Wurtagol 34:9 - Dewtere Laamɗo Fulfulde Burkina Faso

⁹ O wi'i: — Yaa Joomiraaɗo, miɗo ŋaare si mi keɓuɗo moƴƴere yeeso maaɗa, njaada e amin. Goonga, yimɓe ɓee wo sattuɓe, yoorɓe ko'e. Njaafoɗaa lutti amin e hakkeeji amin, de ngaɗaa min laatoo jeyal maaɗa.

Wurtagol 34:9 ပူးပေါင်းရင်းမြစ်များ

Wurtagol 19:5

Joonin du si on kettindake haala am, si on njokkii amaana am, on laatoto jeyal am korsungal hakkunde lenyi fuu, sabo miin jeyi adunaaru fuu.

Wurtagol 32:9

Joomiraaɗo wi'i Muusaa: — Mi yi'i yimɓe ɓe. Si goonga wo ɓe sattuɓe, yoorɓe ko'e.

Wurtagol 33:12

Muusaa wi'i Joomiraaɗo: — A wi'ii kam: «arda yimɓe ɓee, ammaa a wi'aay kam moy woni mo njaadammi.» Ammaa a wi'ii: «miɗo anndiri ma e innde maaɗa, a heɓii du hinney yeeso am.»

Wurtagol 34:7

kolloowo hinney muuɗum koolniiɗo faa yottoo taaniraaɓe taaniraaɓe, jaafotooɗo hakkeeji e lutti. Wo mi kiititooɗo gooduɗo hakkeeji fuu. Wo mi kiitotooɗo ɓiɓɓe saabe hakke baabiraaɓe muɓɓen faa yottoo e taaniraaɓe e taaniraaɓe taaniraaɓe.

Limle 14:19

Miɗo ŋaare, saabe manngu hinney maaɗa, njaafoɗaa hakke mo ɓe ngaɗi oon, hono no njaafortonoɗaa ɓe gilla nde ɓe ndillunoo leydi Misira faa yottii hannden noon.

Matta 28:20

Njannginon ɓe ɓe njokka ko njamirmi on ɗuum fuu. Anndee, miɗo wondi e mooɗon nyannde fuu faa ɗo adunaaru timmi.

Fillitagol 32:9

Sabo ngeɗu Joomiraaɗo wo yimɓe muuɗum, Yaakuuba woni ndongu muuɗum.

Fillitagol 4:20

Ammaa onon kaa, Joomiraaɗo nanngii on wurtinii leydi Misira, duɗal taayinoowal njamndi ngaal faa laatoɗon ndongu muuɗum, yimɓe muuɗum, hono no laatoriɗon hannden ni.

Fillitagol 9:18

Wakkati oon kippiimi e leydi yeeso Joomiraaɗo hono no puɗɗam noon. Nyaloomaaji 40 e jemmaaji 40 mi nyaamaay mi yaraay saabe hakkeeji ɗi ngaɗuɗon sabo on umminirii ɓernde Joomiraaɗo e hakkeeji ɗi ngaɗoton ɗiin.

Fillitagol 9:26

Ndu'iimi to Joomiraaɗo mbiimi: — Yaa Laamɗo Joomiraaɗo, taa halku ndongu maaɗa, yimɓe maaɗa ɓe kisinirɗaa manngu maaɗa, ɓe mburtinirɗaa leydi Misira e semmbe mawɗo.

Fillitagol 9:29

Ammaa wo ɓe ndongu maaɗa, yimɓe maa ɓe mburtinirɗaa baawɗe maaɗa e semmbe mawɗo.