Yoosuwa 10:4 - Dewtere Laamɗo Fulfulde Burkina Faso

⁴ — Ngaree kawritee e am, mballon kam mi honowa huɓeere Gibiyon, sabo nde adidii e Yoosuwa e yimɓe Israa'iila amaana paamiral.

Yoosuwa 10:4 ပူးပေါင်းရင်းမြစ်များ

Matta 16:24

Caggal ɗuum, o wi'i taalibaaɓe makko ɓeen: — Muuyɗo jokkude kam fuu, sela ndaarude hoore muuɗum, hooƴa leggal muuɗum palaangal, jokka kam.

Yuhanna 15:19

Sini on laatakeno adunankooɓe fu, ɓe njiɗanno on. Ammaa on nganaa adunankooɓe. Mi suɓake on mi senndii on e yimɓe adunaaru. Ɗum saabanii ɓe wanyude on.

Golle Nelaaɓe 21:28

Iɓe peekoo, iɓe mbi'a: — Israa'iilankooɓe, mballee min! O woni gorko jannginoowo yimɓe e ley nokkuuje ɗeen fuu ina liddoo yimɓe lenyol meeɗen, ina liddoo Tawreeta meeɗen, ina liddoo nokku ceniiɗo o. Joonin kaa, o waddii fay Geresankooɓe e ley suudu dewal mawndu ndu. O tuuninii nokku ceniiɗo o!

2 Timote 3:12

Goonga ni, jiɗuɗo wuurdude e kulol Laamɗo ley kawtal Iisaa Almasiihu fuu, torrete.

Yaakuuba 4:4

Onon jeenooɓe! Yalla on anndaa yiɗude adunaaru wo wanyude Laamɗo naa? Ndelle, anniyiiɗo laataade giɗo adunaaru fuu, waɗii hoore muuɗum ganyo Laamɗo.

Yoosuwa 10:1

Wakkati oon, Urusaliima na woodi kaananke bi'eteeɗo Adoni-Sadik. O nani Yoosuwa jeytii huɓeere Ayi, halkii nde, wari kaananke mayre hono no waɗiri Yeriko e kaananke mum noon. O nani du no yimɓe Gibiyon ngaɗiri paamiral e Israa'iila'en e no ɓe ngaɗiri joonnde maɓɓe hakkunde muɓɓen.

Yoosuwa 10:5

Laamiiɓe Amorinkooɓe njoyo ɓeen ngoni kaananke Urusaliima e mo Heberon e mo Yarmut e mo Lakis e mo Egilon. Ɓe kawrini jamaa konunkooɓe maɓɓe fuu, ɓe piilii huɓeere Gibiyon, ɓe kaɓi e mayre.

Yoosuwa 9:15

Yoosuwa waɗi paamiral e maɓɓe, haɓɓidi e maɓɓe amaana faa acca ɓe mbuura. Mawɓe yimɓe Israa'iila ngaɗi hunayeere dow majjum.

1 Piyeer 4:4

Ko celuɗon tawdeede e maɓɓe e ley golleeji cemtiniiɗi cattuɗi ɗuum haaynake ɓe sanne, ɗuum waɗi de iɓe mbonkoo on.

Holleede 16:14

Ginnaaji bonɗi ɗiin wo waɗooɓe kaayeefiiji. Iɓe njaha to kaanankooɓe adunaaru fuu faa ɓe kawrundura ɗum'en saabe wolde nyannde darngal, nyalaande Laamɗo jom baawɗe fuu.