Wurtagol 8:27 - Dewtere Laamɗo Fulfulde Burkina Faso

²⁷ Joomiraaɗo waɗani Muusaa ko ŋaarii ɗuum. Buubi keewɗi ɗiin fuu ndilli to Fira'awna e to gollooɓe muuɗum e to yimɓe muuɗum. Fay ngootu heddaaki.

Wurtagol 8:27 ပူးပေါင်းရင်းမြစ်များ

Wurtagol 10:26

Ndelle min njaadan e daabaaji amin du fuu. Fay feɗeengo wooto min njoppataa, sabo wo ley majji min ittata ko min teddinirta Joomiraaɗo, Laamɗo amin. Min anndaa ko min cakkanta Joomiraaɗo tafon, sanaa nde min njottii toon minen e ko'e amin.

Wurtagol 3:12

Laamɗo wi'i o: — Mi wondan e maaɗa. Inan maande holloore wo miin neli ma. Nde mburtinɗaa yimɓe ɓeen Misira fu, on fuu on ngaran teddinon kam dow waamnde ndee.

Wurtagol 3:18

Israa'iila'en kettindante. Ndeen njaadaa e mawɓe Israa'iila'en to kaananke Misira, mbi'on ɗum: Joomiraaɗo, Laamɗo Ibraninkooɓe ɓanganii min. Miɗen ŋaare, kokkaa min laawol min njaha ley ladde yoornde haddi balɗe tati faa min ngaɗana Joomiraaɗo, Laamɗo amin kirsamaaji.

Wurtagol 34:11

Kakkilaa e ko njamiranmaami hannden ɗuum. Mi riiwan Amorinkooɓe e Kanaaninkooɓe e Hittiyankooɓe e Perisinkooɓe e Hewinkooɓe e Yebusinkooɓe yeeso maaɗa.

Wurtagol 5:1

Caggal ɗuum Muusaa e Haaruuna njehi to Fira'awna, mbi'i ɗum: — Inan ko Joomiraaɗo, Laamɗo Israa'iila wi'i: «Yoppu yimɓe am njaha ngaɗanowa kam iidi ley ladde yoornde.»

Wurtagol 5:3

Ndeen Muusaa e Haaruuna mbi'i: — Laamɗo Ibraninkooɓe, Laamɗo amin ɓanganii min. Ndelle miɗen ŋaare accaa min njaha haddi balɗe tati ley ladde yoornde faa min ngaɗana Joomiraaɗo, Laamɗo amin kirsamaaji. Si wanaa noon fu, o waɗan nyawuuji bonɗi maa konu wara min.

Lewinkooɓe 10:1

Nadabu e Abihu, ɓiɓɓe Haaruuna kooƴi mono fuu ɓoɓtirgal muuɗum ƴulɓe. Ɓe kuɓɓi yiite de ɓe njoori ure. Noon ɓe ngaddiri yiite nge ɓe njamiraaka yeeso Joomiraaɗo.

Matta 28:20

Njannginon ɓe ɓe njokka ko njamirmi on ɗuum fuu. Anndee, miɗo wondi e mooɗon nyannde fuu faa ɗo adunaaru timmi.