Wurtagol 34:18 - Dewtere Laamɗo Fulfulde Burkina Faso

¹⁸ Ngaɗaa iidi Buuru mo Jillaaka Rabilla. Nyaamron buuru oon balɗe jeɗɗi hono no njamirmi on noon. Ngaɗon iidi oon ley lewru Abib, sabo wo ley mayru mburtiɗon leydi Misira.

Wurtagol 34:18 ပူးပေါင်းရင်းမြစ်များ

Wurtagol 12:2

— Wo ndu lewru laatantoo on go'aɓurdu hakkunde lebbi fuu.

Wurtagol 12:42

Hono no Joomiraaɗo haybirani jemma oon faa wurtina yimɓe muuɗum leydi Misira noon, wo noon Israa'iila'en kaaniri haybande jemma oon ley jamanuuji fuu sabo jemma oon wo jemma miccintinoowo ɗum'en ko Joomiraaɗo waɗani ɗum'en.

Wurtagol 13:3

Ndeen Muusaa wi'i yimɓe ɓeen: — Miccoɗon nyalaande nde, wo nyalaande nde mburtiɗon Misira, ley leydi maccungaaku, sabo wo junngo Joomiraaɗo semmbiɗingo wurtini on. Taa nyaamon huunde fuu ko jillaa rabilla.

Wurtagol 13:4

Hannden ley lewru wi'eteendu Abib mburtotoɗon.

Wurtagol 23:14

Ley hitaande fuu, ngaɗanaa kam iidi kile tati.

Wurtagol 23:15

Ngaɗaa iidi Buuru mo Jillaaka Rabilla. Balɗe jeɗɗi nyaamirtaa buuru mo jillaaka rabilla hono no njamirmaami noon. Ngaɗaa iidi oon ley lewru Abib, sabo wo ley leyru nduun mburtinoɗaa leydi Misira. Taa ngaraa yeeso am juuɗe ɓole.

Lewinkooɓe 23:6

Nyannde 15 lewru nduun, ngaɗanon Joomiraaɗo iidi Buuru mo Jillaaka Rabilla. Nyaamiron buuru oon balɗe jeɗɗi.

Limle 28:16

Nyannde 14 lewru go'aɓurdu fuu, ngaɗanon Joomiraaɗo iidi Faltagol.

Limle 28:17

Nyalaande 15 lewru nduun, hiiro iidi ngoon fuɗɗata. Ngo waɗiree balɗe jeɗɗi. Buuru mo Jillaaka Rabilla tan nyaametee haddi balɗe jeɗɗi ɗeen fuu.

Marka 14:1

Balɗe ɗiɗi keddanii Iidi Faltagol e Iidi Buuru mo Jillaaka Rabilla. Hooreeɓe almaami'en e jannginooɓe Tawreeta pilii nanngirde Iisaa e hiila faa keɓa mbara ɗum.

Luuka 22:1

Wakkati Iidi Buuru mo Jillaaka Rabilla ndiin ɓadake. Ɗum woni iidi nyannde Faltagol.

Golle Nelaaɓe 12:3

Nde o yiinoo iɗum weli Alhuudiyankooɓe ndeen, o nanngi Piyeer du. Ɗum hawri e wakkati Iidi Buuru mo Jillaaka Rabilla.