Yoosuwa 10:19 - Dewtere Laamɗo Fulfulde Burkina Faso

¹⁹ Ammaa onon heddiiɓe kaa, taa ndaree ɗoon. Ndiiwee wayɓe mooɗon, mbaree sankitiiɓe ɓeen fuu. Taa accee ɓe naata kuɓeeje maɓɓe, sabo Joomiraaɗo, Laamɗo mon wattii ɓe e juuɗe mon.

Yoosuwa 10:19 ပူးပေါင်းရင်းမြစ်များ

2 Samuwiila 17:13

Si o naatii ley ngalluure faa o mooloo, ndeen Israa'iila'en fuu piildan ngalluure ndeen e ɓoggi, de ndaasen nde e ley naɗɗol faa taa fay pettel mayre heddoo.

2 Samuwiila 20:6

Ndeen Daawda wi'i Abisay: — Joonin Seba ɓii Bikiri oon waɗan en bonnde ɓurnde nde Absalom waɗunoo. Hooƴu maccuɓe am de ndiiwaa mo taa o heɓana hoore makko galluuje deeneteeɗe, de o waɗa en ko boni.

Yoosuwa 10:18

Ndeen Yoosuwa wi'i yimɓe muuɗum: — Tallee kaaƴe mawɗe, uddon hunnduko loho koon, de ndarnon sordaasiiɓe ɗakkol makka faa ndooma ɓe.

Yoosuwa 10:20

Yoosuwa e yimɓe Israa'iila mbari keewal maɓɓe, ammaa woɓɓe maɓɓe keɓi ndaɗi, njeccii ley kuɓeeje muɓɓen cemmbiɗinɗe, piiltinaaɗe kokuuji.