Wurtagol 39:32 - Dewtere Laamɗo Fulfulde Burkina Faso

³² Nii ɓe timminiri golle nokkuure seniinde ndeen, ɗum woni Hukum Ceniiɗo oon. Israa'iila'en ngaɗi huunde fuu ko Joomiraaɗo yamirnoo Muusaa.

Wurtagol 39:32 ပူးပေါင်းရင်းမြစ်များ

1 Kaanankooɓe 6:38

Ley hitaande sappo e go'aɓerde laamu makko, ley lewru jeetataburdu ɗum woni lewru Buul, suudu nduun nyiɓidaa faa hawri, tawi alhaali nyimngo ngon fuu na foti e no anniyorano. Duuɓi jeɗɗi Suleymaana nyiɓiri ndu.

1 Kaanankooɓe 7:40

Hiram tafi du barmaaji e pelliiji e taasahoy mbiccirkoy ƴiiƴam. O timmini golle ɗe o gollanannoo Kaananke Suleymaana ley suudu Joomiraaɗo. Ɗum woni:

1 Kabaaruuji Laamiiɓe 28:19

Daawda wi'i: — Ɗum fuu wo e binndi junngo Joomiraaɗo hokkiri kam de holli kam no haani waɗiree.

Wurtagol 12:28

Caggal ɗuum ɓe njehi, ɓe ngaɗiri noon. Ɓe ngaɗi huunde fuu ko Joomiraaɗo yamirnoo Muusaa e Haaruuna.

Wurtagol 25:40

Ndaaraa faa wooɗa de ngaɗiraa huunde fuu fodde alhaali mo kollumaami dow waamnde oon.

Wurtagol 31:7

Golle ɗeen wo Hukum Ceniiɗo e Keesuwal Amaana e ommboode muuɗum e gollitirɗe muuɗum fuu,

Wurtagol 39:31

Ɓe ngaɗani ngol ɓoggol bulabulawol faa ngol haɓɓiree e kufune oon, hono no Joomiraaɗo yamiri Muusaa noon.

Wurtagol 39:33

Ɓe ngaddi hukum oon to Muusaa. Ɗum woni hukum oon e gollitirɗe muuɗum: ngadirkoy e leɗɗe darnirɗe e leɗɗe pale e dammbugaaje e joƴƴinirɗe muɓɓen,

Wurtagol 40:1

Joomiraaɗo wi'i Muusaa: —

Wurtagol 40:3

Ndesaa Keesuwal Amaana ngaal de uddiraa ngal ridoo.

Wurtagol 40:32

nde naatata hukum oon naa nde ɓattotoo sakkirde ndeen fuu. Iɓe lootoo fodde no Joomiraaɗo yamiri Muusaa noon.

Limle 3:31

Golle maɓɓe wo ndaarande keesuwal Amaana e taabawal e joƴƴinirɗe fitillaaji e cakkirɗe e kujje gonɗe ley nokkuure seniinde e wudere senndoore ɗum, kamɓe njeyi ronndaade ɗum fuu.

Matta 28:20

Njannginon ɓe ɓe njokka ko njamirmi on ɗuum fuu. Anndee, miɗo wondi e mooɗon nyannde fuu faa ɗo adunaaru timmi.

Ibraninkooɓe 3:2

O hoolnake e Laamɗo cuɓiiɗo mo oon, hono no Muusaa hoolnorii ley suudu Laamɗo fuu noon.

Ibraninkooɓe 8:5

To almaami'en ɓeen ngollata toon na holla en ko woni dow kammu. Nokku maɓɓe oon wo sifa tan. Nde Muusaa ɓadinoo darnude hukum Seedaaku oon ndeen, Laamɗo sappani mo, wi'i: «Tinnoɗaa, ngaɗiraa huunde fuu dow sifa mo kollumaami dow waamnde oon.»

1 Samuwiila 15:22

Samuwiila wi'i: Ɗume ɓuri welde Joomiraaɗo? Kirsamaaji buleteeɗi e sadakaaji kirseteeɗi naa ɗowtanaade konngol Joomiraaɗo? Hettinda! Ɗowtanaade ɗum na ɓuri kirsamaaji, jaɓande ɗum du na ɓuri ɓellere jawɗi.