Wurtagol 4:5 - Dewtere Laamɗo Fulfulde Burkina Faso

⁵ Joomiraaɗo wi'i: — Ɗum wo faa ɓe ngoonɗina, ɓe njaɓa wo miin Joomiraaɗo, Laamɗo maamiraaɓe maɓɓe Ibrahiima e Isiyaaka e Yaakuuba ɓangani ma.

Wurtagol 4:5 ပူးပေါင်းရင်းမြစ်များ

Fuɗɗoode 12:7

Joomiraaɗo ɓangi e Abram, wi'i ɗum: — Wo ƴuwdi maa kokkammi leydi ndii. Abram mahani Joomiraaɗo sakkirde to ɓangani ɗum toon.

Fuɗɗoode 17:1

Nde Abram hewtunoo duuɓi 99 ndeen, Joomiraaɗo ɓangani ɗum wi'i: — Miin woni Laamɗo Jom Baawɗe. Njokkaa laawol am, laatoɗaa ponnditiiɗo.

Fuɗɗoode 18:1

Joomiraaɗo ɓangani Ibrahiima ɗakkol leɗɗe Mamre mawɗe, tawi imo jooɗinoo dammbugal hukum makko hakkunde naange.

Fuɗɗoode 26:2

Joomiraaɗo ɓangi e makko wi'i: — Taa yahu Misira. Jooɗa ley leydi ndi kaalananmaami haala muuɗum ndiin.

Fuɗɗoode 28:13

Joomiraaɗo darii dow maggal, wi'i: — Miin woni Laamɗo, Joomiraaɗo bammaa Ibrahiima, Laamɗo Isiyaaka. Leydi ndi pukkiɗaa dow muuɗum ndiin, mi hokkete ndi, aan e ƴuwdi maa.

Fuɗɗoode 48:15

O barkini Yuusufi e ƴuwdi muuɗum, o wi'i: — Laamɗo mo baabiraaɓe am Ibrahiima e Isiyaaka njokkunoo oon, reenii kam ley nguurndam am fuu.

Fuɗɗoode 48:3

Yaakuuba wi'i Yuusufi: — Laamɗo Jom Baawɗe ɓanganii kam Luus ley leydi Kanaana. O barkini kam,

1 Kaanankooɓe 18:36

Nde wakkati waɗeede sadaka futuro yottinoo fu, annabi Iliyaasa ɓattii hirsirde ndeen, wi'i: — Joomiraaɗo, Laamɗo Ibrahiima e Isiyaaka e Israa'iila, hannden, hollu wo aan woni Laamɗo Israa'iila. Kollaa du, miin, wo mi golloowo maaɗa, ko ngaɗumi du fuu, mi waɗiri ɗum fodde yamiroore maaɗa.

Wurtagol 19:9

Ndeen Joomiraaɗo wi'i Muusaa: — Mi waran to maa ley ruulde tekkunde faa yimɓe nana miɗo haalda e maaɗa heɓa ɓe koole faa abada. Muusaa haalani Joomiraaɗo ko yimɓe ɓeen mbi'i.

Wurtagol 3:15

Laamɗo wi'i Muusaa katin: — Inan ko mbi'ataa Israa'iila'en: Wo Joomiraaɗo, Laamɗo maamiraaɓe mooɗon, Ibrahiima e Isiyaaka e Yaakuuba neli kam to mooɗon. Ndee woni innde am faa abada. Wo e mayre yimɓe jamaanuuji fuu mbaawiri noddirde kam.

Wurtagol 3:16

Joonin njahaa kawrondinowaa mawɓe Israa'iila'en mbi'aa ɗum'en: Wo Joomiraaɗo, Laamɗo maamiraaɓe mooɗon, mo Ibrahiima e Isiyaaka e Yaakuuba oon ɓangani kam. O wi'i kam o yi'ii torraaji ɗi torreteɗon ley leydi Misira.

Wurtagol 3:18

Israa'iila'en kettindante. Ndeen njaadaa e mawɓe Israa'iila'en to kaananke Misira, mbi'on ɗum: Joomiraaɗo, Laamɗo Ibraninkooɓe ɓanganii min. Miɗen ŋaare, kokkaa min laawol min njaha ley ladde yoornde haddi balɗe tati faa min ngaɗana Joomiraaɗo, Laamɗo amin kirsamaaji.

Wurtagol 3:4

Nde Laamɗo Joomiraaɗo yi'unoo o ooncake faa o ndaara fu, noddi mo ley wuumoore ndeen, wi'i: — Muusaa! Muusaa! O jaabii, o wi'i: Inani kam.

Wurtagol 3:6

O wi'i katin: — Miin woni Laamɗo baaba maaɗa, Laamɗo Ibrahiima e Isiyaaka e Yaakuuba. Ndeen Muusaa suddi yeeso muuɗum sabo hulii ndaarude Laamɗo.

Wurtagol 4:1

Muusaa jaabii Joomiraaɗo, wi'i: — Ndaar, ɓe njaɓataa haala am, ɓe kettindantaako kam. Ɓe mbi'an kam: Joomiraaɗo ɓanganaay ma fey?

Wurtagol 4:31

Yimɓe ɓeen njaɓi, koolii. Ɓe paami Joomiraaɗo na hakkilana ɓe kamɓe yimɓe Israa'iila wooɗi du, yi'ii du torraaji maɓɓe. Ndeen ɓe fuu ɓe ndikkinii, ɓe cujidi.

Wurtagol 4:4

Ndeen Joomiraaɗo wi'i mo: — Foortu junngo maa nanngaa lacol mayri. Muusaa foorti junngo muuɗum nanngi ndi, ndi laatii sawru e junngo muuɗum.

Yuhanna 11:15

Mi seyorake saabe mooɗon ko mi tawaaka toon ɗuum faa ngoonɗinon. Wooɗi jonkaa, en njaha to makko.

Yuhanna 11:42

Miin kaa, miɗo anndi nyannde fuu aɗa jaabanoo kam. Ammaa wo saabe yimɓe fiiliiɓe kam ɓeen waɗi de kaaldirmi ni, faa ɓe ngoonɗina aan nuli kam.

Yuhanna 20:27

O wi'i Tomaa: — Wattu ɗo honndu maa, ndaar juuɗe am. Ɓattin junngo maa, wattu ngo e wuttudu am. Sel sikkitirde, goonɗin tan.

Yuhanna 20:31

Ɗi ɗo mbinndaama, faa ngoonɗinon Iisaa woni Almasiihu Ɓii Laamɗo, faa si on ngoonɗinii, keɓon nguurndam saabe makko.

Yuhanna 5:36

Miin, miɗo jogii seedaaku ɓurngu ngu Yaayaa nguun semmbe: golleeji ɗi Baabiiwo yamiri kam mi golla ɗiin, kanji jaati ceedantoo kam Baabiiwo nuli kam.

Golle Nelaaɓe 7:2

Etiyen jaabii, wi'i: — Sakiraaɓe e baabiraaɓe, kettindanee kam! Laamɗo jom teddeengal oon ɓanganii maami en Ibrahiima nde wonnoo leydi Mesopotami, fadde muuɗum hoɗoyde Haran,

Ibraninkooɓe 11:16

Kaa si goonga, iɓe pooɗanoo leydi ɓurndi woodde, ɗum woni ngonndi dow kammu ndiin. Saabe ɗuum, Laamɗo semtiraay noddireede Laamɗo maɓɓe, moƴƴinanii ɓe ngalluure.