Yoosuwa 1:9 - Dewtere Laamɗo Fulfulde Burkina Faso

⁹ Wanaa miin yamiri ma cemmbinɗinaa hoore maa, cemmbinɗinaa ɓernde maa du naa? Taa accu kulol nannge, sabo miin Joomiraaɗo, Laamɗo maaɗa miɗo wondi e maaɗa nokku fuu to njahataa.

Yoosuwa 1:9 ပူးပေါင်းရင်းမြစ်များ

Fuɗɗoode 28:15

Aan du, miɗo wondi e maaɗa. Mi reenete ɗo njahuɗaa fuu. Mi wartirte e leydi ndii, sabo mi yoppataa ma. Mi hiɓɓinan ko aadaniimi ma ɗuum.

Fuɗɗoode 39:2

Joomiraaɗo ina wondi e Yuusufi, huunde fuu na gasana ɗum. O jooɗii ley ɓaade joomiiko Misiranke oon.

Fuɗɗoode 39:3

Oon taykii, yi'i Joomiraaɗo ina wondi e makko. Ko wattaa e junngo makko fuu, Joomiraaɗo ina barkina ɗum.

2 Samuwiila 13:28

Absalom yamiri maccuɓe mum, wi'i: — Kettindee. Nde Amnon sulii faa ɓernde mum heewi seyo fu, mi wi'an on, «Piyee Amnon». Ndeen mbaron mo. Taa kulee. Wo miin hokki on yamiroore nde. Cemmbinee ɓerɗe mon, laatoɗon suusuɓe!

1 Kabaaruuji Laamiiɓe 28:20

Ndelle Daawda wi'i ɓiyum Suleymaana: — Semmbinɗin ɓernde maaɗa, laatoɗaa cuusuɗo de ngollaa. Taa kulaa, taa ɓernde maaɗa diwna sabo Laamɗo Joomiraaɗo, Laamɗo am oon wondan e maaɗa. O tottitataako ma, o yoppataa ma faa nde gollal suudu makko ngaal fuu timmi.

Golle Nelaaɓe 4:19

Ammaa Piyeer e Yuhanna njaabii ɓe, mbi'i: — Onon e ko'e mooɗon ndaaree ko ɓuri woodde yeeso Laamɗo, min ɗowtanoo on, naa min ɗowtanoo Laamɗo?

Fillitagol 1:21

Ndaaree: Joomiraaɗo, Laamɗo mooɗon wattii leydi ndiin e juuɗe mooɗon. Njahon njeytowon ndi hono no Joomiraaɗo, Laamɗo maamiraaɓe mon wi'iri noon. Taa kulon, taa nesi mooɗon taƴa.

Fillitagol 20:1

Nde njahoyɗon faa kaɓdon e wayɓe mon de njiiɗon pucci ɗuuɗɗi e torkooji ɗuuɗɗi e ori sordaasiiɓe ɓurɓe on fu, taa kulon sabo Joomiraaɗo, Laamɗo mooɗon burtinɗo on leydi Misira oon na wondi e mooɗon.

Fillitagol 31:23

Ndeen Joomiraaɗo hokki Yoosuwa ɓii Nuun jamirooje ɗee, wi'i ɗum: — Semmbinɗin ɓernde maaɗa, laatoɗaa cuusuɗo sabo wo aan nannata Israa'iila'en leydi ndi kuniimi mi hokkan ɗum'en ndiin. Miin e hoore am mi wondan e maaɗa.

Fillitagol 31:28

Noddee mawɓe lenyi mon e ardiiɓe fuu ngara yeeso am faa mi haala haala kaan yeeso maɓɓe de kammu e leydi ceedoo.

Yoosuwa 1:10

Yoosuwa yamiri ardiiɓe jamaa ɓeen, wi'i: — Njehee hakkunde jamaa oon, mbi'on ɗum'en:

Yoosuwa 1:17

Hono no min ɗowtoraninoo Muusaa e huunde fuu, noon min ɗowtorante aan du. Ko min ŋaarotoo tan woni Joomiraaɗo, Laamɗo maa wondu e maaɗa, hono no o wondirnoo e Muusaa ni.

Yoosuwa 1:18

Neɗɗo fuu luttuɗo jamirooje maa, mo ɗowtanaaki ko njamirɗaa ɗum fu, wo bareteeɗo. Ammaa aan kaa, semmbin hoore maa, cemmbinɗinaa ɓernde maa du.

Yoosuwa 10:25

Yoosuwa wi'i ɓe: — Taa kulee, taa nesiiji mooɗon taƴaa, ammaa cemmbinee ko'e mon, cemmbinee ɓerɗe mon du! Hono nii Joomiraaɗo waɗirta wayɓe mooɗon ɓe kaɓoton e muɓɓen ɓeen fuu.

Yoosuwa 10:8

Joomiraaɗo wi'i Yoosuwa: — Taa hulu ɓe, sabo mi wattii ɓe e junngo maa. Fay gooto maɓɓe walaa darotooɗo yeeso maa.

Yoosuwa 3:7

Joomiraaɗo wi'i Yoosuwa: — Wo hannden puɗɗammi mawninde ma yeeso yimɓe Israa'iila fuu. Ɓe paaman miɗo wondi e maaɗa hono no ngondirnoomi e Muusaa ni.

Yoosuwa 6:27

Joomiraaɗo ina wondi e Yoosuwa, kabaaru makko sankitii nokku fuu nder leydi ndiin.

Yoosuwa 8:1

Joomiraaɗo wi'i Yoosuwa: — Hooƴu konunkooɓe ɓeen fuu, njaadon Ayi. Taa hulu, taa accu cuusal nyake sabo mi wattii kaananke Ayi e yimɓe muuɗum e huɓeere ndeen e leydi ndiin fuu e junngo maa.

Ardiiɓe 6:14

Ndeen maleyka Joomiraaɗo hucciti to makko wi'i: — Yaadu e semmbe mo njogiɗaa oon, kisinira Israa'iila e juuɗe Madiyankooɓe. Wo miin neli ma.

1 Samuwiila 10:7

Nde maandeeji ɗiin tabiti fu, ngaɗaa ko njiɗɗaa waɗude fuu, sabo Laamɗo ina wondi e maa.