Yoosuwa 10:25 - Dewtere Laamɗo Fulfulde Burkina Faso

²⁵ Yoosuwa wi'i ɓe: — Taa kulee, taa nesiiji mooɗon taƴaa, ammaa cemmbinee ko'e mon, cemmbinee ɓerɗe mon du! Hono nii Joomiraaɗo waɗirta wayɓe mooɗon ɓe kaɓoton e muɓɓen ɓeen fuu.

Yoosuwa 10:25 ပူးပေါင်းရင်းမြစ်များ

2 Korintunkooɓe 1:10

Wo kam danni min e maayde ndeen, kam dannata min yeeso du. Wo dow makko min njowi jikke o dannan min katin.

Yoosuwa 1:9

Wanaa miin yamiri ma cemmbinɗinaa hoore maa, cemmbinɗinaa ɓernde maa du naa? Taa accu kulol nannge, sabo miin Joomiraaɗo, Laamɗo maaɗa miɗo wondi e maaɗa nokku fuu to njahataa.

Efeesunkooɓe 6:10

Walaa ko heddii si wanaa wiide on keewon semmbe e ley kawtal mooɗon e Joomiraaɗo, tiigoɗon baawɗe makko mawɗe ɗeen.

Romankooɓe 8:37

Ammaa e ley majjum fuu, saabe jiɗɗo en oon, eɗen ɓuri fay jaalotooɓe.

1 Samuwiila 17:37

Joomiraaɗo kisinoowo kam e njaaɓirdi rawaandu ladde e njaaɓirdi ursu du hisinan kam e junngo Filistiyankeejo o. Sawulu wi'i Daawda: — Yahu, Joomiraaɗo wondu e maa.

Fillitagol 7:19

On njiiri gite mon torraaji mawɗi e maandeeji e kaayeefiiji e semmbe mawɗo nde Joomiraaɗo, Laamɗo mooɗon wurtinannoo on ndeen. Wo noon o waɗata lenyi ɗi kuloton ɗiin fuu.

Yoosuwa 10:8

Joomiraaɗo wi'i Yoosuwa: — Taa hulu ɓe, sabo mi wattii ɓe e junngo maa. Fay gooto maɓɓe walaa darotooɗo yeeso maa.

Yoosuwa 1:6

Semmbin hoore maa, cemmbinɗinaa ɓernde maa du, sabo e ardagol maaɗa yimɓe ɓeen ndonirta leydi ndi kunaniniimi maamiraaɓe muɓɓen mi hokkan ɗum'en ndiin.