Wurtagol 37:17 - Dewtere Laamɗo Fulfulde Burkina Faso

¹⁷ O siiwi kaŋŋe dimo, o tappi, o waɗi joƴƴinirde fitillaaji. O waɗani nde darorde e calɗi e gattirɗi nebbam nannduɗi e pinndi e bilite tiigiiɗe ndi. Ɗum fuu o seŋi ɗum e joƴƴinirde fitillaaji ndeen, ɗum laatii huunde wootere.

Wurtagol 37:17 ပူးပေါင်းရင်းမြစ်များ

1 Kabaaruuji Laamiiɓe 28:15

O holli teddeefi fitillaaji kaŋŋe e joƴƴinirɗi muɓɓen gaɗiraaɗi kaŋŋe tawti ɗi cardi e joƴƴinirɗi muɓɓen gaɗiraaɗi cardi fodde ko ngollitortee.

Wurtagol 31:8

e taabawal e gollitirɗe muuɗum, e joƴƴinirde fitillaaji waɗiraande kaŋŋe dimo e gollitirɗe muuɗum e wulirde ure ndeen.

Wurtagol 37:16

O waɗani ngal du gollitirɗe, ɗuum woni taasaaje e jarduɗe e taasahoy e jollooji saabe sadakaaji njaram. Ɗuum fuu e kaŋŋe dimo o waɗiri ɗum.

Wurtagol 37:18

O waɗani ɗum calɗi jeegom, tati keediri salndu hakkundeeru nduun senngo ngoo, tati keddiiɗi du senngo ngoo too.

Lewinkooɓe 24:4

O deka fitillaaji ɗiin dow joƴƴinirde muɓɓen seniinde ndeen faa keddoo na kuɓɓa yeeso Joomiraaɗo wakkati fuu.

Limle 8:4

Joƴƴinirde fitillaaji ndeen fuu wo kaŋŋe dimo tafiraa gilla ley faa hewti alhaali pinndiiji ngaɗaaɗi dow mayre. Nde tafiraa hono no Joomiraaɗo yamirnoo Muusaa noon.

Matta 5:15

Fay gooto huɓɓataa lampal, de hippa ɗum kaakol. Ko waɗata dey, ɓilan ngal, ngal yaynana gonɗo e suudu nduun fuu.

Filipiyankooɓe 2:15

faa laatoɗon laaɓuɓe ɓe ngalaa feloore, laatoɗon ɓiɓɓe Laamɗo ɓe ngalaa laru hakkunde yimɓe hannden oonyiiɓe bonɓe ɓeen. Sanaa njaynon hakkunde maɓɓe hono no koode njaynirta ley aduna ni,

Ibraninkooɓe 9:2

Nokku oon wo hukum mo cuuɗi ɗiɗi: arandeeru nduun wo suudu seniindu inndirtee. Ɗoon joƴƴinirɗe fitilla e taabawal gondungal e buuru cakkaaɗo ngonnoo.

Holleede 1:12

Njeeƴiimi yalla miɗo yi'a kaaldoowo e am oon. Nde njeeƴinoomi ndeen, mi yi'ii fitillaaji kaŋŋe jeɗɗi.