Wurtagol 7:16 - Dewtere Laamɗo Fulfulde Burkina Faso

¹⁶ Mbi'aa Fira'awna: «Joomiraaɗo, Laamɗo Ibraninkooɓe nelii kam mi wi'ee: ‹Accu yimɓe am ndilla faa ɗowtanowoo kam ley ladde yoornde.› Ammaa faa joonin a hettindaaki.

Wurtagol 7:16 ပူးပေါင်းရင်းမြစ်များ

Wurtagol 10:3

Muusaa e Haaruuna njehi to Fira'awna, mbi'i ɗum: — Inan ko Joomiraaɗo, Laamɗo Ibraninkooɓe ƴami: «Ko saabii aɗa heddii e salaade leeƴinde hoore maa yeeso am? Accu yimɓe am ndilla faa ɗowtanoo kam.

Wurtagol 13:15

Nde Fira'awna salinoo yoppude min min ndilla ndeen, Joomiraaɗo wari awruuɓe worɓe fuu tawaaɓe ley leydi Misira gilla e tagaaɓe faa e kulle. Saabe ɗuum de miɗen cakkana Joomiraaɗo awruwel gorel artaangel rimaa hakkunde kulle fuu. Ammaa awruuɓe amin ɓeen kaa wo min ndimɗinan ɗum'en.

Wurtagol 14:5

Nde kaananke Misira e gollooɓe muuɗum kumpitanoo Israa'iila'en ndillii fu, mbayliti miilooji muɓɓen, mbi'i: — Ɗume woni ko ngaɗuɗen ɗum? Ko saabii accuɗen Israa'iila'en ndilli, njoppi gollande en?

Wurtagol 3:12

Laamɗo wi'i o: — Mi wondan e maaɗa. Inan maande holloore wo miin neli ma. Nde mburtinɗaa yimɓe ɓeen Misira fu, on fuu on ngaran teddinon kam dow waamnde ndee.

Wurtagol 3:13

Ndeen Muusaa wi'i Laamɗo: — Ndelle si mi yehii to yimɓe Israa'iila, mi wi'ii ɓe: «Laamɗo maamiraaɓe mooɗon neli kam to mooɗon.» Si ɓe ƴamii kam noy woni innde maa, ɗume njaabotoomi ɓe?

Wurtagol 3:18

Israa'iila'en kettindante. Ndeen njaadaa e mawɓe Israa'iila'en to kaananke Misira, mbi'on ɗum: Joomiraaɗo, Laamɗo Ibraninkooɓe ɓanganii min. Miɗen ŋaare, kokkaa min laawol min njaha ley ladde yoornde haddi balɗe tati faa min ngaɗana Joomiraaɗo, Laamɗo amin kirsamaaji.

Wurtagol 4:22

Mbi'aa Fira'awna: «Inan ko Joomiraaɗo wi'i: Israa'iila kam woni ɓiyam afo.

Wurtagol 4:23

Miɗo wi'e njoppaa ɓiyam oon yaha ɗowtanowoo kam. Ammaa si a salake yoppude mo o yaha fu, mi waran afo maaɗa gorko.»

Wurtagol 7:4

Fira'awna hettindantaako on. Ndeen mi yowan junngo am ngo baawɗe ngoon dow Misira. Mi wurtiniran yimɓe am Israa'iila'en, konunkooɓe am ɓeen ley leydi ndiin e sariyaaji mawɗi.

Wurtagol 8:1

Ndeen Joomiraaɗo wi'i Muusaa: — Wi'u Haaruuna foorta junngo muuɗum tiigiingo sawru ngoon dow gooruuji mawɗi e pamari e dow pete faa paaɓi ɓanga dow leydi Misira fuu.

Wurtagol 8:20

Joomiraaɗo waɗiri noon. Buubi ŋatooji naati suudu Fira'awna e cuuɗi gollooɓe muuɗum faa keewi. Leydi Misira fuu boni saabe buubi ŋatooji ɗiin.

Wurtagol 9:1

Ndeen Joomiraaɗo wi'i Muusaa: — Yahu to Fira'awna kaalanaa ɗum, mbi'aa: «Inan ko Joomiraaɗo, Laamɗo Ibraninkooɓe wi'i: Accu yimɓe am ndilla faa ɗowtanowoo kam.

Wurtagol 9:13

Ndeen Joomiraaɗo wi'i Muusaa: — Umma jaango gilla subaka, njahaa ndarooɗaa yeeso Fira'awna mbi'aa ɗum: «Inan ko Joomiraaɗo Laamɗo Ibraninkooɓe wi'i: Accu yimɓe am ndilla faa ɗowtanowoo kam.