Wurtagol 34:6 - Dewtere Laamɗo Fulfulde Burkina Faso

⁶ Joomiraaɗo faltii yeeso Muusaa na wi'a: — Miin woni Joomiraaɗo, Joomiraaɗo, Laamɗo mo yurmeende e moƴƴere, jom munyal, keewɗo hinney, jom hoolnaare nde timmataa,

Wurtagol 34:6 ပူးပေါင်းရင်းမြစ်များ

Fuɗɗoode 24:27

wi'i: — Jettooje ngoodanii Joomiraaɗo, Laamɗo joomam Ibrahiima, kanko mo yoppaay waɗande joomam hinney e hoolaare oon. Joomiraaɗo ɗowii kam e laawol faa e suudu sakiraaɓe joomam.

2 Samuwiila 24:14

Daawda wi'i Gad: — Miɗo woni ley ɓillaare luggunde. Sanaa min caama ley juuɗe Joomiraaɗo sabo yurmeende muuɗum na heewi. Ammaa mi yiɗaa saamude e juuɗe yimɓe.

1 Kaanankooɓe 19:11

Ndeen Joomiraaɗo wi'i: — Wurta ɗo! Njahaa dow waamnde, ndaroɗaa yeeso am. Inan no Joomiraaɗo faltortoo: Henndu ndu semmbe wifi, ndu seeki baamle, ndu heli kaaƴe yeeso Joomiraaɗo. Ammaa Joomiraaɗo tawaaka ley mayru. Caggal henndu nduun, dimbaango leydi manngo waɗi, ammaa Joomiraaɗo walaa nder maggo.

1 Kaanankooɓe 8:30

Kettindoɗaa du ŋaarnde maccuɗo maaɗa e nde yimɓe maaɗa Israa'iila'en wakkati kucciti nokkuure ndee na ndu'oo fuu. Ayyo, nananaa min gilla joonnde maaɗa, dow kammu toon, de njaafoɗaa min.

Nehemiya 9:17

Ɓe ɗowtanaaki ma, ɓe njeggiti maandeeji kaayniiɗi ɗi ngaɗanɗaa ɓe, ɓe cattini ɓerɗe maɓɓe. Ley muurtere maɓɓe, ɓe cuɓanii ko'e maɓɓe ardotooɗo ɓe, faa ɓe yecco ley maccungaaku nder leydi Misira. Ammaa aan, wo a Laamɗo jaafotooɗo, a jom yidde e yurmeende e munyal e moƴƴere. Fay nde ɓe ngaɗannoo ko'e maɓɓe ngaari kaŋŋe de ɓe mbi'i kayri woni alla maɓɓe burtinɗo ɓe leydi Misira, maa du, nde ɓe ngaɗunoo golle bonɗe, a yoppaay ɓe kamɓe tan.

Wurtagol 20:5

Taa kofoɗaa yeeso kujje ɗeen, wooɗi du, taa ɗowtanoɗaa ɗe sabo miin Joomiraaɗo, Laamɗo maaɗa oon, wo mi Laamɗo keewɗo kiram. Mi kiitotooɗo ɓiɓɓe saabe hakkeeji baabiraaɓe muɓɓen faa hewta taaniraaɓe e jaatiraaɓe wanyuɓe kam ɓeen.

Wurtagol 22:27

Taa mbonkee Laamɗo, taa kuɗee ardiiɗo lenyol mooɗon.

Wurtagol 33:19

Joomiraaɗo wi'i Muusaa: — Mi waɗan moƴƴere e hinney am fuu paltoo yeeso maaɗa, ndeen mi innda innde am wi'eteende «Joomiraaɗo» yeeso maaɗa faa nanaa. Mi hollan hinney am mo kinnotoomi, yurmeende am du mo njurmotoomi.

Banndi 3:3

Taa jaɓu hinney e hoolaare mboɗɗe. Ɓilu ɗum e daande maa, winndu ɗum dow alluwal ɓernde maa.

Tindinoowo 8:11

Ko bonɓe carataake law ɗuum waɗi de ɓerɗe ɓiɓɓe-Aadama na kebbinaa waɗude ko boni.

Yuunusa 4:2

O waɗi du'aare to Joomiraaɗo, o wi'i: — Yaa Joomiraaɗo, wanaa kanjum mbi'unoomi gilla mi dillaay leydi am naa? Ɗum waɗi ndoggirmi Tarsis law. Sabo miɗo anndi wo a Laamɗo keewɗo moƴƴere e yurmeende, a jom munyal, keewɗo njinngu, a accitoowo nulude halkere.

Limle 12:8

Miɗo haalda e muuɗum hunnduko e hunnduko, wanaa e holleede maa e ley sirri. Imo yi'a alhaali am. Ndelle, ko saabii de cuusuɗon felude maccuɗo am Muusaa?

Yuhanna 1:17

Saabe Muusaa keɓirɗen jamirooje, ammaa hinney e goonga wo saabe Iisaa Almasiihu heɓiraa.

Romankooɓe 2:4

Naa a jawɗo moƴƴuki Laamɗo mawki kiin, kam e munyal muuɗum e heese muuɗum naa? Yalla a faamaay moƴƴuki muuɗum ina yaare faa tuubaa?

Fillitagol 32:3

Mi toownan innde Joomiraaɗo. Teddinee Laamɗo meeɗen!

Fillitagol 4:31

Sabo Joomiraaɗo, Laamɗo mooɗon oon, wo Laamɗo jurmotooɗo, o yoppataa on, o halkataa on, o yeggitataa amaana tedduɗo mo o haɓɓidinnoo e maamiraaɓe mooɗon oon.

Fillitagol 5:10

Ammaa yiɗuɓe kam de na ɗowtanoo jamirooje am ɓeen kaa, mi hinnoto ɗum'en faa hewta jamaanuuji ujunere.

Yaakuuba 5:11

Eɗen mbi'a barke woodanii tinniiɓe ɓeen. On nanii haala tinnaare Ayuuba, wooɗi du on nji'ii e ley ɗum fuu no Joomiraaɗo fodoranii mo cakitte lobbe, sabo Joomiraaɗo wo keewɗo yurmeende, jom hinney.