Wurtagol 5:2 - Dewtere Laamɗo Fulfulde Burkina Faso

² Ammaa Fira'awna wi'i: — Moy woni Joomiraaɗo faa mi hettindanoo ɗum, de mi yoppa yimɓe Israa'iila ndilla? Mi anndaa Joomiraaɗo, wooɗi mi yoppataa yimɓe Israa'iila ndilla.

Wurtagol 5:2 ပူးပေါင်းရင်းမြစ်များ

2 Kaanankooɓe 18:35

Hakkunde allaaji leyɗe ɗeen fuu, wo alla oye waawi hisinde leydi muuɗum e junngo am sakko mbi'on Joomiraaɗo mooɗon na waawi hisinde Urusaliima?

Nehemiya 9:10

Ngaɗuɗaa maandeeji kaayniiɗi dow Fira'awna e gollanooɓe ɗum e yimɓe leydi muuɗum fuu, sabo aɗa anndi no ɓe njawiri yimɓe maaɗa. A waɗii innde ma teddinee faa warde hannden.

Ayuuba 15:25

Sabo o sappake Laamɗo honndu, o hollii Jom Baawɗe mawnitaare,

Ayuuba 15:26

o ummanii ɗum, imo doggira yoora hooraaku, imo tiigii wawaade mawnde tekkunde.

Ayuuba 21:15

Moy woni Jom Baawɗe, sakko min ɗowtanoo ɗum? Ɗume du'oraade ɗum nafata min?»

Wurtagol 3:19

Ammaa miɗo anndi kaananke Misira jaɓataa njahon sanaa wo doolɗa.

Wurtagol 7:17

Inan ko Joomiraaɗo wi'i: ‹Nii paamirtaa wo miin woni Joomiraaɗo.› Ndelle, mi fiiran ndiyam maayo Nil sawru wonndu e junngo am ndu de ɗam laatoo ƴiiƴam.

Banndi 30:9

Sabo si a waɗii kam jom jawdi keewndi, miɗo waawi salaade ma, mi wi'a: «Moy woni Joomiraaɗo?» Si mi jogaaki faa'e du, miɗo waawi wujjude, de mi famɗina innde maa, yaa Laamɗo am.

Yuhanna 16:3

Ɓe ngaɗan ɗum sabo ɓe anndaa Baabiiwo oon, ɓe anndaa kam miin du.

Romankooɓe 1:28

Saabe ko ɓe miilinoo anndude Laamɗo walaa ko nafata ɗuum, Laamɗo yoppidi ɓe e majjere maɓɓe, faa ɓe ngaɗi ko neɗɗo haanaa waɗude.

2 Tesaloniyankooɓe 1:8

O ɓangan ley yiite nyanngunge faa o jukkoo ɓe anndaa Laamɗo, ɓe njaɓaay jokkude Kabaaru Lobbo Joomiraaɗo men Iisaa ɓeen.

Ardiiɓe 2:10

Wooɗi, yimɓe jamaanu Yoosuwa ɓeen du fuu maayi, kawritowi e maamiraaɓe muɓɓen. Caggal maɓɓe, jamaanu goɗɗo ummii, ɓe anndaa Joomiraaɗo. Ɓe nji'aay du golleeji ɗi o waɗani Israa'iilankooɓe.

1 Samuwiila 2:12

Ɓiɓɓe Eli na laatinoo jaasuɓe, ɓe ndewaay Joomiraaɗo.

1 Samuwiila 25:10

Nabal jaabii maccuɓe Daawda, wi'i: — Moy woni Daawda? Moy woni ɓii Yesa? Hannden na woodi maccuɓe heewɓe na teetoo e joomiiɓe.