Yoosuwa 10:26 - Dewtere Laamɗo Fulfulde Burkina Faso

²⁶ Caggal ɗuum, Yoosuwa wari ɓe, ɓili ɓalli maɓɓe dow leɗɗe joy. Toon ɗi keddii faa kiiral naange.

Yoosuwa 10:26 ပူးပေါင်းရင်းမြစ်များ

2 Samuwiila 21:6

Ndelle hokku min worɓe njeɗɗo ley ƴuwdi makko faa min mbara ɓe yeeso Joomiraaɗo faa Gibeya, ngalluure Sawulu, cuɓaaɗo Joomiraaɗo. Daawda wi'i: — Mi hokkan on ɓe.

2 Samuwiila 21:9

Wo kamɓe kaananke watti e ley juuɗe Gibiyonkooɓe. Ɓeen mbari ɓe (de ɗisi ɓalli maɓɓe) dow waamnde Joomiraaɗo seniinde toon. Ɓe njeɗɗo fuu ɓe maaydi nyalaande wootere. Wo ɗum wakkati mo tayri gese (nannduɗe e alkama) fuɗɗata.

Ester 2:23

Kabaaru oon ndaaraa faa wooɗi, tawaa wo goonga de gollooɓe ɓeen njorfitoraa ɓoggi faa ɗiɗo fuu maayi. Kabaaru majjum winndaa ley dewtere kabaaruuji laamu yeeso kaananke.

Limle 25:4

Joomiraaɗo wi'i Muusaa: — Njorfa ɓoggi e daaɗe hooreeɓe cuuɗi Israa'iila'en fuu yeeso am iɓe kucciti e naange faa tikkere am ndeen tottitoo Israa'iila.

Matta 27:25

Ɓe fuu ɓe njaabii, ɓe mbi'i: — Ƴiiƴam makko ina yowii dow amin, minen e ɓiɓɓe amin!

Yuhanna 19:31

Ndeen wo nyannde segilanteende iidi. Hooreeɓe Alhuudiyankooɓe nyaagii Pilaatu faa koyɗe tontaaɓe ɓeen kelee, de ɓe adee, taa terɗe ɗeen keddoo e leɗɗe ɗeen nyalaande fowteteende. Sabo nyannde ndeen wo teddunde.

Galaatiyankooɓe 3:13

Almasiihu soottitii en e kuddi ndi Tawreeta yowi dow meeɗen ndiin, e ley ko loomtanii en kuddi ndiin. Sabo ina winndaa: «Ɓilaaɗo e leggal palaangal fuu wo kuɗaaɗo.»

Yoosuwa 8:29

O haɓɓi daande kaananke Ayi, o ɓili ɗum dow lekki faa kiiral naange. Nde naange hiirunoo fu, Yoosuwa yamiri ɓe njippina ɓanndu makko. Ɓe paɗɗi ndu faa to dammbugal huɓeere ndeen, ɓe ndeki dow mayru joorde kaaƴe mawnde. Joorde kaaƴe ndeen ina heddii faa warde hannden.

Ardiiɓe 8:21

Ndeen Seba e Jalmunna mbi'i mo: — War mbaraa min aan e hoore maa, sabo no neɗɗo foti, noon semmbe muuɗum du fotata. Ndeen Gedeyon wari ɓe. Ndeen o hooƴi nate lewru ɓilaaɗe e daaɗe geelooɗi maɓɓe.

1 Samuwiila 15:33

De Samuwiila wi'i: — Hono no kaafaahi maaɗa teetiri rewɓe e sukaaɓe muɓɓen, nii inna maaɗa teetirtee suka muuɗum joonin. Ndeen Samuwiila taƴiri Agak e kaafaahi yeeso hirsirde Joomiraaɗo wuro Gilgal.