Yoosuwa 1:17 - Dewtere Laamɗo Fulfulde Burkina Faso

¹⁷ Hono no min ɗowtoraninoo Muusaa e huunde fuu, noon min ɗowtorante aan du. Ko min ŋaarotoo tan woni Joomiraaɗo, Laamɗo maa wondu e maaɗa, hono no o wondirnoo e Muusaa ni.

Yoosuwa 1:17 ပူးပေါင်းရင်းမြစ်များ

2 Samuwiila 14:17

Ndeen miilumi, «Haala joomam kaananke kaan waaltinan ɓernde am.» Sabo aan joomam kaananke, aɗa nanndi e maleyka Joomiraaɗo cenndoowo hakkunde ko wooɗi e ko boni. Joomiraaɗo, Laamɗo maa wondu e maaɗa.

1 Kaanankooɓe 1:37

Joomiraaɗo wonda e Suleymaana hono no wonndirnoo e maaɗa. O mawnina laamu Suleymaana faa ɓura laamu maaɗa aan joomam, kaananke!

1 Kabaaruuji Laamiiɓe 28:20

Ndelle Daawda wi'i ɓiyum Suleymaana: — Semmbinɗin ɓernde maaɗa, laatoɗaa cuusuɗo de ngollaa. Taa kulaa, taa ɓernde maaɗa diwna sabo Laamɗo Joomiraaɗo, Laamɗo am oon wondan e maaɗa. O tottitataako ma, o yoppataa ma faa nde gollal suudu makko ngaal fuu timmi.

Limle 27:18

Joomiraaɗo jaabii Muusaa wi'i: — Kooƴaa Yoosuwa ɓii Nuun de njowaa junngo maaɗa dow muuɗum. Wo o neɗɗo mo Ruuhu am woni e muuɗum.

Limle 27:20

Kokkaa o baawɗe maaɗa faa Israa'iila'en ngaɗa ko o wi'i fuu.

Matta 21:9

Jama'aaje gonɗe yeeso Iisaa ɗeen e jokkuɗe caggal makko fuu ina ilina, ina mbi'a: — Jettooje ngoodanii Taan Daawda! Barke woodanii garɗo e dow innde Joomiraaɗo! Jettooje ngoodanii Laamɗo faa dow kammuuli!

Fillitagol 34:9

Yoosuwa ɓii Nuun, wo gorko keewɗo ruuhu hakkilantaaku sabo Muusaa dekiino juuɗe muuɗum dow makko. Israa'iila'en na ngaɗa ko o yamirta ɗum'en fuu fodde no Joomiraaɗo wiirunoo Muusaa noon.

Yoosuwa 1:16

Ɓe njaabii Yoosuwa, ɓe mbi'i: — Ko njamirɗaa min ngaɗa fuu, min ngaɗan. Min njahan nokku fuu to nelɗaa min.

Yoosuwa 1:18

Neɗɗo fuu luttuɗo jamirooje maa, mo ɗowtanaaki ko njamirɗaa ɗum fu, wo bareteeɗo. Ammaa aan kaa, semmbin hoore maa, cemmbinɗinaa ɓernde maa du.

Yoosuwa 1:5

Haddu nguurndam maa fuu walaa darotooɗo yeeso maa. Mi wondan e maaɗa hono no ngondirnoomi e Muusaa ni. Mi woɗɗataako ma, mi yoppataa ma feere maa.

Yoosuwa 1:9

Wanaa miin yamiri ma cemmbinɗinaa hoore maa, cemmbinɗinaa ɓernde maa du naa? Taa accu kulol nannge, sabo miin Joomiraaɗo, Laamɗo maaɗa miɗo wondi e maaɗa nokku fuu to njahataa.

Yoosuwa 4:14

Nyalaande majjum Joomiraaɗo teddinii Yoosuwa yeeso Israa'iila'en. Ɓe kuli mo hono no ɓe kulirnoo Muusaa ley nguurndam muuɗum ni.

1 Samuwiila 17:37

Joomiraaɗo kisinoowo kam e njaaɓirdi rawaandu ladde e njaaɓirdi ursu du hisinan kam e junngo Filistiyankeejo o. Sawulu wi'i Daawda: — Yahu, Joomiraaɗo wondu e maa.

1 Samuwiila 20:13

Ammaa si baabam muuyii torrude ma, de mi faaminaay ma, mi dillinaay ma faa kisaa fu, Joomiraaɗo hiitam kiite mawɗe. Joomiraaɗo wondu e maaɗa hono no o worrunoo e baabam!