Yoosuwa 1:8 - Dewtere Laamɗo Fulfulde Burkina Faso

⁸ Taa dewtere Tawreeta ndeen woɗɗoo e hunnduko maa. Janngu nde jemma e nyalooma fuu, ɗowtanoɗaa ko winndaa ley mayre fuu. Noon ɓeydortoɗaa yaade yeeso, ko ngollata fuu barkinte.

Yoosuwa 1:8 ပူးပေါင်းရင်းမြစ်များ

Fuɗɗoode 24:63

O yalti, imo yiiltoo ley ladde wakkati laasara. O ɓanti gite makko de o yi'i geelooɗi ina ngara.

Banndi 3:1

Ɓiyam, taa yeggitin tindinooje am, joga jamirooje am ley ɓernde maa.

Matta 12:35

Neɗɗo moƴƴo, ko moƴƴi ko resii ley ɓernde muuɗum, ɗuum wurtinta. Neɗɗo bonɗo du, ko boni ko resii ley ɓernde muuɗum, ɗuum wurtinta.

Matta 28:20

Njannginon ɓe ɓe njokka ko njamirmi on ɗuum fuu. Anndee, miɗo wondi e mooɗon nyannde fuu faa ɗo adunaaru timmi.

Matta 7:21

— Wanaa wi'ooɓe kam «Joomam, Joomam» ɓeen fuu naatata e laamu Laamɗo. Ammaa wo waɗooɓe muuyɗe Baaba am gonɗo dow kammuuli oon, ɓeen ngoni naatooɓe.

Matta 7:24

— Ndelle, neɗɗo fuu kettindiiɗo haalaaji am ɗi de jokki ɗi, nanndan e jom hakkillo nyiɓuɗo suudu muuɗum dow hayre.

Luuka 11:28

Ammaa Iisaa jaabii, wi'i: — Nanooɓe haala Laamɗo de njokki ka ɓeen, kam'en ɓuri heɓude barke!

Yuhanna 13:17

Joonin kaa on paamii ɗum. Sini on njokkirii noon fu, barke na woodanii on.

Yuhanna 14:21

Neɗɗo fuu tiigiiɗo jamirooje am de jokki ɗe, kam woni jiɗɗo kam. Jiɗɗo kam, Baaba am yiɗan ɗum. Miin du, mi yiɗan ɗum, mi ɓanginanan ɗum hoore am.

Efeesunkooɓe 4:29

Taa konngol bonngol yaltu e kunnduɗe mooɗon. Ko kaanɗon waɗude tan wo haalude haalaaji nafooji baawɗi semmbinde ɓerɗe yimɓe fodde haajuuji, faa ɗi ngaddana hettindantooɓe on ɓeen moƴƴere.

Fillitagol 29:8

Ndelle tinnoɗon kaybanon haalaaji amaana oo, de ngaɗon ko yamiraa faa keɓon barke ley ko ngaɗoyton fuu.

Fillitagol 29:9

Muusaa wi'i ɓe katin: — Inani on onon e ardiiɓe e mawɓe lenyi mon e nayeeɓe e worɓe Israa'iila fuu oɗon ndarii yeeso Joomiraaɗo, Laamɗo mooɗon,

Fillitagol 30:14

Ammaa haala kaan na tawaa faa ɗakkol mooɗon, ley kunnduɗe mon e ley ɓerɗe mon faa ngaɗon ko nde wi'i.

Fillitagol 31:11

nde jamaare Israa'iila fuu warata daroo yeeso Joomiraaɗo, Laamɗo muuɗum ley nokkuure nde suɓoytoo ndeen, njanngon dewtere Tawreeta ndeen yeeso maɓɓe.

Fillitagol 31:24

Nde Muusaa timminnoo winndude haalaaji Tawreeta ɗiin ley dewtere fuu,

Fillitagol 5:1

Muusaa noddi yimɓe Israa'iila fuu de wi'i ɗum'en: Onon Israa'iila'en, kettinee jamirooje e sariyaaji ɗi kollammi on hannden. Ekitoɗon ɗi de ngaɗon ko ɗi mbi'i.

Fillitagol 5:29

Si kulol am ngool waawuno heddaade ley ɓerɗe maɓɓe faa ɓe ɗowtanoo jamirooje am nyannde fuu, ndeen ɓe keɓanno wuurude e jam kamɓe e ɓiɓɓe maɓɓe fuu faa abada.

Fillitagol 5:32

Muusaa wi'i ɓe: — Kakkilon wooɗa, ngaɗon ko Joomiraaɗo, Laamɗo mooɗon yamiri on fuu. Taa oonyoroɗon nano naa nyaamo.

Koloosiyankooɓe 3:16

Accon konngol Almasiihu ngool heewa e mooɗon. Mono e mooɗon fuu janngina banndum, tindinira ɗum e hakkilantaaku. Njimanee Laamɗo e jettooje, njettiree mo Jabuura e manooje, kam e jimi teddinooji Laamɗo.

Yoosuwa 1:7

Ammaa sanaa cemmbinɗinaa hoore maa, cemmbinɗinaa ɓernde maa du, ɗowtanoɗaa jamirooje ɗe Muusaa maccuɗo am winndani ma fuu. Taa selir nyaamo naa du nano, noon keɓirta mbarjaari nokku fuu to njahataa.

Yoosuwa 8:34

Yoosuwa janngi jamirooje Tawreeta fuu, kaalooje haala barke e kuddi fuu, hono ko winndaa ley dewtere Tawreeta.

Holleede 22:14

Barke woodanii lonnooɓe saayaaji muɓɓen faa mbaawa nyaamude ɓiɓɓe lekki nguurndam kiin, ɓe ndewa dammbuɗe, ɓe naata ngalluure ndeen.