Wurtagol 7:19 - Dewtere Laamɗo Fulfulde Burkina Faso

¹⁹ Joomiraaɗo wi'i Muusaa: — Mbi'aa Haaruuna hooƴa sawru muuɗum, foorta junngo muuɗum dow diyeele Misira fuu: Dow gooruuji maɓɓe mawɗi e pamari fuu, e dow pete maɓɓe e dow beeli maɓɓe e to ndiyam maɓɓe wattaa fuu faa ɗam laatoo ƴiiƴam. Ƴiiƴam ɗaam tawee ley leydi Misira fuu fay ley akalaaje e looɗe fuu.

Wurtagol 7:19 ပူးပေါင်းရင်းမြစ်များ

Fuɗɗoode 1:10

O inndiri njoorndi ndiin leydi, diyeele ɗeen du, maayo. Laamɗo tawi iɗum wooɗi.

2 Kaanankooɓe 4:29

Ndeen Elisey wi'i Gehaaji: — Kaɓɓinoɗaa kaɓɓorgol maaɗa, de kooƴaa sawru am njahaa. Taa njowtaa fay gooto, taa nootoɗaa fay gooto si jowtii ma. Ndekowaa sawru nduun e yeeso suka oon.

Wurtagol 10:12

Joomiraaɗo wi'i Muusaa: — Foortu junngo maaɗa dow leydi Misira faa baɓɓatti ngara dow mayri. Ɗi nyaama funngo ngo marmalluuje ɗeen njoppi dow leydi ndiin fuu.

Wurtagol 10:21

Ndeen Joomiraaɗo wi'i Muusaa: — Ɓantu junngo maa dow faa nimre waɗa dow leydi Misira, nimre tekkunde faa ina waawi meemeede.

Wurtagol 14:16

Ɓantu sawru maaɗa de poortaa junngo maa dow maayo faa ndiyam ɗam feccoo, faa Israa'iila'en keɓa njaaɓa dow leydi njoorndi, peƴƴa maayo ngoon.

Wurtagol 14:21

Muusaa foorti junngo muuɗum dow maayo ngoon. Joomiraaɗo waɗi henndu mawndu ƴuurundu lettugal wifi ley jemma oon fuu faa ndu foottina ndiyam ɗaam, yoppa leydi njoorndi. Ndiyam ɗaam feccii.

Wurtagol 14:26

Ndeen Joomiraaɗo wi'i Muusaa: — Foortu junngo maa dow maayo faa ndiyam ɗaam hawrita dow Misirankooɓe e dow torkooji muɓɓen e dow waɗɗiiɓe pucci muɓɓen ɓeen fuu.

Wurtagol 4:9

Ammaa si ɓe koolaaki maandeeji ɗiɗi ɗiin, ɓe kettindanaaki ma fu, ittaa ndiyam seeɗa ley maayo Nil, ndufaa ɗam dow leydi njoorndi. Ndiyam ɗam ittuɗaa e maayo de ndufuɗaa dow leydi ɗaam laatoto ƴiiƴam.

Wurtagol 8:16

Joomiraaɗo wi'i Muusaa: — Jaango, ummoɗaa gilla subaka, njahaa to Fira'awna, ndaroɗaa yeeso muuɗum wakkati fonndii maayo ndeen, mbi'aa ɗum: «Inan ko miin Joomiraaɗo mbi'umi: accu yimɓe am ndilla faa ɗowtanowoo kam.

Wurtagol 9:33

Muusaa dilli to Fira'awna wurtii huɓeere ndeen, ɓanti juuɗe muuɗum faro Joomiraaɗo. Pelnyaali ɗiin e marmalluuje ɗeen fuu celi. Ƴuwoonde du helti.