuwa 18:21

Kuɓeeje lenyol Benjamin e cuuɗi mum ngoni: Yeriko e Bayti-Hogila e Emek-Kesis,

Yoosuwa 6:17

Kalkee huɓeere ndeen e ko woni e mayre fuu, nde laatoo sakkanaande Joomiraaɗo. Walaa acceteeɗo wuura, sanaa Rahabu, debbo woykuruujo oon, kam e yimɓe wonɓe nder suudu muuɗum ɓeen tan, sabo o suuɗii nelaaɓe men, horooɓe ɓeen.

Yoosuwa 8:2

Waɗu Ayi e kaananke mum hono no ngaɗirɗaa Yeriko e kaananke muuɗum noon. Ammaa kooƴanon ko'e mooɗon daabaaji maɓɓe e jawdi keddiindi. Kawriton, konon huɓeere ndeen e cuncukka. Ƴuuron caggal mayre.

Yoosuwa 8:27

Ammaa dammucce e jawdi konaandi fuu, Israa'iila'en kooƴani ko'e muɓɓen, hono no Joomiraaɗo wiirunoo Yoosuwa ni.

Yoosuwa 9:24

Ɓe njaabii Yoosuwa, ɓe mbi'i: — Inan ko saabii min ngaɗiri noon: Si goonga min nanii Joomiraaɗo, Laamɗo maa yamirii maccuɗo muuɗum Muusaa hokka on leydi ndi fuu, halka jooɗiiɓe ley mayri fuu yeeso mooɗon. Wooɗi min kuliino on sanne, min kulaniino yonkiiji amin du. Ɗum saabii de min ngaɗiri noon.