Wurtagol 4:13 - Dewtere Laamɗo Fulfulde Burkina Faso

¹³ Ndeen Muusaa wi'i: — Yaafam Joomiraaɗo, nelu goɗɗo feereejo mo muuyɗaa.

Wurtagol 4:13 ပူးပေါင်းရင်းမြစ်များ

Fuɗɗoode 24:7

Laamɗo Joomiraaɗo taguɗo kammu oon ƴuwni kam suudu baaba am e leydi ndi ndimaami ndiin. O hunanii kam, o wi'i: «Wo ƴuwdi maa kokkammi leydi ndii.» Wo kanko nelata maleyka makko yeeso maaɗa, faa ɓaŋanaa ɓiyam debbo toon.

Fuɗɗoode 41:35

Fira'awna hawjoo ɓe, ɓe kawrondira nguurey ley duuɓi jeɗɗi garooji, ɓe ngaɗa beembe alkama. Ɗum laatoo nguurey desaaɗo ley kuɓeeje.

Fuɗɗoode 48:16

Maleyka kisinɗo kam e sii torra fuu, barkina sukaaɓe ɓee. Innde am e innde saaraaɓe am Ibrahiima e Isiyaaka, keddoo saabe maɓɓe. Ɓe ɗuuɗa faa ɓe keewa ley adunaaru.

1 Kaanankooɓe 19:4

Ndeen o yehi haddi yaadu nyalooma muɓɓo nder ladde de o yottii ley lekki. O sori, o jooɗii ley makki. Ɗoon o du'ii, o ŋaarii maayde, o wi'i: — Joonin kaa Joomiraaɗo, torra o heƴii kam. Adu yonki am, sabo mi ɓuraa artiiɓe kam maayi ɓeen.

Wurtagol 23:20

Mi nelan maleyka yeeso mooɗon deenoowo on dow laawol faa yaara on nokkuure nde moƴƴinanmi on ndeen.

Wurtagol 4:1

Muusaa jaabii Joomiraaɗo, wi'i: — Ndaar, ɓe njaɓataa haala am, ɓe kettindantaako kam. Ɓe mbi'an kam: Joomiraaɗo ɓanganaay ma fey?

Wurtagol 4:12

Ndelle yahu. Miin miɗo wondi e hunnduko maaɗa. Mi tindinte ko kaalataa fuu.

Wurtagol 4:14

Ndeen Joomiraaɗo ɓernani Muusaa, wi'i: — Wanaa sakiike maa Haaruuna Lewinke oon na ɗoon naa? Miɗo anndi imo waawi haala. Inani imo wara faa o hawra e maaɗa. Nde o yi'i ma fu, ɓernde makko seyoto.

Yuunusa 1:3

Ammaa Yuunusa ummiii doggiri ngalluure Tarsis faa woɗɗoo Joomiraaɗo. O nanngi laawol o yehi to laanaaji ndiyam ndarotoo ley ngalluure Joffe. Toon o tawi laana ndiyam njahoowa Tarsis. O yoɓani yaade Tarsis, o naatidi e yimɓe wonɓe ɗoon ɓeen faa o woɗɗoo e Joomiraaɗo.

Yuunusa 1:6

Mawɗo laana kaan yehi to Yuunusa wi'i ɗum: — Gorko a ɗaanii naa? Ummaa ŋaaraa alla maaɗa, yalla o hettindante, o walla en taa kalken.

Matta 13:41

Ɓii Neɗɗo nulan maleyka'en muuɗum, itta luttinooɓe woɓɓe e waɗooɓe ko boni fuu e ley laamu muuɗum.

Yuhanna 6:29

Iisaa jaabii ɓe: — Gollal ngal Laamɗo yiɗi ngaal woni ngoonɗinon mo o nuli.

Ardiiɓe 2:1

Joonin, maleyka Joomiraaɗo ummii gilla Gilgal yehi Bokim. O wi'i Israa'iilankooɓe: — Wo miin wurtini on leydi Misira, waddi on nder leydi ndi kunaniimi maamiraaɓe mooɗon mi hokkan ɗum'en. Katin du, wo miin wi'unoo mi halkataa amaana mo ngaddumi e mooɗon oon faa abada.