Wurtagol 6:1 - Dewtere Laamɗo Fulfulde Burkina Faso

¹ Ndeen Joomiraaɗo wi'i Muusaa: — Joonin a yi'an ko ngaɗammi Fira'awna. E baawɗe junngo semmbiɗingo, o yoppan Israa'iila'en ndilla. Si goonga e baawɗe maggo o riiwan ɓe ley leydi makko.

Wurtagol 6:1 ပူးပေါင်းရင်းမြစ်များ

2 Kaanankooɓe 7:19

Sordaasiijo oon du wi'iino: — Fay si Joomiraaɗo omti kammu, ko mbiiɗaa ɗuum na waawi laataade naa? Elisey du jaabakeno mo wi'i: — A yi'iran ɗum gite maaɗa ammaa a meeɗataa fay seeɗa majjum.

2 Kaanankooɓe 7:2

Mawɗo sordaasiiɓe ɓattiiɗo kaananke wi'i Elisey: — Fay si Joomiraaɗo omti kammu, ko mbiiɗaa ɗuum na waawi laataade naa? Elisey wi'i mo: — A yi'iran ɗum gite maaɗa ammaa a meeɗataa fay seeɗa majjum.

Wurtagol 11:1

Joomiraaɗo wi'i Muusaa: — Mi fiiran Fira'awna e leydi Misira fuu masiiba gooto tan katin. Caggal ɗuum, o accan on ndillon, wo o riiwan on jaati ndillon leydi makko.

Wurtagol 12:31

Ley jemma oon, Fira'awna noddi Muusaa e Haaruuna, wi'i ɗum'en: — Ummee, mburtoɗon hakkunde yimɓe am, onon e Israa'iila'en. Njehee teddinowee Joomiraaɗo hono no ŋaaroriɗon noon.

Wurtagol 12:33

Yimɓe Misira ɓilli yimɓe ɓeen faa ndilla leydi muɓɓen law sabo ɓe miilii ɓe fuu ɓe maayan.

Wurtagol 12:39

Ɓe kooƴi conndi ndiibaandi ndi ɓe ngaɗunoo gilla Misira ndiin, ɓe ca'i, ɓe ngaɗi buuruuje daɓɓe ɗe njillaaka rabilla. Ɓe keɓayno jillude rabilla ley conndi ndiibaandi ndiin sakko ndi ƴuufa, sabo ɓe ndiiwaama ley Misira, wooɗi du ɓe mbaawaay hooƴande ko'e maɓɓe njooɓaari.

Wurtagol 13:14

Ndeen le, ley ko warata, si ɓiɓɓe mooɗon ƴamii on maanaa majjum fu, mbi'on ɗum'en: «Wo Joomiraaɗo wurtiniri min e baawɗe muuɗum mawɗe ley leydi Misira nder wuro maccungaaku.

Wurtagol 13:16

Kirsamaaji ɗiin laatoto maande dow juuɗe mooɗon e dow tiiɗe mooɗon. Ɗi miccintinan wo junngo Joomiraaɗo semmbiɗingo wurtini on leydi Misira.»

Wurtagol 13:3

Ndeen Muusaa wi'i yimɓe ɓeen: — Miccoɗon nyalaande nde, wo nyalaande nde mburtiɗon Misira, ley leydi maccungaaku, sabo wo junngo Joomiraaɗo semmbiɗingo wurtini on. Taa nyaamon huunde fuu ko jillaa rabilla.

Wurtagol 13:9

Iidi oon laatanto on huunde miccintinoore on, hono maande dow juuɗe mooɗon e dow tiiɗe mooɗon. Noon jamirooje Joomiraaɗo ngonirta e kunnduɗe mooɗon sabo wo kanko wurtini on leydi Misira e junngo makko semmbiɗingo.

Wurtagol 14:13

Muusaa jaabii yimɓe ɓeen, wi'i: — Taa kulee. Ndaree wooɗa, on nji'an no Joomiraaɗo hisinirta on hannden. Sabo Misirankooɓe ɓe nji'oton hannden ɓe, on nji'ataa ɓe katin faa abada.

Wurtagol 15:6

Yaa Joomiraaɗo, junngo maaɗa nyaamo, ina jogii baawɗe tedduɗe. Joomiraaɗo, junngo maaɗa nyaamo, wo niisoowo wayɓe.

Wurtagol 7:4

Fira'awna hettindantaako on. Ndeen mi yowan junngo am ngo baawɗe ngoon dow Misira. Mi wurtiniran yimɓe am Israa'iila'en, konunkooɓe am ɓeen ley leydi ndiin e sariyaaji mawɗi.

Wurtagol 7:5

Nde njowoymi junngo am ngo baawɗe ngoon dow Misira faa mi wurtina Israa'iila'en hakkunde maɓɓe fu, Misirankooɓe paaman wo miin woni Joomiraaɗo.

Limle 11:23

Ndeen Joomiraaɗo jaabii Muusaa, wi'i: — Ndelle junngo Joomiraaɗo na raɓɓiɗi naa? Joonin a faaman yalla konngol am wo tabitoowol naa ngol tabitataa.

Limle 23:23

Kuddi waawanaa Yaakuuba, Dabare ginnaaji waawataa Israa'iila. Wakkati warowan mo yimɓe mbi'ata dow Yaakuuba e dow Israa'iila: «Inan ko haayni ko Laamɗo waɗi!»

Golle Nelaaɓe 13:17

Laamɗo Israa'iilankooɓe oon suɓake maamiraaɓe meeɗen, teddinii lenyol maɓɓe nde ngol hoɗoynoo leydi Misira ndeen. O yaltiniri ɓe toon baawɗe makko.

Fillitagol 32:39

Joonin kaa, paamon wo miin, ayyo, wo miin tan, alla goɗɗo waldaa e am. Wo miin warata, wooɗi wo miin wuurnata, wo miin mornyitata, wooɗi wo miin dannata. Fay gooto waawaa dannude goɗɗo e junngo am.

Fillitagol 4:34

Yalla woodii alla ennduɗo warude hooƴira lenyol hakkunde lenyol gonungol ley torraaji e maandeeji e kaayeefiiji e konu e semmbe mawɗo e kujje mawɗe kulɓiniiɗe, hono no Joomiraaɗo, Laamɗo mooɗon waɗiri ley leydi Misira e gite mooɗon noon naa?