Yoosuwa 10:13 - Dewtere Laamɗo Fulfulde Burkina Faso

¹³ Tan, naange darii, lewru du darii, faa Israa'iila'en njaalii wayɓe muɓɓen fuu. Kabaaru majjum winndaama ley dewtere inndirteeɗo Ponnditiiɗo. Naange darii hakkunde kammu faa waɗi hono nyalaande hiɓɓunde, nge yanaay.

Yoosuwa 10:13 ပူးပေါင်းရင်းမြစ်များ

2 Samuwiila 1:18

O yamiri worɓe Yahuuda njannginee ngol. Ingol wi'ee «Jimol Ɓaaru». Na ngol winndaa ley Dewtere Ponnditiiɗo. Inani ngol:

2 Kaanankooɓe 20:10

Hesekiya jaabii wi'i: — Ɗoogi ɓeydoroo yeeso ka tiiɗaa, ki soƴƴoroo gaɗa ni tiiɗi. Ndelle ki soƴƴoroo gaɗa njiɗumi.

Ester 8:13

Hooreeɓe leyɗe anndina yimɓe fuu yamiroore winndaande ley ɓataakiiji ɗiin faa Yahuudiyankooɓe keɓa cegilanoo nyannde majjum de njoɓtoo wayɓe muɓɓen ɓeen.

Ayuuba 9:7

Imo yamira naange de nge fuɗataa, imo sudda koode.

Limle 21:14

Ɗuum saabii de na winndaa ley dewtere Konuuji Joomiraaɗo: Waheb mo Sufa e gooruuji muuɗum, ɗum woni Arnon

Limle 31:2

Njomnitoɗaa Madiyankooɓe bone mo ngaɗi Israa'iila'en oon, de sakitoo kawritowaa e maamiraaɓe maaɗa.

Matta 24:29

— Wakkati gooto, caggal torra balɗe ɗeen, naange niɓɓan, lewru selan yaynude, koode kammu caaman, kulle gonɗe dow kammu ɗeen ndimmboto.

Matta 5:45

Worrude hono noon hollata wo on ɓiɓɓe Baaba mooɗon gonɗo dow kammuuli. Sabo no o fuɗinirta naange makko dow bonɓe, noon du o fuɗinirta nge dow moƴƴuɓe. No o tomnirta dow fonnditiiɓe, noon du o tomnirta dow oonyiiɓe.

Luuka 18:7

De wanaa Laamɗo na walla suɓaaɓe muuɗum wullitotooɓe ɗum jemma e nyalooma ɓeen fuu faa ɓe keɓa sariya maɓɓe naa? O jaabataako ɓe law naa?

Golle Nelaaɓe 2:20

Fadde nyalaande gartol Joomiraaɗo mawnde teddunde ndeen warude, naange niɓɓinte, lewru du wojjan hono no ƴiiƴam ni.

Yoosuwa 10:11

Wakkati Amorinkooɓe ndogganno Israa'iila'en to jipporde Bayti-Horon ndeen, Joomiraaɗo sankiti marmalluuje mawɗe dow maɓɓe faa ɓe njottii Ajeka, de keewal maɓɓe maayi. Ɓe marmalluuje mbari ɓeen ina ɓuri ɓe Israa'iila'en mbardi kaafaaje ɓeen heewude.

Yoosuwa 10:14

Nyalaande hono mayre waɗaayno abada, waɗata katin du, nde Joomiraaɗo hettindorii haala neɗɗo hono nii. Si goonga, Joomiraaɗo honani yimɓe Israa'iila ley wolde ndeen fuu.

Holleede 21:23

Ngalluure ndeen haajaaka naange naa lewru yaynana ɗum, sabo darja Laamɗo yaynata nde. Jawgel ngeel woni lampal mayre.

Holleede 6:10

Ɓe ƴeewnii faa toowi, ɓe mbi'i: — Joomiraaɗo ceniiɗo goongante, faa ndey ndoomuɗaa faa caroɗaa yimɓe wonɓe e adunaaru ndu ɓeen? Ndeye njomnitotoɗaa ɓe rufugol ƴiiƴam amin?

Holleede 6:12

Ndeen nji'umi Jawgel ngeel takkitii takkande jeegaɓerde ndeen. Wakkati oon leydi dimmbi dimmbagol manngol. Naange ɓawliri faa nanndi hono kaasa ɓaleewa, lewru du fuu wojjiri hono ƴiiƴam.

Holleede 8:12

Maleyka nayaɓo oon fuufi buututal muuɗum. Ndeen feccere tataɓerde naange e feccere tataɓerde lewru e feccere tataɓerde koode piyaa, faa gootel fuu tataɓerde muuɗum niɓɓi. Jemma e nyalooma fuu mbaasa tataɓerde annoora muɓɓen.

Ardiiɓe 16:28

Ndeen Samson ŋaarii Joomiraaɗo wi'i: — Joomiraaɗo Toowɗo, miɗo ŋaare miccoɗaa kam katin. Yaa! Laamɗo, miɗo ŋaare cemmbinɗinaa kam nde wootere tan, faa mi yomnitoo Filistiyankooɓe gite am ɗe ɓe itti ɗeen.

Ardiiɓe 5:2

Nde ardiiɓe cegilanii ardaade Israa'iila ley wolde, nde yimɓe kokki ko'e muɓɓen e ɓernde wootere, mantee Joomiraaɗo!