Wurtagol 9:22 - Dewtere Laamɗo Fulfulde Burkina Faso

²² Joomiraaɗo wi'i Muusaa: — Ɓantu junngo maaɗa faro kammu faa marmalluuje toɓa dow leydi Misira fuu: dow yimɓe e kulle e funngooji gese leydi Misira fuu.

Wurtagol 9:22 ပူးပေါင်းရင်းမြစ်များ

Wurtagol 10:21

Ndeen Joomiraaɗo wi'i Muusaa: — Ɓantu junngo maa dow faa nimre waɗa dow leydi Misira, nimre tekkunde faa ina waawi meemeede.

Wurtagol 7:19

Joomiraaɗo wi'i Muusaa: — Mbi'aa Haaruuna hooƴa sawru muuɗum, foorta junngo muuɗum dow diyeele Misira fuu: Dow gooruuji maɓɓe mawɗi e pamari fuu, e dow pete maɓɓe e dow beeli maɓɓe e to ndiyam maɓɓe wattaa fuu faa ɗam laatoo ƴiiƴam. Ƴiiƴam ɗaam tawee ley leydi Misira fuu fay ley akalaaje e looɗe fuu.

Wurtagol 8:16

Joomiraaɗo wi'i Muusaa: — Jaango, ummoɗaa gilla subaka, njahaa to Fira'awna, ndaroɗaa yeeso muuɗum wakkati fonndii maayo ndeen, mbi'aa ɗum: «Inan ko miin Joomiraaɗo mbi'umi: accu yimɓe am ndilla faa ɗowtanowoo kam.

Wurtagol 8:5

Muusaa wi'i Fira'awna: — Haalanam ndeye kaajaɗaa mi du'ane, aan e gollooɓe maa e yimɓe maa, heɓa Joomiraaɗo itta paaɓi gonɗi ley cuuɗi mooɗon, ittane ɗi fuu, faa ɗi keddowoo ley maayo Nil tan.

Wurtagol 9:21

Ammaa ɓe koolaaki konngol Joomiraaɗo ɓeen kaa fuu njoppi gollooɓe muɓɓen e kulle muɓɓen ley gese.

Yoosuwa 10:11

Wakkati Amorinkooɓe ndogganno Israa'iila'en to jipporde Bayti-Horon ndeen, Joomiraaɗo sankiti marmalluuje mawɗe dow maɓɓe faa ɓe njottii Ajeka, de keewal maɓɓe maayi. Ɓe marmalluuje mbari ɓeen ina ɓuri ɓe Israa'iila'en mbardi kaafaaje ɓeen heewude.

Holleede 16:21

Marmalluuje ɓutte ƴuuri kammu, caami dow yimɓe, wootere fuu teddeefi muuɗum ina waɗa kilooji 40. Yimɓe ɓeen mbonkii Laamɗo saabe masiiba marmalluuje oon, sabo masiiba oon sattii bonde sanne.