Yoosuwa 1:5 - Dewtere Laamɗo Fulfulde Burkina Faso

⁵ Haddu nguurndam maa fuu walaa darotooɗo yeeso maa. Mi wondan e maaɗa hono no ngondirnoomi e Muusaa ni. Mi woɗɗataako ma, mi yoppataa ma feere maa.

Yoosuwa 1:5 ပူးပေါင်းရင်းမြစ်များ

Fuɗɗoode 39:2

Joomiraaɗo ina wondi e Yuusufi, huunde fuu na gasana ɗum. O jooɗii ley ɓaade joomiiko Misiranke oon.

1 Kaanankooɓe 1:37

Joomiraaɗo wonda e Suleymaana hono no wonndirnoo e maaɗa. O mawnina laamu Suleymaana faa ɓura laamu maaɗa aan joomam, kaananke!

1 Kaanankooɓe 11:38

Hettinda huunde fuu ko njamirammaami, njokka laabi am, ngaɗaa ko wooɗi yeeso am, ɗowtanoɗaa sariyaaji am e jamirooje am hono no maccuɗo am Daawda waɗanno noon. Si a waɗii noon, mi wondan e maaɗa, mi tabintinan laamu maaɗa hono no ngaɗirmi e Daawda, mi hokkete Israa'iila.

1 Kaanankooɓe 6:13

Mi jooɗoto hakkunde yimɓe am Israa'iila'en, mi yoppataa ɓe.

1 Kaanankooɓe 8:57

Joomiraaɗo, Laamɗo men wonda e meeɗen hono no wondirnoo e maamiraaɓe meeɗen noon. Taa o acca en, taa o yoppa en.

1 Kabaaruuji Laamiiɓe 28:20

Ndelle Daawda wi'i ɓiyum Suleymaana: — Semmbinɗin ɓernde maaɗa, laatoɗaa cuusuɗo de ngollaa. Taa kulaa, taa ɓernde maaɗa diwna sabo Laamɗo Joomiraaɗo, Laamɗo am oon wondan e maaɗa. O tottitataako ma, o yoppataa ma faa nde gollal suudu makko ngaal fuu timmi.

Wurtagol 3:12

Laamɗo wi'i o: — Mi wondan e maaɗa. Inan maande holloore wo miin neli ma. Nde mburtinɗaa yimɓe ɓeen Misira fu, on fuu on ngaran teddinon kam dow waamnde ndee.

Matta 28:20

Njannginon ɓe ɓe njokka ko njamirmi on ɗuum fuu. Anndee, miɗo wondi e mooɗon nyannde fuu faa ɗo adunaaru timmi.

Romankooɓe 8:31

Caggal ɗuum fuu, ɗume mbi'eten? Si Laamɗo ina wondi e meeɗen, moy waawani en?

Romankooɓe 8:37

Ammaa e ley majjum fuu, saabe jiɗɗo en oon, eɗen ɓuri fay jaalotooɓe.

Fillitagol 20:1

Nde njahoyɗon faa kaɓdon e wayɓe mon de njiiɗon pucci ɗuuɗɗi e torkooji ɗuuɗɗi e ori sordaasiiɓe ɓurɓe on fu, taa kulon sabo Joomiraaɗo, Laamɗo mooɗon burtinɗo on leydi Misira oon na wondi e mooɗon.

Fillitagol 20:4

Joomiraaɗo, Laamɗo mooɗon na yaada e mooɗon faa haɓda e wayɓe mon de hisina on.

Fillitagol 31:23

Ndeen Joomiraaɗo hokki Yoosuwa ɓii Nuun jamirooje ɗee, wi'i ɗum: — Semmbinɗin ɓernde maaɗa, laatoɗaa cuusuɗo sabo wo aan nannata Israa'iila'en leydi ndi kuniimi mi hokkan ɗum'en ndiin. Miin e hoore am mi wondan e maaɗa.

Fillitagol 4:31

Sabo Joomiraaɗo, Laamɗo mooɗon oon, wo Laamɗo jurmotooɗo, o yoppataa on, o halkataa on, o yeggitataa amaana tedduɗo mo o haɓɓidinnoo e maamiraaɓe mooɗon oon.

Fillitagol 7:24

O wattan kaanankooɓe maɓɓe e juuɗe mooɗon de kalkon ɗum'en faa inɗe muɓɓen lalla lay. Fay gooto waawataa daraade yeeso mooɗon faa ɓe fuu ɓe timma.

2 Timote 4:17

Ammaa Joomiraaɗo darodake e am, hokki kam semmbe faa mi gooyna waaju muuɗum faa yottoo, de lenyi fuu nana. Nii woni no kisiniraami e hunnduko laddeeru.

Ibraninkooɓe 13:5

Cenndon ko'e mon e yidde buuɗi. Kennyitoroɗon ko njogiɗon, sabo Laamɗo wi'ii: «Abada mi yoppataa ma, abada mi yeebataako ma!»

Yoosuwa 1:17

Hono no min ɗowtoraninoo Muusaa e huunde fuu, noon min ɗowtorante aan du. Ko min ŋaarotoo tan woni Joomiraaɗo, Laamɗo maa wondu e maaɗa, hono no o wondirnoo e Muusaa ni.

Yoosuwa 1:9

Wanaa miin yamiri ma cemmbinɗinaa hoore maa, cemmbinɗinaa ɓernde maa du naa? Taa accu kulol nannge, sabo miin Joomiraaɗo, Laamɗo maaɗa miɗo wondi e maaɗa nokku fuu to njahataa.

Yoosuwa 10:8

Joomiraaɗo wi'i Yoosuwa: — Taa hulu ɓe, sabo mi wattii ɓe e junngo maa. Fay gooto maɓɓe walaa darotooɗo yeeso maa.

Yoosuwa 21:44

Joomiraaɗo hokki ɓe jam nokku fuu nder leydi ndiin, hono no o hunoraninoo maamiraaɓe maɓɓe noon. Walaa fay gooto nder wayɓe maɓɓe baawɗo daraade yeeso maɓɓe, sabo Joomiraaɗo wattii wayɓe maɓɓe ɓeen fuu nder juuɗe maɓɓe.

Yoosuwa 3:7

Joomiraaɗo wi'i Yoosuwa: — Wo hannden puɗɗammi mawninde ma yeeso yimɓe Israa'iila fuu. Ɓe paaman miɗo wondi e maaɗa hono no ngondirnoomi e Muusaa ni.

Yoosuwa 6:27

Joomiraaɗo ina wondi e Yoosuwa, kabaaru makko sankitii nokku fuu nder leydi ndiin.

Ardiiɓe 2:18

Nde Joomiraaɗo nani uumaali maɓɓe ley torraaji yimɓe ɓillooɓe ɓe fu, yurmoto ɓe. Ndeen o hokka ɓe ardiiɗo, o wonndu e makko du. Joomiraaɗo ina danna ɓe e juuɗe wayɓe maɓɓe haddi balɗe ardiiɗo oon fuu.

Ardiiɓe 6:16

Maleyka Joomiraaɗo wi'i mo: — De mi wondan e maaɗa. A jaaloto Madiyankooɓe ɓeen hono wo ɓe neɗɗo gooto tan.

1 Samuwiila 10:7

Nde maandeeji ɗiin tabiti fu, ngaɗaa ko njiɗɗaa waɗude fuu, sabo Laamɗo ina wondi e maa.