Wurtagol 4:21 - Dewtere Laamɗo Fulfulde Burkina Faso

²¹ Joomiraaɗo wi'i Muusaa katin: — Si a yeccake leydi Misira fu, ngaɗaa maandeeji kaayniiɗi ɗi ngattumi e junngo maa ɗiin fuu yeeso Fira'awna. Ammaa mi yoornan ɓernde makko faa o saloo yoppude yimɓe ɓeen ndilla.

Wurtagol 4:21 ပူးပေါင်းရင်းမြစ်များ

Fuɗɗoode 6:3

Ndeen Joomiraaɗo wi'i: — Ruuhu am heddataako e neɗɗo faa abada, sabo wo teewu tan. Duuɓi muuɗum paltataako 120 katin.

1 Kaanankooɓe 22:22

Joomiraaɗo ƴami mo, noy kiildataa mo? Ruuhu oon jaabii, wi'i: — Mi wurtoto, mi laatoo ruuhu penoowo de mi watta fewre ley kunnduɗe annabaaɓe makko. Joomiraaɗo wi'i mo: — A gaynan! Ndelle njahaa de kiilaa o.

Wurtagol 10:1

Joomiraaɗo wi'i Muusaa: — Yahu to Fira'awna sabo mi yoornii ɓernde muuɗum e ɓerɗe gollooɓe muuɗum faa mi waɗa maandeeji am ɗiin fuu hakkunde maɓɓe.

Wurtagol 10:20

Ammaa Joomiraaɗo yoorni ɓernde Fira'awna. O jaɓaay yoppude Israa'iila'en ndilla.

Wurtagol 10:27

Ammaa Joomiraaɗo yoorni ɓernde Fira'awna. O jaɓaay yoppude ɓe ɓe ndilla.

Wurtagol 11:10

Muusaa e Haaruuna ngaɗi maandeeji kaayniiɗi ɗiin fuu yeeso Fira'awna, ammaa Joomiraaɗo yoorni ɓernde Fira'awna, o accaay Israa'iila'en mburtii leydi makko.

Wurtagol 11:9

Ndeen Joomiraaɗo wi'i Muusaa: — Ko Fira'awna hettindantaako ma ɗuum, wo faa mi ɗuuɗina kaayeefiiji am ley leydi Misira.

Wurtagol 14:17

Mi yoornan ɓerɗe Misirankooɓe faa ɓe njokka on. Innde am teddinte saabe ko ngaɗanmi Fira'awna e konunkooɓe muuɗum e torkooji pucci muuɗum e waɗɗiiɓe pucci muuɗum fuu ɗuum.

Wurtagol 14:4

Mi yoornan ɓernde makko faa o rewta on. Ndeen innde am teddinte saabe ko ngaɗanmi Fira'awna e sordaasiiɓe muuɗum ɗuum. Noon Misirankooɓe fuu paamirta wo miin woni Joomiraaɗo. Israa'iila'en ngaɗiri noon.

Wurtagol 14:8

Joomiraaɗo yoorni ɓernde Fira'awna kaananke Misira faa taaynita Israa'iila'en ɓeen. Tawi Israa'iila'en ɓeen mburtake leydi ndiin na njaha wo heɓtuɓe ko'e muɓɓen.

Wurtagol 3:19

Ammaa miɗo anndi kaananke Misira jaɓataa njahon sanaa wo doolɗa.

Wurtagol 3:20

Ndelle mi foortan junngo am mi fiira Misira e maandeeji kaayniiɗi ɗi ngaɗanmi ley muuɗum fuu. Caggal ɗuum o yoppan on ndillon.

Wurtagol 7:13

Ammaa ɓernde Fira'awna heddii ina yoori, o hettindanaaki ɓe. Ɗum laatorii hono no Joomiraaɗo wiirunoo noon.

Wurtagol 7:3

Ammaa mi yoornan ɓernde Fira'awna. Mi hebbinan maandeeji am kaayniiɗi ley leydi Misira.

Wurtagol 8:11

Ammaa nde Fira'awna yi'unoo heɓii jam fu, yoorni ɓernde muuɗum, salii hettindanaade Muusaa e Haaruuna. Ɗum laatorii hono no Joomiraaɗo wiirunoo noon.

Wurtagol 8:15

Ndeen dabarankooɓe ɓeen mbi'i Fira'awna: — Ɗum kaa wo junngo Laamɗo. Ammaa ɓernde Fira'awna heddii ina yoori sanne. O hettindanaaki ɓe. Ɗum laatorii hono no Joomiraaɗo wiirunoo noon.

Wurtagol 9:12

Joomiraaɗo yoorni ɓernde Fira'awna katin. O hettindanaaki ɓe. Ɗum laatorii hono no Joomiraaɗo wiirunoo Muusaa noon.

Wurtagol 9:35

Ɓernde Fira'awna heddii na yoori, o accaay Israa'iila'en ndilla. Ɗum laatorii hono no Joomiraaɗo wiirunoo Muusaa noon.

Yuhanna 12:40

«Laamɗo wumnii gite maɓɓe, yoornii ɓerɗe maɓɓe, taa gite maɓɓe nji'a, taa ɓerɗe maɓɓe paama, taa ɓe tuuba, de o danna ɓe.»

Romankooɓe 1:28

Saabe ko ɓe miilinoo anndude Laamɗo walaa ko nafata ɗuum, Laamɗo yoppidi ɓe e majjere maɓɓe, faa ɓe ngaɗi ko neɗɗo haanaa waɗude.

Romankooɓe 9:18

Ndelle, Laamɗo yurmoto mo muuyi, yoornan ɓernde mo muuyi.

2 Korintunkooɓe 2:16

To halketeeɓe ɓeen, wo min luumngol maayde jaaroowol ɗum'en to maayde, ammaa to hisinteeɓe ɓeen, wo min uurngol nguurndam jaaroowol ɗum'en to nguurndam. Moy foti gollude gollal ngaal?

Fillitagol 2:36

Gilla Aro'er gonɗo daande gooruwol Arnon e galluure wonnde daande muuɗum faa hewta Galaad fuu, en kawraay galluure ɓurnde en semmbe. Joomiraaɗo, Laamɗo meeɗen watti ɗe ɗe fuu e juuɗe meeɗen.

Yoosuwa 11:20

Joomiraaɗo e hoorem yoorni ɓerɗe maɓɓe faa ɓe ngaɗa konu e Israa'iila, heɓa ɓe kalkee, taa ɓeen njurmoo ɓe, hono no Joomiraaɗo yamirnoo Muusaa ni.

1 Piyeer 2:8

Hayre ndeen na ferga yimɓe, na saabanoo ɗum'en boɓɓaade.» Iɓe pergoo e mayre sabo ɓe calake rewude konngol ngool. Wo noon ɓe podoranaa.